رسالة الى النصافى

[ابو محمد 2007]

اتق الله فى المساهمين السوق صعود 70 نقطه وشركتكم المحترمه نزول الى متى هذا الى ان يصل السهم الى خانة 50 فلس كل اموالنا اودعناها فى هذة الشركه

 

[ابو محمد 2007]

لا حول ولا قوة الا بالله

 

[بلاحدود]

لا حول ولا قوة إلا بالله...

والله يا اخوي يا كثر الناس اللي ما تخاف الله

ربي يعوضك خــير.. و ينتقم من الظالم

 

[بحراوي]

لا حول ولا قوة الا بالله

للتذكير اخوي ابو محمد شركة منافع تابعة لمجموعة المشاريع القابضة الخاصة بالشيخ حمد ناصر الاحمد الصباح ، ورئيس مجلس الادارة عيد هذال الرشيدي مجرد اسم في الشركة ارجو ان وصلت المعلومة

 

[MaRka]

اتق الله فى المساهمين السوق صعود 70 نقطه وشركتكم المحترمه نزول الى متى هذا الى ان يصل السهم الى خانة 50 فلس كل اموالنا اودعناها فى هذة الشركه

الله يكون بالعون يابومحمد
والله مثلك شارين بـ 102 بس من ناحية الخوف والله ما اثرت فيني وانا كذا ولا كذا متقبل الوضع , المهم زي ما قال احد الاخوان ان الشركة تابعه لمجموعة المشاريع وعيد هذال النصافي رئيس مجلس ادارة الشركة فقط يعني اذا كان في خلل اداري او سياسة في الشركة تقدر تنقده اما حركة السهم صعود او نزول هذا يعتمد على السوق والمساهمين ومجلس الاداره مايتدخل فيه ابدا وتقدر ترجع وتشوف قوانين البورصه ..

الحال من بعضه بس الفرق بيننا وبين البعض
ان شركتنا جديده ومحققه ارباح وتشغيليه ان شاء الله , وانت داش مع قروب طيب ويعتبر افضل قروب من ناحية النزاهه والامانه واتحدى احد يقدر يعطي وجهة نظر اخرى , والنصافي للامانه معرفتي فيه قبل 10 سنوات ومن ناحية النظافه والامانه اشهد بالله انه مايغش ولا هو من الخداعين , لكن السوق يحكمه عنصر الاستقلاليه وهناك من يستقل ظروف السوق في الضغط على السهم لاسعار غ معلومه , واكرر بان مجلس الاداره مستقل كليا عن سعر السهم وبالتوفيق يابومحمد ..

 

[MaRka]

لا حول ولا قوة إلا بالله...

والله يا اخوي يا كثر الناس اللي ما تخاف الله

ربي يعوضك خــير.. و ينتقم من الظالم

ونعمه بالله , وسلامات يالغالي
هذه مجموعة المشاريع حق الامير ابن الامير ابن الامير ابن الامير , ماهي لعب مثل مجموعة الشمالي والبدر والبحر والخرافي والخرابيط , حنا مع السنام السمين ان طاح فاعرف ان السوق طايح قبل واهو معقبه -ماهي بلحية ان لقحت ولا ماضرها الجمل , وياليت وصلك المعنى ..

 

[خبير النفط]

الله يكون بعونكم

 

[عاشق الدبدبه]

ياجماعه مايجوز المسلم يدعي على المسلم وانا اعرف ابو سعود عدل وهو بعيد كل البعد عن الحرمنه

 

[ابو محمد 2007]

الى متى يا ماركه وعاشق الدببه ما دعينا على اخونا المسلم نقول اتق الله يرضيك السوق 117 صعود والسهم نزول فلسين اقل شىءالاغلاق على نفس السعر ماهو نزول

 

[بلاحدود]

ونعمه بالله , وسلامات يالغالي
هذه مجموعة المشاريع حق الامير ابن الامير ابن الامير ابن الامير , ماهي لعب مثل مجموعة الشمالي والبدر والبحر والخرافي والخرابيط , حنا مع السنام السمين ان طاح فاعرف ان السوق طايح قبل واهو معقبه -ماهي بلحية ان لقحت ولا ماضرها الجمل , وياليت وصلك المعنى ..

وصــل.. وصل المعنى طال عمرك..

 

[ADEL ALAZMI]

ولله مستغرب منك بو محمد شلون حااط فلوسك كلها فيها

على اى اساس حطيتهم شركه وتوها نازله ولاعندها اصوول قويه ولا ارباح تشجع

وعيد هذال يابو محمد اعتقد ماله اى علاقه بالشركات الاستثماريه او درايه اقتصاديه

حاطينه المشاريع ...

بالاخير ... الله يعوض عليك وترجع فلوسك ....ونصيحه لاتحط فلوسك كلها بسهم لو شيصير

على الاقل 30% حق الطوراى والتعديل

 

[ابو محمد 2007]

يالعازمى الفلوس كلها راحت بين صفاه عالمى ومنافع والمجموعه الدوليه لكن مازلت متفائل وان شاء الله تتعدل الامور

 

[ابو.يوسف]

يالطيب سمعت كلام وعتبره غير صحيح ولكن انا سمعت
صفاة عالمي قريب تعلن افلاس .............. والله اعلم