ديروا بالكم من بيوت الشركات التركيب شوفو الصوره

[الشاهين1]

شوفو شلون البيت مافي أعمده وصاير مثل البسكوت بسرعه يتهدم والله يعين صاحب البيت والله يعوضه وأنا بعرف شلون البلديه رخصت لهذه المباني
والله ياجماعه أنا قاعد مع واحد من الي يشتغلون بهذه الشركات يقول نبني البيت خلال 15 يوم

وتقبلوا أحلي تحيه

 

[Abdulla990]

اكيد التكلفة ارخص وايد.
صح؟

 

[سويسرا]

مو كل شركة زينة الواحد يبني


منو من الشركات المعتمدة الي تعطي كفالة

 

[Cozmo]

ان شاء الله بس ما صار في اهل البيت شي

حسبي الله ونعم الوكيل
الناس تدور الرخص وما تسأل ليش رخيص جذي
والمقاولين ما يخافون الله بعضهم

 

[bu sale7]

الله يستر انا شفت بيت بالمنقف ما ادري هو او لا

 

[المطبه]

شوفو شلون البيت مافي أعمده وصاير مثل البسكوت بسرعه يتهدم والله يعين صاحب البيت والله يعوضه وأنا بعرف شلون البلديه رخصت لهذه المباني
والله ياجماعه أنا قاعد مع واحد من الي يشتغلون بهذه الشركات يقول نبني البيت خلال 15 يوم

وتقبلوا أحلي تحيه

أخوي الشاهين لاتهظم حق الأخرين أذكر أن الموضوع منقول من الأخ المتكتك من منتدي النوادي


تقبل تحياتي​

 

[كويتي0]

اخوي مو احنا نقول مشكلتنا الشركات اللي تبني برخص وينغش المواطن المسكين والشركات من يديرها التاجر اللي اهوا مصعد ورافع قيمة السكن الخاص يعني نرجع للتاجر وهوا المشكلة الاصل والاساس

مو قلنا نحتاج قانون من الدولة للتاجر اللي يلعب بالمسلمين عشان يشفط بيزاتهم وتالي يخليهم بالشارع يتحسرون لا فلوس ولا سكن ويطقون اصبع

 

[q8ty-x]

البيت اعتقد بالمنقف

الله يعوض صاحب البيت خيرا

 

[almellyarder]

حياكم الله

سلام عليكم

في أعتقادي أن صاحب البيت هو الغلطان بالدرجة الاولى , والدرجة الثانية المقاول إلي مو فاهم بالترميم والبناء عن بيوت التركيب لانها مبنية بدون أعمدة يعني بيوت نظام خفيف بدون خرسانة ولما ترجع للشركة الام التي اسست هذا النظام بطبيعتها حالها غالية فصاحب البيت يلجأ الى المقاول إلي بالشارع ويطلع المقاول ( الخبير ) ابو العريف في كل شئ يعني سبع صنايع والبخت ضايع , تشوف بيت مبني كله من طابوق العازل ( هيبل ) ومسويتها شركة المساكن لابد ترجع للمخطط الاصلي وتشوف الكمر على شنو محمول وشوف في مجال تعدل وتوسع ولا تضيع نفسك وتضيع راعي البيت وياك وتدخلون بالمحاكم بسبب طمع المقاول ( الخبير ) .

طول عمري احاتي من شئ أسمه التوسعة وإزالة الحوائط صج مكسبة للمقاولين بس مصيبتها أكبر .


(رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ وَإِلاَّ تَغْفِرْ لِي وَتَرْحَمْنِي أَكُن مِّنَ الْخَاسِرِينَ) [هود-47] .

 

[نوط بو ربع]

البيت هذا قبال بيتي وقاعد يسوي ترميمات .... بالفنطاس الزراعي