هل اصبحت مؤسسة الرعاية السكنية بورصة جديدة للربح !

[MR_q]

v



V



V




يااخوان الا تلاحظون بان الوضع تغير عن ما كان فالسابق بخصوص المشاريع الاسكانية والطلبات الان نرى انها اصبحت تجارة وربح ودفع فروق والاستفادة من اقدمية الطلب او التخصيص دون الحاجه الى السكن الفعلي
الكل يقدم على الاسكان لكي يحصل على سكن لعائلته حتي لو يطول الانتظار ولكن نستغرب من بعض الاعلانات ومنها :
للبدل طلب 92 مع طلب جديد مع دفع الفرق لنا !! يعني صارله 18 سنة ينطر وحاشه اكثر من مشروع ولم ياخذ به ومستعد ينطر بعد اذا احد دفع له الفرق !
او للبدل تخصيص مع طلب لغاية سنة 98مع دفع الفرق لنا يعني الناس تنطر والاخ مخصصيله وما يبي بيت يبحث عن الفرق !!! اين الحاجه للسكن !
او للبدل طلب قديم مع طلب جديد الناس تنطر والاخ صاحب الطلب القديم يرجع وراا يبحث عن المادة اين الحاجه للسكن !
جميع ذلك يأخر في الطلبات والدور ويخلط المواطن اللى محتاج للسكن مع المواطن الذي عنده استعداد يقعد 25 سنة ويبحث عن الربح!!!
وايضا جعل الاسعار البدل ترتفع الى ان وصلت 65000 الف واكثر !!!
وشكرااا​

 

[maax1]

اخوى شتحسب شتخلى اذا على الغلط شكثر اغلاط هذا حال الدنيا خلها على الله

اقولك على شغلة
واحد اعرفة ساكن فى بيت ابوة المتوفى ومساحتة 1000متر
وماعندة الا اخوة لصغير واخوانة الباجى كلهم برا طلعت له ارض بطن وظهر فى منطقة مرغوبة جدا وعلى الرئيسى قام بناها وسواها شقق اجار مو محتاجها << الله يرزقه يشهد الله موحسد هذا نصيبة
بس حبيت اضيف لك << نموذج

شخص ثانى لظروف خاصة مأجر ب 420 دك دور ارضى فى القيروان
راتبة حدة حدة والطلب الاسكانى الى عندة من 11 سنة
ويتمنى يقول راضى بأرض 250متر بس ابى اسكن
مو قادر يوفر من الراتب ومايبى يقصر على عياله
الراتب رايح اجارات ومصاريف << الله يعينه ويفرجها عليه
يحلم فى بيت حكومة لو سد مو حاصله تعرف لازم 15 سنة تقطها وراك بعدين تتحرا شى منية او مناك انت وحظك مع الاسكان << هذا نموذج ثانى

الله يسهلها على الجميع آمين يارب​

 

[الجود الاول]

الرازق بالسما والحاسد بالارض

قولوا بعد

فيه ناس عندهم الف متر فى عبدالله السالم والشويخ السكنيه

وناس عندهم 290 متر فى الظهر

ناس تسافر كل صيف وناس ما عندها تسافر

واحد ابوه مليونير وواحد ابوه فقير

طالعوا اللى بايدينكم ولا تطالعون برزق غيركم

واحمدوا ربكم على الستر والعافيه

 

[CENTRALBANK]

قبل كانت الناس تبدل على الف والفين الحين على ستين وسبعين وطبعا اللي بيبدل بياخذ المبلغ ويزيده علشان يشتري بمكان ثاني اللوم كله على الحكومه اللي خلت اسعار العقار ترتفع هذا الارتفاع الجنوني وانا اقترح الغاء قرض التسليف لان ما منه فايده

 

[مفتاح]

الرازق بالسما والحاسد بالارض

قولوا بعد

فيه ناس عندهم الف متر فى عبدالله السالم والشويخ السكنيه

وناس عندهم 290 متر فى الظهر

ناس تسافر كل صيف وناس ما عندها تسافر

واحد ابوه مليونير وواحد ابوه فقير

طالعوا اللى بايدينكم ولا تطالعون برزق غيركم

واحمدوا ربكم على الستر والعافيه

ردك وافي وكافي

 

[zidantheking]

الرازق بالسما والحاسد بالارض

قولوا بعد

فيه ناس عندهم الف متر فى عبدالله السالم والشويخ السكنيه

وناس عندهم 290 متر فى الظهر

ناس تسافر كل صيف وناس ما عندها تسافر

واحد ابوه مليونير وواحد ابوه فقير

طالعوا اللى بايدينكم ولا تطالعون برزق غيركم

واحمدوا ربكم على الستر والعافيه

اجتهد في دراستك

اشتغل شغلة زينة و معاشها قوي

بعدين تفلسف على الي ابوه غني

و قوله انا الي كونت نفسي مو ابوي !!!!

بعدين انت دلع عيالك و سكنهم على كيفك

اما تبي خريج الدبلوم يصير حالة حال الدكتور انسى

من جد وجد

ولي يجد بهديره يحصله احلى بيت

مشكلتنا طماعين نبي نقدم طلب و نحصل بيت بعد سنة (اعتماد الشعب على الحكومة زاد عن حده )

ما يدرون شنو قاعد يصير بباقي الناس , 13 واحد امكودين اب شقة 70 متر

الحمدلله على كل حال

 

[ابن تيميه]

قبل كانت الناس تبدل على الف والفين الحين على ستين وسبعين وطبعا اللي بيبدل بياخذ المبلغ ويزيده علشان يشتري بمكان ثاني اللوم كله على الحكومه اللي خلت اسعار العقار ترتفع هذا الارتفاع الجنوني وانا اقترح الغاء قرض التسليف لان ما منه فايده

نعم أيدك بأن السبب ليس المواطن بل المؤسسه هي التي تراخت في بناء مشاريع جديده .. كل بضعه سنوات مشروع تابع يتكون من 1000أو 2000وحده سكنيه ...فقط في 5سنوات الاخيره قامت المؤسسه تعمل بجديه أكثر

 

[MR_q]

الرازق بالسما والحاسد بالارض

قولوا بعد

فيه ناس عندهم الف متر فى عبدالله السالم والشويخ السكنيه

وناس عندهم 290 متر فى الظهر

ناس تسافر كل صيف وناس ما عندها تسافر

واحد ابوه مليونير وواحد ابوه فقير

طالعوا اللى بايدينكم ولا تطالعون برزق غيركم

واحمدوا ربكم على الستر والعافيه

اخوي ما علاقة السفر والحسد والصيف ومليونير في الموضوع !
احنا نتكلم عن اللى قايد يصير الحين في الطلبات وانتظار المواطن وارتفاع الارسعار والمتجارة الربحية واذا تبي سفر وواحد غني وواحد فقير ومحد يسدك هذا موضوع ثاني مو في مؤسسة الرياعة السكنية !

 

[MR_q]

قبل كانت الناس تبدل على الف والفين الحين على ستين وسبعين وطبعا اللي بيبدل بياخذ المبلغ ويزيده علشان يشتري بمكان ثاني اللوم كله على الحكومه اللي خلت اسعار العقار ترتفع هذا الارتفاع الجنوني وانا اقترح الغاء قرض التسليف لان ما منه فايده

والله كلامك صحيح يا اخوي

 

[al7boob]

لا والله شباب الطمع اللى عم اعيون الناس ....... هذا سبب
والسبب الثانى من المكاتب طبعا المكاتب اللى اتسوق حق البيوت يقول السوم عليه وطالب راعى البيت كذا ( يزيدون بالاسعار)
ويعرضون بيوتهم غاليه ((الدينار)) والا الامور سهالات

 

[MR_q]

...

 

[MR_q]

\\\

 

[أبوعلي1]

السلام عليكم ورحمة الله وبركاته جميعا
يا جماعه خلونا نتكلم بما يرضي الله
اول شيء انا مع اخوي صاحب المشاركة وكلامه عين العقل من اول حرف لاخر حرف ويسلم لكلامه المنطقي والعقلاني

اما اخونا اللي يقول السفر واللي مليونير استغرب كلامه اصلا مافي وجه مقارنه الاخ يتكلم عن اللي ياخرون الطلبات شكو الفلووس والسفر !!

عموما انا واحد من الناس محتاج السكن ومضطر للبدل وادور واحاول ادفع لا وادور بيت حكومي ويشهد على كلامي اعلاني بنفس الصفحة وياما لقيت ناس لهم تخصيصات الحبايب نايميين بالعسل ويطلبون بالعالي !!! تلقاهم في بيت مو محتاجين بيت الحكومه وعنده استعداد ينطر 30 سنه جدااام يعني الاخ الكريم بكل دفعه له كرسي الله يرزق الجميع لكن هو واللي مثله اول ناس يرفعون قيمة البدل ... ونقول السكنية مقصره حتي لو قصرت ربعنا تقصيرها من صالح اللي يدور الزيادة واللي فاتح مخباته بكل تبديل وبكل دفعه انا اتكلم بشكل عام

واعيد واكرر شكري لصاحب المشاركة لحروفه اللي كلها من ذهب ​

 

[MR_q]

السلام عليكم ورحمة الله وبركاته جميعا
يا جماعه خلونا نتكلم بما يرضي الله
اول شيء انا مع اخوي صاحب المشاركة وكلامه عين العقل من اول حرف لاخر حرف ويسلم لكلامه المنطقي والعقلاني

اما اخونا اللي يقول السفر واللي مليونير استغرب كلامه اصلا مافي وجه مقارنه الاخ يتكلم عن اللي ياخرون الطلبات شكو الفلووس والسفر !!

عموما انا واحد من الناس محتاج السكن ومضطر للبدل وادور واحاول ادفع لا وادور بيت حكومي ويشهد على كلامي اعلاني بنفس الصفحة وياما لقيت ناس لهم تخصيصات الحبايب نايميين بالعسل ويطلبون بالعالي !!! تلقاهم في بيت مو محتاجين بيت الحكومه وعنده استعداد ينطر 30 سنه جدااام يعني الاخ الكريم بكل دفعه له كرسي الله يرزق الجميع لكن هو واللي مثله اول ناس يرفعون قيمة البدل ... ونقول السكنية مقصره حتي لو قصرت ربعنا تقصيرها من صالح اللي يدور الزيادة واللي فاتح مخباته بكل تبديل وبكل دفعه انا اتكلم بشكل عام

واعيد واكرر شكري لصاحب المشاركة لحروفه اللي كلها من ذهب ​

الله يسلمك يا ابو علي والله يا اخوي هذا الواقع وزيد عليهم بعد اصحاب المكاتب العقارية اللي بعد كل توزيع دفعة من الاسكان تلقى المخطط عندهم والسوم اشتغل !

 

[ابو غانم]

ياشباب اللي طلبه 92 أو انشاءالله 70 ومايبي ياخذ بيت ويطوف المشاريع اللي تمر عليه .

شنو المشكلله فيها يعني ؟؟!!!! كيفه وهو حر احنا شدخلنا فيه !!!

واحد مرتاح ومايبي ياخذ بيت السالفه غصب يعني


صج أني أنطر أي مشروع قريب علشان آخذ فيه بس مالي شغل بالباقيين وكل واحد وظروفه

 

[MR_q]

ياشباب اللي طلبه 92 أو انشاءالله 70 ومايبي ياخذ بيت ويطوف المشاريع اللي تمر عليه .

شنو المشكلله فيها يعني ؟؟!!!! كيفه وهو حر احنا شدخلنا فيه !!!

واحد مرتاح ومايبي ياخذ بيت السالفه غصب يعني


صج أني أنطر أي مشروع قريب علشان آخذ فيه بس مالي شغل بالباقيين وكل واحد وظروفه

شلون مالك شغل بالباقين !
لو تذهب الى المستشفى لكي تعالج وتاخذ دور ويكون رقمك 46 مثلا وانت قاعد تنطر لكي ياتيك الدور وتدخل على الطبيب تجد من أتي قبلك لا يستعجل في الدخول على الطبيب والاخر عارض رقم الانتظار للبيع واللى عند الطبيب يقولك تدخل مكاني وتدفع الفرق انا ما ابي اعالج !
وواحد يقولك انا مرتاح ماابي اعالج غصب يعني
شنو شعورك ؟

 

[هادى ابو محمد]

عقدة الحسد

 

[ابو غانم]

اللي طلبه قديم ماياخذ مشروع مسوي فينا خير لأنه يفتح لنا المجال .. ماقصر

 

[xxx]

مع احترامي لصاحب الموضوع شكله مو لاقي شي يكتب عنه
ياخي كل واحد له ظروفه الخاصه فيه
ماتدري عن الناس واحوالها
عبالك الناس كلهم نفس حالتك
فيه ناس تبي اتبدل وبعدين اتحول طلب شراء تستفيد من الفرق في شراء عقار اخر
فيه ناس مو محتاجه السكن حاليا وتبي تاجل الموضوع
ناس وحره في تصرفاتها
اهم شي انهم ماكلوا اموال الناس بالباطل وتنطبق عليهم شروط الاسكان
حقه السكني ويتصرف فيه حسب ما يراه في مصلحته

 

[max11]

مصيبة

أخي كاتب الموضوع
مصيبتنا دائما في التعميم
كم واحد من اللي انتا ذكرتهم يوجدون في أي توزيع للاسكان ؟
لماذا تم اضافة استثناء لشرط قرض التسليف بحيث يسمح :
ألا يكون رب الأسرة قد باع عقاراً أو ثمن له عقاراً بمبلغ يزيد على 200000 دينار (مائتان ألف دينار)،بحيث لايزيد مبلغ القرض المقرر ومقدار التثمين أو البيع عن (200000) مائتان ألف دينار.
وتم زيادته مؤخرا الى 300 ألف ....... من المستفيد يا أخي الفاضل والكريم

مصيبه لما يأتي واحد ويطرح مثال : واحد ساكن عند ابوه ومأجر بيته .....
كم واحد مثل هذا الشخص ؟؟؟؟؟؟؟؟
اذا كل موضوع نبي نعممه : هل مسموح لي اذا نصب علي تاجر عقار أقول عن كل المكاتب نصابيين ؟
واذا شفت تاجر يتحايل بتسجييل الاراضي (بالوكالات العقارية) للاستفادة من الرعاية السكنية .... هل أقدر أقول عن كل التجار متحايلين وأكيد مسويين مثل هذا التاجر !!!!!
التعميم آفة الحديث
واذا عمم الانسان قتل النقاش بأكمله .... وترا أحد العيوب فينا استخدام كلمة ( كل ....... يسوون جذيه ) و ( كل ....... يتحايلوون )
وهذا ظلم للناس ولأنفسنا ......