شباب بسافر ايران بسوي زراعه شعر شلون الطريقه

[قناص_السوق]

يعطيكم العافيه شباب
بصراحه باختصار ما اعرف ادبر نفسي



بروح ايران بسوي زراعه شعر اشلون الطريقه و اي مدينه اروح و من وين احجز ومنو احسن دكتور وشلون اتكلم هناك


او وين احسن مكان اسوي فيه زراعه شعر بالكويت ولا ايران ؟


تكفى لا تبخلوووون علييي

 

[ح.الموسوي]

افا عليك طال عمرك انا اضبطك ان شاء الله حطلي رقمك الخاص واعطيك ارقام تدق عليها ويمشي شغلك وشرط يعرفون عربي
ومن غير عموله وكلام فاضي لله

 

[the_count]

السلام عليكم ،

أنا بعد أخي في هذي الفترة أبحث عن زراعة شعر في ايران بس يكون مجرب من قبل يعني ، شفت الأخ طلال وبعد شخص ثاني في المنتدى زرعوا

طرشت لهم رسائل خاصة يا ليت يردون علينا ولو ردوا علي اعطيك التفاصيل

وانت ما حصلت عيادات واسماء لحد الحين؟

 

[مضارب مبتدىء]

افا عليكم اضبطكم من الالف الى الياء دزولي ارقامكم على الخاص واضبطكم انشاء الله والي عنده استفسار يكتب بهالصفحه وانا اجاوبه بكل التفاصيل انشاء الله

 

[VXR2009]

خلو الرود والتوظيح علي العام علشان تعم الفايده ترا التصحر بدا يغزو الشباب شكلي كم سنه واصف معكم ونغني شعر مسلسل شعر هندب بالمسك والريحان يرشونه

 

[the_count]

أهلا

أحسن شي على العام حتى الكل يستفيد ، حطوا اسماء العيادات والدكاترة والعناوين وخلنا نتناقش

وينك يا المضارب ، عياداتك مجربين لو شلون؟؟

أخاف نروح وهالكم شعرة الباقية يطيحون ههههههه

 

[قناص_السوق]

للرفع الي بضبطوووووونا وينكم ما ضبطتونا :>>


منو فيكم سوه تكفى نبي نتاايج صور شعرك خن شوووووفه

شباب انا مو اقرع و لا اصلع بس حب شعري يكووووون مترووووووس وايد جني اسد

 

[مضارب مبتدىء]

للرفع الي بضبطوووووونا وينكم ما ضبطتونا :>>


منو فيكم سوه تكفى نبي نتاايج صور شعرك خن شوووووفه

شباب انا مو اقرع و لا اصلع بس حب شعري يكووووون مترووووووس وايد جني اسد

والله انت قوي منو الي بصورلك شعره يااسد ههههههههههههه

 

[بوحمزه]

مووفق يا الطيب اسأل واستفسر عن كل شي قبل لا تروح

والله يسهل دربك

 

[بو بـدر]

تأكد قبل لا تروح ولازم احد يستقبلك ويضبطك لحد ما يودعك حبيبي هذي ايران والله ان شكو فيك لا اشلعون شعر خشمك شعره شعره


وبتوفيق

 

[قناص_السوق]

بو بدر وضح مو فاهم شي انا مو رايح معسكر ايراني لوووووول بروح عند دكتور و برجع ان شاء الله

 

[مضارب مبتدىء]

السلام عليكم ياجماعه والله العظيم الديره امان وشعب راقي انا قبل لا اروح كنت خايف واحاتي طلعت السالفه سهالات بس لازم عندك احد يضبطك

 

[مضارب مبتدىء]

ياجماعه انا استفدت من موضوع اخونا طلال نت الله يذكره بالخير وبيض وجهه والله ماقصر ضبطني بكل شي حتى باستفساراتي مايبخل علي الي يبي يروح بزرع احسن مكان بايران بشيراز وسعرهم مايقارن بالكويت وشغل مرتب وهذا رقم المترجم اسمه مسعود يضبطك بكل شي ياخذك من المطار ويسلمك لباب الطياره وكل شي تبيه يسويه لك وامين ومحترم ولو تروح بروحك عادي ماكو مشاكل 00989177128671

 

[the_count]

السلام عليكم ،

هلا مضارب ، أنا مشكلتي توي عمري 26 وشعري من قدام ومن الخلف طايح واجد وفي النص لا زال عندي شعر يعني مساحة الصلع للحين ما أخذت أقصى حد لا زالت بتزيد مع الأيام ، وأنا متحير بين أمرين ويا ليت من خبرتك تفيدني :
1- أنتظر بقايا الشعر يطيح وأزرع شعري كامل مرة وحدة
2- أزرع الشعر الطايح ألحين وبعدين كلما تتوسع مساحة الصلع وألاحظ فراغات أروح وأزرعها .

ما قلت لنا انت كم عمرك وشنو مدى نجاح العملية اللي سويتها ؟؟
نبي تفاصيل أكثر عن العيادة وشغلهم ، واذا يصير تحط صور قبل وبعد لشعرك بدون الفيس

 

[ready set go]

يا جماعه ، أنا أبي تضبيط لو تكرمتو

 

[المتواضع79]

ضبطنا يالمضارب

يامعود ضبطنا ياخوي
والله النفسيه تعبانه
والحين عندي 10 درازن من الغتر والطواقي والكابات


اشلون العمليه واهم شئ اشلون النتيجه
وجم السعر
بانتظار الاجابه ولا اتطول علينا ياخوك

 

[مضارب مبتدىء]

اول شي عشان تزرع لازم شعرك من ورا يكون كثيف والتكلفه مو شي وماتقارن بالكويت يعني ممكن تكلفك العمليه مع التذاكر و مع السكن والمترجم تقربيا 1400 هذا اذا ناوي تزرع مثلا 10000شعره وسعرها بالكويت 10000 دينار وبالنسبه للنتيجه لازم تنطر اقل شي 6 اشهر وتختلف من شعر لي شعر وفي بعضهم يبين قبل هالفتره النتيجه راح تكون مرضيه انشاء الله طبعا مو نفس كثافة شعرك من ورا

 

[Boreem]

سلام

هل صحيح ان بعد زراعه الشعر (اتييك حكه موطبيعيه) جنه نمل قاعد يمشي عللى راسك ؟

 

[مضارب مبتدىء]

سلام

هل صحيح ان بعد زراعه الشعر (اتييك حكه موطبيعيه) جنه نمل قاعد يمشي عللى راسك ؟

ههههههههه لايحوشك هذا شزارع بصراحه اول مره اسمع بهالسالفه

 

[المتواضع79]

يامعود العوض ولا القطيعه
شعر كثافته خفيفه احسن من الصلعه تلمع بالشمس
الله يعطيك العافيه ياخوي مضارب
وانت جم صارلك امسويها وعند منو؟
منو احسن دكتور بايران؟
لانه فيه دعايات كثيره حق الزراعه بايران وماندري منو الافضل؟
وياليت ياخوي تعطينا اسم المستشفى والدكتور على العام علشان الكل يستفيد
وشكرا يالغالي
ولازم يكون شعار المنتدى...... كويت بلا صلعان