بشتري Wii وابي النصيحة

[المهندسـة]

السلام عليكم
انا ابي اشتري لعبة Wii وحبيت اعرف شنو اهم شي فيها اعرفه؟
يعني مثلا ان اشتري نوع امريكي والا اوروبي ومن هالسوالف
وكم تقريبا سعرها وشنو المفروض ايي وياها؟

انا شفت عرض بجيان اللي بمجمع 360 ، اللعبة مع يدتين مع شغلة بعد مادري شنو اهي مع لعبة بـ 92 دينار
هل السعر زين؟​

 

[the1buyer]

السلام عليكم ...

اختي ما انصحج تاخذينها من جيان او من هالشركات مثل الغانم ولا كارفون لانها ما تكون مطوره

....

راجعي الخاص (^_^)

شكرا

 

[المهندسـة]

مشكور اخوي
وبانتظار رأي البقية

بعرف اخذ امريكي والا اوروبي والا كوري

 

[سلطان الخليج]

بعد التطوير كلهم واحد

 

[بوغالية]

في الفترة الاخير نزل تطوير جديد لجهاز الوي .. تطوير تخلي الجهاز يشغل الالعاب من داخل هاردسك خارجي .. بمعنى اني ماراح احتاج للسيدي نهائيا .. والهاردسك ممكن يشيل 150 لعبة اذا كان 320 جيجا

الوي تتميز بأنها تنفرد بألعاب ماريو الممتعة للصغار والكبار .. خصوصا في الاجزاء الاخيرة اللي نزلت على جهاز الوي .. مع وجود اربع ريموتات ( يدات) بتصميم محترف وسهل التحكم .

التطوير موجودة في محل بالرحاب الدور الثاني
انصح الكل فيها .. من تجربة

بأختصار .. الوي هذا الصيف ....مع هذه التطويرة راح تتفوق على جميع الاجهزة

 

[Muhammad Ali]

أنصحج لاتشتري wii لأن بينزل عن قريب شيءأقوى بوايد

وهو جهاز إضافة على الXBOX 360 اسمه Project Natal
هالجهاز يخليج تلعبين من غير يدات تحكم ولاشي.. تلعبين بإيدينج وريولج ههههههههههه
عالعموم روحي اليوتيوب وسوي بحث عن project natal xbox 360
راح تنزل بالأسواق خلال ثلاث أشهر بالتمام والكمال.. وراح يكسر الدنيا
عن نفسي عندي الجهاز قوي ومثل بلايستيشن 3 لكن عقب الإضافة اليديده
راح يكون نمبر ون بالعالم

 

[بو محمد المري]

بتشترينها يديده ولا مستعمله ؟
عموما في كل الحالات بدون تفكير تتوجهين مباشره للرحاب

 

[Mazad-Q8]

اهم شي طال عمرج يكون مطور من الرحاب افضل

لكن نصيحه اخذي XBOX360 لان النظام اليديد شي لايوصف مثل ماقال اخونا ابحثي بقوقل وشوفي احتمال كبير يناسبج اكثر من الـ Wii

 

[Master-games]

اختي انا أقولج الرحاب يسوون تطويرة الهارديسك اب 10 وعلى ما أعتقد ان الألعاب يبيعونه لج اب 20 او 30 يعني ييطلع حسابج حلوة 40-50 دينار والحل إنشالله عندي

ييبي اي موديل وي من أي محل ولا تخلين أحد يطورها لأن يتعبثون بالجهاز زيادة على اللزوم كتغيير نظام سيستم والسيتينج ....الخ

انا اطورلج الجهاز اب 20 فيها 150 لعبة وي 100 سيجا 100 سوبر نتندو 100 جيم بوي

اللي عليج تبييبينه لي هو هارديسك خارجي ما يقل عن 320جيجا واس دي كارد 2 جيجا

اي إستفسار هذا رقمي 97999896