استفسار بسيط !! >>>> اتمنى اشفوف ردود اصحاب الاختصاص بالذات

[B-A-1983-A-B]

استفسار بسيط !! >>>> اتمنى اشوف ردود اصحاب الاختصاص بالذات

يعطيكم العافية شباب رواد المنتدى سؤال بسيط ،، انا صارلي 4 اشهر اهني اعرض جم سيارة بغرض الاستفادة من العمولة ،، السؤال في بيع بالمنتدى ولا بس عرض لمجرد العرض اهني لان لحد هالشهر هذا عرضت مالا يقل عن 10 سياراة وباسعار معقولة وايد بس ماشفت احد يشتري ولا حتى يسوم سومة بثلثين قيمة السيارة !!

وشاكر لكم شباب،، الموضوع لنقاش فقط مو لطنازت اليهال لو سمحتو خواني مجرد سؤال ورد غطاه وشاكر لكم ..

وانشالله نحصل تفاعل وردود حلوة منكم >>>> تقبلو تحياتي

 

[sound blaster]

في بيع بس البورصه هل اسبوع انخسفت والناس ماعندها كاش
شوف لي ماعليك أمر جاكوار اكس تايب يفضل سلفر٠ ٢٠٠٢او٢٠٠٣
او لنكن ٢٠٠٣وا ماركيز او فكتوريا

 

[B-A-1983-A-B]

في بيع بس البورصه هل اسبوع انخسفت والناس ماعندها كاش
شوف لي ماعليك أمر جاكوار اكس تايب يفضل سلفر٠ ٢٠٠٢او٢٠٠٣
او لنكن ٢٠٠٣وا ماركيز او فكتوريا

هلا اخوي ربك يكون بالعون انشالله جان على البورصة الله يبعدني عنها خلني على شغل العمولات بو 30 دينار من المشتري ابرك لي من بلاوي البورصة يونسونك بالف دينار ربح لمدة اسبوع تالي يخسرونك 10 الاف دينار عقب ربحك بيومين !!!!!

في ماركيز 2002 gs وارد المجموعه بس خل اتأكد لك من صاحبة اذا فية اصباغ واعرف ممشاه جم واعطيك خبر انشالله

 

[خالد32]

مشكور على فتح الموضوع الشيق انا جربت بس موهني بموقع آخر اذا ماعندك عصابه ماتبيع ولايمشي شغلك يعني صلحلي واشوت عرفت يزايدون لين يدجونها بحلج مسكين وفي اطفال يتفشخرون يحسب المزاود مثل البلي شتيشن جدام اصدقاءه يعني دفيع ولااتصلت فيه مايرد اويطفي جهازه سام وتوهق وفي ناس جاده ويجب انك اتحمل تمر عليك كل النوعيات...
عموماً اذا صوبك لاندكروزر بسعر معقول ونظيف جداً وموماشي كثير ياليت تبلغني واكون ممنونك وعمولتك راح ترضيك 2005-2006-2007-2008

 

[sound blaster]

مشكور على فتح الموضوع الشيق انا جربت بس موهني بموقع آخر اذا ماعندك عصابه ماتبيع ولايمشي شغلك يعني صلحلي واشوت عرفت يزايدون لين يدجونها بحلج مسكين وفي اطفال يتفشخرون يحسب المزاود مثل البلي شتيشن جدام اصدقاءه يعني دفيع ولااتصلت فيه مايرد اويطفي جهازه سام وتوهق وفي ناس جاده ويجب انك اتحمل تمر عليك كل النوعيات...
عموماً اذا صوبك لاندكروزر بسعر معقول ونظيف جداً وموماشي كثير ياليت تبلغني واكون ممنونك وعمولتك راح ترضيك 2005-2006-2007-2008

على طاري في أطفال

واحد كان عارض سياره بمنتدى .. والشباب يزايدون جان يوقف السعر عند آخر سومه ..المهم
راعي الموضوع يكتب للرفع للرفع ..
محد قام يزايد .. جان يكتب يا شباب أعذروني أخوي الصغير هو راعي آخر سومه .. ارجو الغاء السومه الأخيره

الحبيب لما شاف السعر مبالغ فيه وواقف أعترف

..
اخوي مو مشكله شوف لي الماركيز وجم ماشي

 

[B-A-1983-A-B]

على طاري في أطفال

واحد كان عارض سياره بمنتدى .. والشباب يزايدون جان يوقف السعر عند آخر سومه ..المهم
راعي الموضوع يكتب للرفع للرفع ..
محد قام يزايد .. جان يكتب يا شباب أعذروني أخوي الصغير هو راعي آخر سومه .. ارجو الغاء السومه الأخيره

الحبيب لما شاف السعر مبالغ فيه وواقف أعترف

..
اخوي مو مشكله شوف لي الماركيز وجم ماشي

تسلم اخوي على مرورك وانشالله بعطيك خبر بس اشوف الموتر واشوف شنو الملاحظات اللي عليها وانشالله يكون موتر طيب

 

[B-A-1983-A-B]

مشكور على فتح الموضوع الشيق انا جربت بس موهني بموقع آخر اذا ماعندك عصابه ماتبيع ولايمشي شغلك يعني صلحلي واشوت عرفت يزايدون لين يدجونها بحلج مسكين وفي اطفال يتفشخرون يحسب المزاود مثل البلي شتيشن جدام اصدقاءه يعني دفيع ولااتصلت فيه مايرد اويطفي جهازه سام وتوهق وفي ناس جاده ويجب انك اتحمل تمر عليك كل النوعيات...
عموماً اذا صوبك لاندكروزر بسعر معقول ونظيف جداً وموماشي كثير ياليت تبلغني واكون ممنونك وعمولتك راح ترضيك 2005-2006-2007-2008

تسلم اخوي على مرورك الطيب ،، والله ياخوي انا بالي طويل وصدري وسيع بس ياخوي المشكلة ماتح ان احد يبي يشتري !
واذا نظام بعض الناس لازم تسوي عصابة عشان يمشي شغلك فلا والله ربي يغنيني عن هالـ 30 دينار اللي بتييني من وراها دعاوي الناس ..

بدور لك اللاند مع اني مو خبرة فيهم بس انحصلت بطرش لك مسج عالخاص ورقم راعي الموتر

 

[Se7T]

اخوي انا شريت وبعت اكثر من مره
سواء اهنيه او بموقع مزاد او بمواقع بيع السيارات
الحيات ستكون اكترونية ولاتستغرب ان يأتيك البنجرجي برايفت

 

[aq8]

بااارك الله فيك
ما تخبر لى هونداي انترا من 2006 فوووق
الدفع كاااش

 

[B-A-1983-A-B]

بااارك الله فيك
ما تخبر لى هونداي انترا من 2006 فوووق
الدفع كاااش

هلا اخوي لا والله ماعندي النترا حاليا ... بس ان تحصل عندي بطرش لك رسالة عالخاص انشالله

 

[B-A-1983-A-B]

اخوي انا شريت وبعت اكثر من مره
سواء اهنيه او بموقع مزاد او بمواقع بيع السيارات
الحيات ستكون اكترونية ولاتستغرب ان يأتيك البنجرجي برايفت

تسلم اخوي على تجاوبك مع الموضوع يمكن انت مشاية معاك ربي يوفقك ويرزقك امين ،، بالنسبة لي هذا اول موقع اجربة وماجربت غيرة صراحة ... وكنت ناوي اشوف غير هالموقع بس عقب ماشفت ان ماكو شراية كلش بسراحة غسلت ايدي من عرض النت : )

 

[أحمد ظاهر]

حياك الله حبيبي في منتدانا ومرحبا بك

حبيبي نصيحة لا تعتمد على موقع او منتدى واحد .. اشترك بأكثر من منتدى واكثر من موقع .. في موقع يكون عليه اقبال وموقع لا .. وما تدري من وين رزقك يجيك

وبكل الاحوال الله يوفقك ويوسع عليك رزقك ويبارك فيه

اخوي انا لي صديق عارض له سيارته بالمنتدى .. سيارة سكودا سوبيرب .. الاعلان فيه المواصفات والصور .. والسيارة ما شاء الله عليها نظيفة كثير وحلوة اكثر .. ورقمه موجود بالاعلان دق عليه وتفاهم انت وياه ولا تذكرني فقط قول انك شفت الاعلان ودقيت عليه مباشرة

http://www.indexsignal.com/vb/showthread.php?t=233559

والله ولي التوفيق ،،،

 

[560SEL]

والله في ناس يبي السياره ببلاش ولو تعطيه باقل من سعر السوق وانظف
ما شاء الله الشعب صاير شريطيه واذا اعرضو مواترهم شبوها ضو وتلقاها ما تسوى ملفقه تلفيق
لكن الرزق بيد الله ومن عاش بالحيله مات بالفقر والله يحاسب كل من يبخس
انا عرضت موتر باقل من سعر السوق ب 1500 دينار ويجي من يكسر السومه من 5500 الى 3850 دينار يعني لو ابي ابيع كان بعت راعي السوم الاول ولا شايف الناس اغبياء
لكن حسبي الله ونعم الوكيل

 

[ح.الموسوي]

اعتقادي انه في وايد ناس فيهم فضول وكلامك صح لو تحط مثلا لكزس 2007 ال اس كامل وتحده 13 الف يطلع لك واحد يقول اسومه 10 الاف انزين انا حاده 13 الف يعني لقافه زايده وحجي فاضي
بصراحه
في اشياء ماشيه بالمنتدى مثل الاشياء الرخيصه اللي ما تتعدى 30 او 40 دينار
او شي قيمته 200 وصاحبه طالب فيه 50
سبحان الله الناس مادري شلون صايره

مع العلم انه في ناس تحط بضاعه بره قيمتها دينارين وهني تبيعها 30 وعادي يشترون
اعتقد الاعلان وشكله يسوي شغل
الله يوفقك اخوي ويرزقك

 

[جهاد666]

فيه ناس فعلا تلعب لاشاري ولابايع ,,
وفيه ناس شرواكم والنعم شرينا منهم وبعناوالحمدلله الامور زينة ,,
اخوي ابي فكتوريا او ماركيز 2007 و8 و9 و 10 بدون اصباغ ان حصلت ابشر بعمولتك حبيبي ..

 

[B-A-1983-A-B]

تسلمون على تفاعلكم الحلو مع الموضوع >>>> هلا اخوي جهاد اذا صار عندي بعطيك خبر

 

[BBK]

والله يا اخواني موضوعكم جميل جدا . ولكن شنقول . الناس فيها المجنون وفيها الصاحي
وفيها اللي ما يفرق وياه حلال او حرام . يعني سياره بالسوق سعرها مثلا ما يتعدا ال 5 الاف
تدش تلقاهم مطيرينها موصلينها 9 الاف ههه مادري يضحكون علي عقولنا او مادري شسالفه؟؟

ولكن ما نقول غير . الله المستعان . والله يرزقك يا صاحب المووضوع بالناس الجاده للي تشتري سياراتك اللي تعرضهاا ..

وجانك تخبر . بورش كايين اس 2006 او 2007 او 2008 .ياليت تقولي وابشر بالعموله اللي ترضيك

 

[B-A-1983-A-B]

تسلم اخوي بس هذا اللي حاصل اهني عشان ماظلم المنتديات الثانية لاني ماجربت غير هالمنتدى وبصراحة انسدت نفسي عن الشغل هههههه .

اذا حصلت لك كايين بطرش لك مسج عالخاص