أفيدوني ياالأجواد - شمال غرب صليبخات

[العوشز]

كم تتوقعون سعر قسيمة شارع واحد في شمال غرب صليبخات بعد التبديل الرسمي المتوقع قريبا ان شاء الله حسب كلام البعض وهل ستكون اسعارها مقاربه لاسعار فهد الاحمد خاصة وان مشروع غرب هدية ألغي تماماً ؟؟ لاني سمعت انها بتكون اغلى من فهد الاحمد والله اعلم ممكن افادتكم الله يرحم والدينكم !

 

[مفتاح]

السلام عليكم ورحمة الله وبركاتة
أخوي نتكلم المنطقة بالأول وبعدها نقارن
غرب الصليبخات
1- 1030 قسيمة فقط
2- تابع محافظة العاصمة
3- قريبة من الجامعات والأسواق والمولات
4- اخر قسائم تتبع العاصمة
5- المشاريع الجديدة حدودية
6- تم التوزيع على المخطط والأستلام 7-2012 تقريبا ( سنعود للنقط هذي
7- على البحر
فهد الاحمد
1- مادري يقولون 1100 قسيمة
2- أخر مشروع قريب من العاصمة
3- بوسط خطين ( الملك فهد و الفحيحيل السريع )


بخصوص شمال غرب الصليبخات حاليا السد مابين 35 و 40 بطن وظهر مابين 50 و 60 والثلاث شوارع مابين 70 و 80 حسب ماسمعت من المكاتب
والأستلام بعد سنتين

فهد الاحمد
اول التبديل على 15 و 20 وصعدت ليما 45 و 50 وبعد ألغاء مشروع غرب هدية السد وصل 70 ولا فية بياعة

باختصار مثل ماصار ب فهد الأحمد بيصير بشمال غرب الصليبخات
الناس تشتري من أول ماتوزعت والطلب بزيادة .... وقت التبديل بيصير الاتي

يقل العرض لان الاغلب باع قبل التبديل الرسمي ويبي يسكن بالمنطقة
فبيصير مثل فهد الاحمد حاليا
السد والله اعلم صيدة اذا اخذته ب 60 ألف
للعلم لو غرب هدية تطلع تنزل شمال غرب الصليبخات للنص يعني اللي ب 50 بتكون بأقل من 25 ويمكن ب 10

والله أعلم والدنيا تقلبات ....

الناس بلشت تشتري بسعر حلو

 

[العوشز]

شكرا اخ مفتاح والله يفتحلك ابواب الرزق امين اشكرك على التوضيح

 

[am7]

في معلومات مغلوطه و ناقصه عند الأخ العزيز مفتاح key

بالنسبة لي ش غ الصليبخات

السد تقريبا 25 - 30 الف
صحيح انها تابعه العاصمه و لكن المنطقه هي أم البواليع , رائحة المجاري
المشاريع الجديده ليست حدودية , فقط مشروعين حدوديين
المنطقه ليست قريبه الا من المدينة الترفيهية , و منطقة صرف المجاري رئيسية

 

[مفتاح]

السلام عليكم ورحمة الله وبركاتة

في معلومات مغلوطه و ناقصه عند الأخ العزيز مفتاح key

بالنسبة لي ش غ الصليبخات

السد تقريبا 25 - 30 الف طيب بسألك هالسعر اللي ذكرتة من مكتب عقار والا من صاحب قسيمة .... قسما بالله العظيم صديق لي أنسامة منه سد لد 40 ألف ولا باع يبي اكثر
صحيح انها تابعه العاصمه و لكن المنطقه هي أم البواليع , رائحة المجاري أتفق معاك بأن الصرف الصحي يصب بالبحر وفيها ريحة لكن أعتقد راح تنحل والسبب صارت الحين منطقة + البيئة ترفض صب الصرف الصحي بالبحر المشاريع الجديده ليست حدودية , فقط مشروعين حدوديين
المنطقه ليست قريبه الا من المدينة الترفيهية , و منطقة صرف المجاري رئيسيةاخوي بالأمانة كم يبعد سوق المباركية والجامعات عن المنطقة اكثر من 25 كيلو ؟

اخوي am7

نصيحة لك وللكل في حالة الكتابة تذكر ان الله يعرف مافي داخلك
والله يعطيك على نيتك

 

[tmh]

8
8
8
8
8

 

[ali6688]

السلام عليكم ... كلام الاخ مفتاح مضبوط المنطقه موقعها موميز جدا ولا فيها بواليع ولا مجارى ... على فكره هذا المكان كان الناس يخيمون قريب منه ايام المخيمات وشكرا