مساعده/عندي زد امريكي شنو الحل مع اللوحات

[بوبيان]

السلام عليكم

ارجو المساعده عندي زد امريكي داش اول سنه 2010

شنو الحل ابي اطلع له لوحات المرور رافضين يقولون روح حق العميد احسان العويش رحت له وقال ردها للبلد المنشأ
يقول فيها قرار ورحت حق العميد مجحم الجلال ابو خالد صراحه ونعم.
كلامه طيب .
قال اصبر يمكن مع كثر الواسطات نلوح الزدادات اللي جايه من برا
فيه احد عنده معلومه جديده عن هالموضوع
افيدوووووووووووووووونا جزاكم الله خير

 

[gold shark]

اهم شي خلصت من الجمارك و التجارة ؟؟
اذا مخلص كل اجراءات الجمارك و وزارة التجارة و من المقاييس و سيارتك سليمة ما فيها اي شي
غصبن عليهم يحطون لها لوحات
و اذا سيارتك يايبها مدعومه او رقم شاصي مختلف تعتبر سكراب (سالفج) يعني يا ترد تصدرها او تبيعها قطع هني و ما تحط لها لوحات لأنها تعتبر لوحاتها مسقطه

 

[بوبيان]

يعطيك العافيه اخوي gold shark

السياره مطلع لها لوحات جمركيه وسليمه مافيها شي لا مدعومه ولا شي

فحص باي مكان من الى .

اللي قالوا لي انهم خلاص من سنة 2010 مستحيل نعطيك لوحات

 

[kuwaitey]

اخوى نعم الكلام صحيح وفى قرار طلع بمنع السيارات القديمه

بس اذا عندك اذن استيراد واستخرجت شهادة جمركيه وورقة تسجيل مبدئ

مالك الا حل واحد ارفع قظيه على وزارة الداخليه لانه قرار شخصى وغير مدروس

تدرى انه الحوت 2005 مايدخل الكويت يعتبر قديم

وينهم عن السيارات الهنود والبنقاليه اللى تنفحص بواسطه ورشاوي

بس فالحين علينا حسبى الله ونعم الوكيل

ارفع قظيه وبتربحها ان شاء الله

 

[بوبيان]

كلامك عين الصواب ياكويتي بس وين اروح اشتكي على المرور فيه جهه معينه او اروح حق اي محامي

 

[©A©]

روح حق محامي ماره عليه قضايا مماثله اسال عن المحامين المختصين بقضايا المرور.
القرارات الاداريه تسقط بالمحكمه اذا ما كانت مدعومه بقانون وفيها ضرر على مصلحه مواطن.

في واحد كان عنده زد سكان يمين رفضو المرور يرخصونه ورفع عليهم قضيه وكسبها وحط لها ارقام بحكم محكمه غصبن عليهم لانه مافي مستند قانوني يمنع السيارات سكان يمين ! اذا كانت فنيا صالحه للاستخدام.

 

[بوبيان]

قواك الله اخوي هذا اللي بسويه