الي مسافر ماليزيا يدش

[al_ma6rood]

السلاااام عليييكم شباااااب

يا جماعه بساافر ماليزيا اول شهر 7 (شهر عسل) ابي الي راااح يفيدني بمناطق العوايل و مناطق حلوه اقدر اروحلهااا
و شاااكر لكم​

 

[ukhrep]

اخوي بالبداية

الف مبروك على الزواج

وبداية حياة جديدة وسعيده

وماليزيا حلوه

انصحك تروح فندق اسمه صن واي لاجون

عندهم شاليهات تحتوي على حمام سباحه خاص بالغرفة

يعني تسبح انت والمدام وعلى احتكم ابروحكم​

 

[تويجر]

الف مبروك

دش على دليل ماليزيا بقوقل وراح تلقى اللي يسرك

 

[ADEL ALAZMI]

الف مبرووك ياعريس منها المال ومنها العيال

رحله موفقه وحياة مليئه بالسعاده انشاءلله

 

[sawa7]

الف مبروك يالغالي
ماليزيا بلد رائع وجميل
روح السفريات واحجز لك يومين في الصن وي لاجون وبعدين احجز لك في لنكاوي 3 ايام اذا تحب الطبيعه الخلابه وبعدين احجز في بيننج على البحر 3 ايام وبعدين احجز في العاصمه كوالالمبور
3 ايام
بالتوفيق واي شي تبي بالخاص حاضر

 

[اخر العنقود2]

صن واي لوجن - جنتغ - بينغ - هواليدي ان - لنكاوي - برجيا

وانا ساكن فيهم وعلى كيف كيفك .

 

[B M W]

سفره موفقه اول شئ قولي حجزت ولا بعد
عشان اعرف اضبطك عدل ناطرك

 

[العثماني77]

موفق اخوي ..

ماليزيا حلوى وخصوصا للمعاريس ..

وانصح تروج الكامرون وايييد حلوة مزارع وباردة وجبلية .. كافي عليها يومين أو ثلاث

تقدر تروح عن طريق بينج 6 ساعات بالكثير باص vip ووو تقدر من كولومبيور ..
وانصحك من بينج تروحلها وبعدين من الكامرون لي كولومبور 5 ساعات بالكثير .. لأنها الكامرون بينهم وقالوا بسوون قطار بس الظاهر ما خلص ...

والمنطقة اكبر منطقة لزرع الشاي والفرواولة والعسل بماليزيا ..

اذا عندك استفسار ترى حاضرييين

 

[al_ma6rood]

الله يبااااارك فييييييييكم ما قصرتووا شباااب و فيكم الخييير

اخوووي bmw والله ليلحين ما حجزت
السفره اول 7

مادري شنااطر آنه
ههههههههههههههههههههه

 

[Al_Zain]

اخوي انا رحت شهر العسل إلى ماليزيا

وكانت خمس ايام في لنكاوي ( فندق برجايا وفندق ثاني اسمه طويل ) والاثنين روعه صراحه

وبعدين كاميرون هايلاند حيث الغيوم تداعب الوجوه رحت لها 3 ايام

وبعدين كوالالمبور 4 ايام ومن بعدها عدنا للكويت


وموفق اخوي واتمنالك حياة سعيدة مع شريكة حياتك


ماليزيا بلد ولا اروع ولا اجمل

وللعلم انا حجزت من ماليزيا نفسها وفرق معاي السعر كثير

 

[fayoona74]

لاتطوفك منطقة اسمها افاموزا بماليزيا روووعة

 

[أبرك الساعات]

انا اعطيك الزبده وما راح تندم عليها كلش

أول ما تطب اسكن بكوالالمبور يوم واحد بس على شان ترتاح من السفر وثاني يوم روح منطقة اسمها الكاميرون هايلند واسكن بفندق اسمه( ليك هاوس ) ولا تطوفك رحلة مزارع الشاي وبصراحه هذي احلى رحله بماليزيا كلها. خل لك يومين او ثلاثه بالكاميرون وبعدين روح جزيرة بينينغ اسكن بالهوليدي ان بالتاور لانه حلو ومنظر البحر من التور عجيب ولا يطوفك مطعم عمر الخيام لانه حده عجيب وحدها 3 ايام هالجزيره وبعدين روح بالباخره(الفيري) الى جزيرة لانكاوي واسكن بمنتجع برجايا لاجون او لانجاوي لاجون وانا انصحك تقعد 4 ايام فيها لانها حلوه وفيها رحلتين حلوين اللي اهم المانغروف و جزيرة الامل..وبعدها رد بطياره الى كوالالمبور واسكن باقي الايام فيها وتقدر تروح سنغافوره فباص زقرتي احلى من الطياره تروح الصبح وترد بالليل و روح جينتنغ يوم واحد بس و ارجع واستمتع بكوالالمبور حتى العوده. كل رحلاتك راح تكون بالسياره الا الى جزيرة لانجاوي راح تكون بالباخره او الطياره و رحلتك من لانكاوي الى كوالالمبور بالطياره.

احلى منطقتين بماليزيا على التوالي....الكاميرون وبعدها لانكاوي.

 

[bo7anon]

اي ياجماعه انا بعد بروح ابي اعرف جم تكلف تذكرة شخصين حق ماليزيا واي طيران أفضل سواء بالصيف او ورا العيد

وجم يكفي المصروف مناك وشكرا

 

[red1981man]

موفق والف مبروك

المناطق بماليزيا

كولالمبور - لنكاوي - بيننج -مرتفعات الكاميرون

غاليا اول ليلتين في منتج صنواي لجون في ولاية سلانجور من المطار اتوقع ساعه طبعا في فندقين لسنواي لجون العادي والمتنجع والمنتجع تقدر تختار الفلل اللي فيها مسبح الليله فيها بحدود 100 دينار اما الغرف اقل طبعا تكون داخل المنتجع وتطل على الالعاب المائية افضل الغرف (الكلوب روم)

لنكاوي للعرسان اكثر هدوء ولكن في ناس تفضل بيننج للحركه اكثر فيها والذهاب لهم بالطيارة في بننج افضل فندق شنجريلا

الكاميرون خضرة ومزارع وفنادقها كلها تصنف 3 نجوم


اماكن تستحق الزيارة
جنتج وهي مدينة العاب على الجبل جوها بارد نسبيا وفيها غيوم وفيها تلفريك ولا ينصح بالسكن فيها ممكن زيارتها من كوالالمبور .

حديقة الطيور والفراشات والزهور( الجو رطوبه شوي)
الاكواريم
برج الاتصالات
البرجيين التوام
افا موزا
سوق ماينز وندر لاند (في ممر مائي بالنص تجول بالقارب)+مدينو العاب تستح الزيارة

 

[fayoona74]

الديرة تونس بس الله يعينك عالجو والرطوبة

 

[العاشق]

بلد حلوه حيل تحصل مناطق بارده ومناطق نفس تايلند رطوبه شوي

بس فيه جزيره انصحك تروحلها ماني متأكد من الاسم حيييييييييييييييييل حلوه فيها نهر هناك تشوف النسور فوقك طايره نقطلهم اكل يجونك مشوتين

وهاديه حيل انا رحت بنفس اليوم رديت طلعتلها رحله بعباره ورديت المغرب

ذبحتنا العباره يسرعون والمايه عاليه انصحك روح طياره رخيص موغالي وخلك ثلاث ايام فيها

اعتقد اسمها لنقاوي

على فكره اذا بتروحون سوق عليكم بماركاتهم حلوه ورخيصه ومستواها جيد

نفس قزاز تقريبا

الماركات العالميه غاليه عندهم وممكن جلد خنزير بعضها

الف مبروك اخوي وعسى ربي يهنيكم​

 

[mohamed q]

أخوانى طيب أنا ناوى أروح ماهو أنسب وقت للسفر .؟؟
عرفنا المناطق الحلوة لكن التكلفة كم للفنادق ؟
هل وسائل النقل غالية ولا يرفعون السعر لما يشوفنك غريب عنهم؟
الأخ Muthana Al_Zain
ذكر عن الحجز من ماليزيا أرخص ممكن يفيدنا أكثر بهالخصوص

 

[الصدق منجاة]

[COLOR="Blue[COLOR="Red"]"]* كلمات اتمنى انها تساعدكم اذا زرتو ماليزيا :[/COLOR]

ـ نطقها===== الكلمة بالماليزية ======الكلمة العربية

السلام عليكم Assalamualaikum السلام عليكم
اهلا وسهلا Salamat datang سلامت داتنغ
صباح الخير Salamat pagi سلامت فاقي
مساء الخير Salamat malam سلامت مالم
مع السلامة Salamat jalam سلامت جالن
شكراً Terima kasih تريما كاسيه
عفواً Sama – sama ساما – ساما
أين المسجد ? Dimana masjid ديمانا مسجد
ماهذا Apa Ini افا اني
من أنت Siapakah kama سيافاكة كامو
ساعدني من فضلك لقد أضعت الطريق Sayasesat , tolong saya ? سايا ست تولونغ له سايا
حار / بارد Panas – Sejuk فاناس / سجدك
غالي / رخيص Mahal – Marah ماهال / مورة
داخل / خارج Didalam – Di luar دي دالم / دي موار
قريب / بعيد Daket – Jauh دكت / جاوه
اصلي / تقليد Asli – Palsu أصلي / فالسو[/COLOR]​

 

[ناس داك خوش ناس]

يا شباب يروح ماليزيا بعد عيد رمضان معاى عايله شلووووووووووون الطريقه وين ممكن يناسب العوايل وشلون الجو فى شهر 9 ؟؟ افضل الاماكن حق عايله ويهال لو سمحتو ابى مساعدتكم

 

[ابوهمبكه]

موفق والله بعينك انشالله وترد بالسلامه