شرايكم بالتأجير السنوي؟

الموضوع في 'اعلانات المركبات' بواسطة Abdulla990, بتاريخ ‏10 مايو 2010.

حالة الموضوع:
مغلق
  1. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    السلام عليكم
    يا جماعة شرايكم بسالفة التأجير السنوي من اعيان او التمويل؟
    منو جربهم و شنو ايجابيات و سلبيات هالموضوع؟
    و الف شكر مقدماً
     
  2. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    اب
    اللي يعرف لا يبخل بالمعلومة المفيدة :)
     
  3. am7

    am7 عضو نشط

    التسجيل:
    ‏6 فبراير 2006
    المشاركات:
    618
    عدد الإعجابات:
    3
    عندي خبره 5 سنوات تأجير من بيت التمويل


    أعيان سيرفس و خدمه و أسعار مشابهه لبيت التمويل
    أعيان السنه 13 شهر و السنتين 25 شهر
    العداد 35 و 70

    بيت التمويل
    السنه 12 شهر و السنتين 24 شهر
    العداد 35 و 70

    أعيان تسوي السيرفس عندهم و يشككون فيك
    بيت التمويل تسويه بالوكاله



    قبل كم سنه كانت أسعار الأيجار رخيصه و كانت نسبة الأرباح عاليه
    كانت قبل سنتين 35.5% لخمس سنوات الآن 16.75% لخمس سنوات , أقل من النصف
    مع هذا أسعار الأيجار إرتفعت بدل ما تنزل

    كان بيت التمويل بالماضي تبديل الإيطارات عليه
    الآن تبديل الإيطارات عليك
    الجامات اذا انكسرت 25% عليك , بالماضي كانت على بيت التمويل
    و الحوادث ضد مجهول كانت 25% اذا أكثر من 300 دينار الآن 25% حتى لو انها 100 دينار

    مميزات التأجير كلها شفطها بيت التمويل لصالحه مقابل إرتفاع بأسعار التأجير
    أعتقد السبب هو إن سوقه قام و زباينه كثروا , المطلوب هو مقاطعه
    أنا ماني عارف شلون بيت التمويل يأمن تأمين شامل و يوجد هناك فتوى صريحه للشيخ إبن باز تحرم هالشي
    بس الظاهر بيت التمويل عنده خوش لجنة فتاوى تشريعيه تسلك أموره الماليه [​IMG] أستغفر الله
    الآن هو وقت شراء و ليس تأجير


    أفضل شركة تأجير بالكويت
    الكامري عندهم تأجيرها الأرخص
    سيرفس شامل كل شيء
    و تأمين شامل كل شيء , براسهم إن شاء الله إنت ما أمنت هم أمنوا
    و عداد 50 ألف بالسنه مو 35
    و مع هذا كله سعرهم ارخص من بيت التمويل
    و هو تويوتا , السايــــــــــــــــــــر

    بس عيب واحد فقــــــــــــــط آآآآآخ لو يسمحون إن الزبون يسافر بالسياره
    يصيرون هم أفضل شركة تأجير بالكويت

    نصيحتي لك: إشتر أرخص حيل
    بس أنا عندي مشكله كبيرة ما أقدر أأمن تأمين شامل لأنه حرام
    عند بعض الناس عادي



    .
    .
    .
    بالتوفيق
     
  4. am7

    am7 عضو نشط

    التسجيل:
    ‏6 فبراير 2006
    المشاركات:
    618
    عدد الإعجابات:
    3
    تبون نصيحة أخ

    لا تشترون سيارات بيت التمويل المستعمله
    95% تأجير , تعرفون شنو يعني تأجير :)
     
  5. Fierce

    Fierce عضو نشط

    التسجيل:
    ‏8 يوليو 2008
    المشاركات:
    377
    عدد الإعجابات:
    239
    اشتر لك سياره وانا اخوك ابرك لك
    اللي ماهو بين ايديك عسر عليك
    في جزئيه بالنسبه للـاجير ماني هاضمها وبصراحه مقلقه نوعا ما
    التأمين لا يغطي الكوارث وضد مجهول
    انا سألتهم قلت لو لا سمح الله حصلت كارثه جويه او انعدمت السياره وهي واقفه واللي دعمها انحاش يعني ضد مجهول
    تتحملها بالكامل
    وأرد اقول اشترلك سياره ابرك
    تلاقي على الطلب عد وخربط
     
  6. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    بيض الله وجهك يا اخ am7
    و اشكرك على هالرد الوافي و الشرح الأكثر من كافي لمزايا و سلبيات التأجير من اعيان و التمويل

    انا اتصلت بأعيان فقط
    و كان كلام الموظف مقنع و مقبول جدا بالنسبة لمزايا و قوانين التأجير عندهم
    و حتى الأسعار لا بأس بها
    لكن طبعا الكلام شي و التجربة شي ثاني و اخاف يتعبوني معهم بعدين

    التمويل ما سألتهم و لا افضل التعامل معهم إلا للضرورة القصوى لأن طريقتهم في التعامل مع العميل سيئة

    نشوف الساير و إن شاء الله يطلع احسن من غيره

    و مشكور مرة ثانية
     
  7. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    جزاك الله خير على النصيحة
    بالنسبة لي انا ما اشتري مستعمل لأني غشيم بالسيارات
    و اللي ما يعرف بالسيارات ما له غير الجديد :)
     
  8. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    جزاك الله خير على النصيحة و كلامك منطقي و صحيح
    لكن السيارة مو لي انا :)
    ام العيال الله يحفظها سواقتها تعبانة
    و بسبب سواقتها خربت سيارتها الجديدة و اضطريت اعطيها سيارتي و استعمل سيارتها
    لكن سيارتي ما قدرت تصمد معها و خربت و صار عندنا سيارتين سكراب ههههههه
    و لهذا السبب فكرت استأجر لها سيارة جديدة لمدة سنة
    و في نهاية السنة تكون سكربتها طبعا و نستبدل السيارة المكسرة بسيارة جديدة :)
     
  9. khaled6

    khaled6 عضو جديد

    التسجيل:
    ‏9 نوفمبر 2009
    المشاركات:
    281
    عدد الإعجابات:
    0
    مكان الإقامة:
    kuwait
    مشكله مالها حل الله يعينك مالك الا طريقتك صح او تشتري لها شفر 79 :)
     
  10. am7

    am7 عضو نشط

    التسجيل:
    ‏6 فبراير 2006
    المشاركات:
    618
    عدد الإعجابات:
    3
    حط لها سايق
    أو سايقه فلبينية
     
  11. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    مشكورين يا جماعة على المشاركة, الله يجزاكم خير
    الظاهر راح نصرف نظر عن الموضوع في الوقت الحالي
     
  12. z-75

    z-75 عضو جديد

    التسجيل:
    ‏22 يناير 2009
    المشاركات:
    163
    عدد الإعجابات:
    0
    اخوي كل شي ولا التأجير السنوي
    يصيدونك صيده ويوم تسلمهم السياره يطلعونلك الف عيب فيها واذا زلخ صغير يقولك صبغ مدقر كامل !!!!
     
  13. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    مو خوش سالفة
    مشكور على التحذير
     
  14. mxxy

    mxxy عضو مبدع

    التسجيل:
    ‏28 فبراير 2007
    المشاركات:
    2,665
    عدد الإعجابات:
    1
    مكان الإقامة:
    Kuwait
    شوف أخوي انه ما أنصحك بالتأجير السنوي وخاصتا لمتوسطي الدخل ولي ماشين على المعاش لكن الي الله رازقهم لا والله خلي يأجرون كل سنه سيارة فيها تأمين شامل وسيارة بديلة من نفس الوكالة . لكن بشكل عام بعطيك 4 شركات لا تروح حق غيرهم للتأجير أبتعد عن المكاتب نهائيا .


    هذي قائمة دزوها لي الدوام من 9 شهور تقريبا كانوا حاطين لي افضل الشركات للتأجير السنوي ولأن لي فيهم خصم كبير


    1- شركة ريف لتأجير السيارات ولديهم نظام التملك ( سيارة بديلة من نفس نوعية السيارة - تأمين شامل ذهبي ) دفعة كبيرة ثم دفعه متقطعه لا يدخل بالساي نت bmw - Range rover

    2- شركة ماكفم ليس لديهم التملك ولكن تستطيع شرائها كمستعملة ( سيارة بديلة من نفس الوكالة - تأمين شامل ذهبي ) غير داخل بالساي نت ولكن دفعه وحده لسنة التأجير bmw - Range rover - minicoper - land rover

    3- شركة أعيان معروفة ولديهم الاند كروزر واليوكن والشفر والدودج والسفاري الجديد ( تأجير من غير التملك - تأمين شامل - ربما توجد سيارة بديلة لبعض الطرازات ) داخل في C net ودفعه بسيطه

    4- بيت التمويل نفس أعيان بالضبط ولكن الموديلات قديمة سنه تقريبا وهم داش بالساي نت



    هالوكالات هذول يعطونك السيارات جديدة ماعدا ريف والتمويل على حسب اتفاقك ، بالنسبه حق اعيان وماكفم تطمن لو تحرق السيارة ما يقولون لك شي !!!! لا داخلي ولا خارجي احد اقربائي اجر رنج روفر 2009 لون المقرديني فل ابشن دعم فيه 3 مرات !!! من كثر ما يسرع وما خذ راحته على الاخر ورد السيارة ومحد قاله شي بس عاد بجم اجره ( بسنه وحده 7900 دينار ) لكن عاد رنج روفر موديل السنه الي اهوه فيها .



    شنو ميزة المكاتب الملاعين ان مو داخل بالساي نت لكن كلاب كلاب كلاب ويكرم السامع والاعضاء حراميه - عيل اكو سيارة شفر يوميا ب 20 دينار !!!!! واكو تاهو خكري موديل 2008 بشهر 350 ولا لم ترد السيارة يقعد يطلع لك اعذار ويقولك انت داعم وانت صابغ ومادري شنو


    المكاتب اخوي حدك معاهم للتأجير الاسبوي او اليومي يعني بظروف وحالات خاصه فقط .


    وإليك الخيار وأسأل اكثر قبل الذهاب إليهم .
     
  15. ليث متواضع

    ليث متواضع عضو جديد

    التسجيل:
    ‏16 ابريل 2010
    المشاركات:
    3,457
    عدد الإعجابات:
    2
    مكان الإقامة:
    الكويت
    بيت التمويل الكويتي الأمان والأطمئنان
     
  16. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    رحت أاجر سياره لاني بعت سيارتي وقاعد ادور لي موتر

    حسبتها بأعيان على التمويل على هل طقه

    نسبة خسارتي بالسنه 3450 ..يعني عطيتهم هل مبلغ هديه وطلعت بلوووشي

    لا وكله صوب واذا خلص عداد الكيلوات تعال أحسب ..
     
  17. بو بـدر

    بو بـدر عضو جديد

    التسجيل:
    ‏7 أغسطس 2009
    المشاركات:
    463
    عدد الإعجابات:
    0
    مكان الإقامة:
    الكويت
    الساير عنده عرض كامري 2010 درجة ثانية فتحة ورنجات وبلوتوث بـ 5800 واشوف سعر مناسب واخذ اللون الصدفي وموفق
     
  18. vtc_305

    vtc_305 عضو جديد

    التسجيل:
    ‏6 سبتمبر 2008
    المشاركات:
    405
    عدد الإعجابات:
    0
    اي من الشركات يأجر شاص ابو شنب

    التمويل او الساير..

    وكم العداد..35 ولا 50 وفي سفره وحده ولا لأ ..

    وكم سعره

    واذا في ارقام الشركاات ولا احد يجيب لنا العلم

    ياليت حتىى لو ع الخاص تفيدوني والله يجزاكم خير
     
  19. ©A©

    ©A© عضو جديد

    التسجيل:
    ‏7 يناير 2008
    المشاركات:
    539
    عدد الإعجابات:
    0
    في نقطه اساسيه في موضوع التأجير السنوي. لو حصل لك ظرف او سفره دراسه مثلا ماتقدر تفل العقد الا تييب واحد يشيل عندك باقي العقد ( طبعا يكون مستوفي الشروط من شهادة راتب الخ ) مع رسوم تحويل !

    او تكع المبلغ بالكامل مال التأجيروتسلمهم السياره ههههه والله مصيبه

    بالعربي لا تأجر والله سوق كرولا موديل 83 بس لا تاجر والسلام
     
  20. أبو خليفه

    أبو خليفه عضو جديد

    التسجيل:
    ‏23 أغسطس 2008
    المشاركات:
    250
    عدد الإعجابات:
    0
    أشتر ولا تأجر وريح بالك
     
حالة الموضوع:
مغلق