زوجتي رفعت علي قضية طلاق للضرر وسوء العشره

الموضوع في 'قسم الإستشارات القانونيه' بواسطة تكنولوجي, بتاريخ ‏26 مايو 2010.

حالة الموضوع:
مغلق
  1. تكنولوجي

    تكنولوجي عضو جديد

    التسجيل:
    ‏20 فبراير 2010
    المشاركات:
    28
    عدد الإعجابات:
    0
    متزوج صار لي 3 سنوات وعندي بنت منها
    حصل خلاف مع زوجتي وخرجت من بيتي ورفعت علي قضية طلاق للضرر على طول تدعي اني اسي معاملتها بالقول والفعل بما بما يستحيل معه العشره ويشهد الله علي اني ما طقيتها او سبيتها او قلتلها شيء هي انسانه مادية وتحب الفلوس طلباتها كثيرة وتحب تتهاوش وتجادل كثير .
    حسب ماعرفت ان لها صديقة راعيه محاكم وقضايا مع زوجها وعارفه كل شيء. اثرت عليها ودلتها الطريج حسبي الله عليها

    شسوي يا اخواني عندي دليل واحد مسجاتها تبتزني ادفع لها فلوس وهي تتنازل عن القضايا هل تمشي .
     
  2. بو علي

    بو علي عضو نشط

    التسجيل:
    ‏28 أكتوبر 2003
    المشاركات:
    427
    عدد الإعجابات:
    7
    اخوي اطلب حلف اليمين لها اذا انتي ماسويت شي من اللي هي ذاكرته بصحيفة الدعوه
     
  3. ناصر فيصل

    ناصر فيصل عضو نشط

    التسجيل:
    ‏15 نوفمبر 2005
    المشاركات:
    433
    عدد الإعجابات:
    0
    مكان الإقامة:
    الكويت
    الطلاق

    اذا كان عندك عيال منها فمصيبتك مصيبه واذا ماعندك عيال اذا طلقتها عليك نفقة عدة و متعه الاولى 3شهور عدة نقريبا 400 دينار و 1300 دينار نفقة متعه ممكن تقسط و انتهى الامر.

    او تطلب الخلع مقابل التنازل عن النفقه .
    اذا ما عند عيال مرمرها بالمحاكم واذا فيها اصلاح ليتدخل الصالحون و عموما قبل الطلاق في لجان الاستشاره ينصحون.

    اما اذا عندك اولاد فالله يكون بالعون اقولك بعدين اذا عرفت اجابتك و الله المستعان
     
  4. القمر1

    القمر1 عضو نشط

    التسجيل:
    ‏16 يونيو 2009
    المشاركات:
    2,476
    عدد الإعجابات:
    0
    السلام عليكم اخوي الله المستعان وفرج همك بالمصيبه الي انتا فيها . بخصوص قضيتك قبل الفلوس قبل كلشي قولها عندنا بنت لاتسوين شي محد يخسر غير البنت اهي الضحيه. كلم احد فاهم من اهلها يدخل الصلح خير . واهم شي حول فلوس بحسابها حتي لو اهي بيت اهلها هذا راح ينفعك بعدين حق قضيه النفقه . اهي مسويه قضيه طلاق لضرر اذا ماكو شي يثبت راح تنقلب القضيه ضدها يصير طلاق بلا عوض من صالحك ان شاء الله بس راح يكون عليك نققه حق البنت والنفقه على حسب راتبك يحددها القاضي .

    واتمنى انه ما توصل طلاق وبالتوفيق ان شاء الله اسف على الاطاله
     
  5. اماني الكويتيه

    اماني الكويتيه موقوف

    التسجيل:
    ‏2 مايو 2009
    المشاركات:
    566
    عدد الإعجابات:
    0
    علي كلامك هذا الله يعينك عسى ربي يهديها ويهديها غصب عنها
    عيالنا تبهذلو وسبه زوجات و صديقات السؤ
    يابن الحلال مالك غير الدعاء وعسى ربي يفرجلك همك ويرفع عنك
    ويرد كيدها بنحرها
    واذا انت ظالم وتمد ايدك وماتخاف الله فيها
    ماقول غير عسى الله يهديك ويهديك ويهديك لان بنات الناس مو سلعه ياخوي
    بس اذا تبي نصيحتي خل احد من اهلها ناضج ومحترم وحكيم يتدخل بالموضوع ياخوي مالك الا بنتك وبيتك ومرتك
     
  6. تكنولوجي

    تكنولوجي عضو جديد

    التسجيل:
    ‏20 فبراير 2010
    المشاركات:
    28
    عدد الإعجابات:
    0
    الله يجزاكم خير على مداخلاتكم اشكركم من اعماق قلبي
    زوجتي اخذها الطيش وراحت للمحكم على طول مالها اخوان اتفاهم معاهم صغار وامها كبيره بالسن ومريضه انا تفاجأة بالقضية المرفوعه علي .
    وللعلم يوجد تباين في المستوى التعليمي فهي دبلوم معهد وانا احضر الدكتوراه في مجال تخصصي وعلى وشك الانتهاء. يوجد اختلاف كبير في الاهتمامات ايهي ماخذه الزواج طلعات ومطاعم وسينما وتمشى بدون مسؤليات البيت او الاهتمام فيني

    هل القاضي يطلق بمجرد طلب الزوجه الطلاق بدون وجود ضرر حقيقي ( ادعاء فقط ) ولا لازم اثبات . وشنو اقدر اسوي اذا خسرت قضيتها هل ارفع عليها قضية تعويض


    هل اقدر ارفع قضية طلب طاعة وشنو المطلوب مني في هذي القضية

    يا اخواني ما ابي استعجل برده الفعل انا عندي احساس انها نادمه وتسرعه زوجتي واعرفها واهي تعرفني اني ماغلطت عليها بس تحب تجادل وتتهاوش وترفع صوتها علي وماتحمل نقد او اقول ليش ترفعين صوتج علي عيب اني مو متربيه ترد لي الكلمه بعشر وترادد .

    جزاكم الله خير
     
  7. اماني الكويتيه

    اماني الكويتيه موقوف

    التسجيل:
    ‏2 مايو 2009
    المشاركات:
    566
    عدد الإعجابات:
    0
    اصبر
    الصبر مفتاح الفرج
     
  8. مودQ8

    مودQ8 عضو جديد

    التسجيل:
    ‏26 يونيو 2009
    المشاركات:
    138
    عدد الإعجابات:
    0
    مكان الإقامة:
    الكويت
    مساء الخير
    احنا امام دعوى طلاق للضرر منظوره شوف حبيبي حسب المذهب السني لها احكام والجعفري لها احكام وهذي تتعلق بمدى الضرر في السني راح تتطلق والجعفري ممكن ما تتطلق لانهم يتشددون بالضرر والدعوى راح يسمعها القاضي ويطلب الزوجين ثم يعرض الصلحويعطي فيه اجل ثم الحكمين ثم الحكم المرجح ثم الحكم هذا باختصار والمده تكون حوالي سنه
     
  9. تكنولوجي

    تكنولوجي عضو جديد

    التسجيل:
    ‏20 فبراير 2010
    المشاركات:
    28
    عدد الإعجابات:
    0
    مذهبي السني وعندي علم من كثرت البحث بالنت
    انه مذهب في قانون الاحوال الشخصية يشجع على الطلاق للاسف قانون لايراعي مصلحة الاسرة والحفاظ عليها

    الله كريم
     
  10. الشاطر

    الشاطر عضو نشط

    التسجيل:
    ‏20 يونيو 2004
    المشاركات:
    1,357
    عدد الإعجابات:
    4
    الله يعز السعوديه المره اذا تطلقة متعتها خيشه عيش وطححين او بر

    بالكويت يشوف نجوم القايله المطلق فوق الضغط النفسى واثر الطلاق على الرجل هم يتبهذل الرجال

    بصراحه القانون يشجع المراءه على الطلاق ولافيه بنت ناس تخرب بيتها بنفسها

    الله يعينك ياخوى على مصيبتك عليك بالدعاء واستخير ربك اذا فيها خير لك ولبنتك فى دينك ودنياك وعاقبه امرك ان الله يرجعها ولا يصرفها عنك بما يشاء
     
  11. مراويس

    مراويس عضو جديد

    التسجيل:
    ‏11 سبتمبر 2009
    المشاركات:
    109
    عدد الإعجابات:
    0
    اخوي لا اطلقها .. واطعن بلي قالته وعلقها وقولها اذا بغيتي تطلقين تنازلي عن كلشي ..

    واذا راحت بيت اهلها الزمها ابيت الطاعه وانتهت السالفه
     
  12. faisel 2

    faisel 2 عضو نشط

    التسجيل:
    ‏18 أغسطس 2007
    المشاركات:
    2,622
    عدد الإعجابات:
    118
    مكان الإقامة:
    الكويت الغاليه
    مثل ما قولوا الاخوان اذا عندك أولاد منها (رحت فيها ) واذا ما عنك طلقها ولا تعور رأسك ...لها العده والمتعه فقط ....
     
  13. القمر1

    القمر1 عضو نشط

    التسجيل:
    ‏16 يونيو 2009
    المشاركات:
    2,476
    عدد الإعجابات:
    0
    يا اخوان الريال يقول عنده بنت منها مو من صالحه يطلق مدام اهي رفعت قضيه ما يقدر يسوي شي لازم اهي تنازل وقضيه بيت الطاعه ما منها فايده اذا في قضيه طلاق لضرر لنها اول وتالي راح تطلقق . اخوي انا اتوقع مرتك رفعت جذي تبي شي منك صدقني في شي يا تبي زياده فلوس تعطيها ولا تبي تغير الشقه الي فيها .
    نصيحه مني يالغالي تفاهم معاها لنه الضحيه البنت والقاضي راح يطلق بس اهي براسها شي قولها شنو وسوه لها بس انها تنازل عن القضيه وتفاهم معها بكل شي

    الله يصبرك على ابتلائك الصبر زين اهم شي خلك معه الله سبحانه لاتحاتي شي وهم خل اهلك راضين عنك


    وسلامتكم اسف على الاطاله
     
  14. الحـــوت

    الحـــوت موقوف

    التسجيل:
    ‏3 أكتوبر 2007
    المشاركات:
    174
    عدد الإعجابات:
    0
    اخوي الفاضل الله يعينك على بلواك
    اسمع مني اللي صارلك صارلي 100%
    بنصحك لوجه الله واللي اطلبه منك انك تدعيلي لا اكثر ولا اقل
    اول شي:
    "ليس الشديد بالصرعه.. ..
    ابعد عن المحاكم وحاول انك تصالحها ولكن بدون انكسار او تحسسها انك ضعيف
    ابعدها عن صديقة السوء بأي وسيلة تقدر حتى ولو تاخذ اجازه من دوامك وتسافر مع زوجتك على بونه بتراظيها وطلع منها كل الحجي .
    اصرف عليها مو مشكله واعطيها فلوس ولكن باثباتات عليها مثال افتح لها حساب بالبنك وحولها فلوس عليه كل شهر.
    جاريها وخلك ذيب من الحين لمدة 3 سنوات لجدام وخلك طيب معاها حيل واعطيها اللي تبيه لأنها راح تحططك بالمحاكم اللي اكثر منه.
    وماتدري ممكن بعد 3 سنين تتحسف على اللي سوته فيك وتتغير.
    بيتك وبنتك اهم من الدكتوراه اللي قاعد تحظرلها. وتأكد ان المصيبة اللي انت قاعد تواجها هذه هي ضريبة الدكتوراه ولكن مصيبة تقسم الظهر فتخير بين الدكتوراه او بيتك؟
    وواضح من ناحيتك انه في اهمال بامور بيتك وزوجتك لأنك اعترفت بانه تحب المطاعم والطلعات وطبيعي كل انسان يحب انه يعيش حياته.
    رووووح طير وصالح مرتك بأي طريقة تشوفها مناسبة وووووخر عن المحاكم لأنها كل اللي يجي من وراهها البهدله وقلة الكرامة وتأكد انه القضاة والمحاميين اهم اللي يزيدون الطين بله.
    اسمع كلامي وماراح تندم ابد
     
  15. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    لو شنوووووو ما اتزوج بنيه دبلوم هذي مال تشهييييييييير فيها عشان لحد يتزوجها من بعدك الا سكير و تعرف شنو معنى الرجوله و الستر والله يعلم اذا ما خذتك على طمع على بو ان مستواك العلم عالي حسب الله و نعم الوكيل
     
  16. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    الاستاذ كويتي مود اوفى بالاجابة

    يغلق الموضوع بحسب شروط المشاركة

    موفق
     
حالة الموضوع:
مغلق