مطلوب جاخور في كبد

[BoFareS]

السلام عليكم ورحمة الله وبركاته

اخواني في الوقت الحالي على جم اسعار جواخير كبد ؟!


اتمنى ذكر المساحه مع السعر ...

ويفضل مساحته اكثر من 1500 ان وجد ...

وشكرا

 

[مساهم جديد2007]

كبد::ق12 مساحة 1250 جار المسجد 200متر من الشارع فقط جاخور سوبر ديلوكس حجر جيري
الجزء الأول:
ديوانية مؤثثة + wc + مغاسل
غرفتان مؤثثتان + مطبخ مجهز + wc + مغاسل
يفصلهما مدخل مغطى.
الجزء الثاني:
غرفة + مطبخ مؤثث مع طباخ غاز + wc + مخزن(جميعها خاصة بالحارس ومدخلها منفصل)
أشباك منفصلة عبارة عن (محكرات طيور + أماكن للماشية أو حيوانات)
الجزء الأوسط(الثالث) الأكبر:
ساحة ترابية عليها ملعب كرة قدم صغير ومرشات زرع ويمكن استغلالها للزراعة أو ألعاب الأطفال أو لنصب خيمة أو بيت شعر
الخدمات المتوفرة بالقرب من الجاخور:
مسجد + بقالة متحركة + محلات أعلاف + مدخل سهل
ملاحظة: الكهرباء واصلة + 4 توانكي ماء
المطلوب 42 الف والرزق على الله

 

[BoFareS]

ما شاء الله الظاهر متعوب عليه الجاخور ...

ياليت لو اخوي تحطلي صور عنه لانه تعرف الصور تعبر اكثر ولاني حاليا خارج البلاد ...

ممكن نعرف جم اسعار الجواخير الغير مبنيه وشكرا

 

[محمد الحبشي]

عندي جاخور مساحته 2500 و عباره عن حوطه مافيه لا كهرباء و لا ماء و السوم عليه 32 و البيع فرق السوم . و عندي جواخير مبنيه بس و الله اسعارهم من 40 الف و طالع

 

[BoFareS]

اخوي الحبشي في البدايه اشكرك على الرد السريع ...

لكن ما ذكرتلي تفاصيل الجاخور اي قطعه؟ ومكانه سهل ولا شلون؟

وبالنسبه لسعره اعتقد مناسب للمساحة الكبيرة ولكن على حسب المكان ...

شكرا