متابعة تداول يوم الاثنين الموافق 31-5-2010

[Cozmo]

السلام عليكم وصبحكم الله بالخير

في عزوف واضح للشراء وشح في السيوله

وفوق هذا شح في المشاركات وصفحة التداول الاعضاء الي متعودين عليهم يفتتحونها لنا مختفيين

فلازم نستغل هذي الفرص ونفتح التداول على بركة الله احنا

واتمنى ملاحظة انه السوق يوم الخميس الي فات سوى حركه كررها في تداولات يوم الاحد

الا وهي الارتفاع في بداية السوق وطول عمر فترة التداول الي نهاية الدقايق الاخيره صار التحذف بشكل ملحوظ

اتمنى هالنقطه تكون في الاذهان


وبالتوفيق للجميع

 

[مضارب بورصوي]

ان شاء الله اخضر

 

[Cozmo]

نتمنى اخضر ما يكون مثل التداول اليومين الي طافوا
ويبقى اخضر طول فترة التداول

 

[مضارب بورصوي]

والله ياأخوي المكتوب واضح من عنوانه شنو كمية التداول 16 مليون الله يستر

 

[Trillion]

تماسك لمجموعه الخرافي

ونزول طفيف للسوق ........واتمنى ايكون العكس ارتفاع قوي يودينا فوق 6850

 

[Cozmo]

وراح تستمر في النزول الاغلب للأسف
ايقاف زين برايي الشخصي كان عامل من شح السيوله الواضح للامس
لكن اشوف انه ايقافها احسن
خاصه انه الخميس صار تحذف بالسهم بشكل واضح

 

[Cozmo]

تماسك لمجموعه الخرافي

ونزول طفيف للسوق ........واتمنى ايكون العكس ارتفاع قوي يودينا فوق 6850

ايقاف زين ركز العين على باجي الشركات
واتوقع شركات الخرافي راح تقوودها استثمارات وبقوه باجر

 

[مضارب بورصوي]

ايقاف زين ركز العين على باجي الشركات
واتوقع شركات الخرافي راح تقوودها استثمارات وبقوه باجر

الله يسمع منك

 

[فهد الرشيد]

الله يعز شركات الخرافى الى تبونها تشيل السوق وليش باقى الشركات فطايس ولا شنو والله كفو يا الخرافى واقسم بالله انى مااملك شى فى شركات الخرافى لاكن صراحه الخرافى طلع فظايح السوق الكويتى والشركاته والدليل قيمة التداول والله يستحق المدح لانه عز مساهمينه

 

[نبيه خضر]

موفقين خير باذن الله
و متى ابيع منا يا كوزمو و له نسييت 172

 

[ابو سالم777]

نصيحه للجميع

السلام عليكم انا اكثر واحد متفاعل لكن معا الاسف راحت افلوسي وانا كل يوم اقول باج اخضر وزين ومايخوف لكن السوال الي كنت اساله نفسي ليش كل يوم ادش وخسر ليش مااوقف لين يصير زين لكن والله بجيلي شي يخليني اشتري ونصيحتي لكم جميعن الي عنده كاش يبعد عن السوق لين يشوف التداول فوق 80 مليون والي خسران وميقدر يبيع نصيحتي له لايتابع السوق وله يتعب قلبه انسا وراح يردن ويربحونك وله تحاتيهم هذي اسمه دوره اقتصاديه وله تسمع اذا كسر المقاومه دش كله اوهام في اوهام خلك مرتاح واذا شفت التداول 80مليون يومين اسبوع دش وانت مرتاح والخسران واجد ليبيع كلهم يردن بس يبيلهن صبر واسف علي الازعاج ونشالله خير ويوفق الجميع وشكرن

 

[Trillion]

ايقاف زين ركز العين على باجي الشركات
واتوقع شركات الخرافي راح تقوودها استثمارات وبقوه باجر

شخصياً اشوف نفس وجهه نظرك مو شرط باجر في الأيام القادمه

الأن الحين لي كان ادش على زين كان ادش على اساس التوزيعه

اما الحين لي راح يستفيد من التوزيعه اهي الشركات التابعه وراح يبين

هذا في نتائجها في الربع الثاني بشكل واضح ..وخاصتنا اني اشوف سعر

الاستثمارات غير عادل بنسبه لي على ضخامه استفادتها من الصفقه !

 

[ahmadosh]

يعطيك العافيه اخي كوزمو

شح المشاركات بسبب هذا السوق المسخره !

ملينا منه

صار الواحد يدور على شيء ثاني ينسيه هذا السوق الي يجيب كل أنواع المرض

 

[فارس الاسهم]

البورصه خضراء

 

[sqry]

صباح الخير
ان شاء الله اخضر السوق بقيادة منا القابضه
بالتوفيق للجميع

 

[Metalforever]

السلام عليكم جميعا ،،،
و صباح الخير ع الجميع ،،،

 

[أبو العتاهيه]

بخصوص الشركات اللى فيهم اسهم لي ..

يبيلهم أخضر وبالحد أعلى أسبوع او اكثر علشان اوصل لرأس مالى ..

الله المستعان .. سوق من لاسوق له ..فى غياب الرقابه

 

[ADEL ALAZMI]

صبااح الخير عليكم جميعا ونقوول ان شالله اخضر وسيوله طيبه

مالنا الاء التفائل لو التفائل اعوج

 

[كوهجي]

السلام عليكم جميعااااا

صباح الخير للكل

 

[كوهجي]

صبااح الخير عليكم جميعا ونقوول ان شالله اخضر وسيوله طيبه

مالنا الاء التفائل لو التفائل اعوج

صح السانك