اقرار مديونية وشيكات وقضايا ثانية لاصحاب الخبرة

الموضوع في 'قسم الإستشارات القانونيه' بواسطة yukon007, بتاريخ ‏2 يونيو 2010.

  1. yukon007

    yukon007 عضو جديد

    التسجيل:
    ‏30 مايو 2009
    المشاركات:
    4
    عدد الإعجابات:
    0
    السلام عليكم سالفتنا طويلة وعريضة ويبيلها طولة بال معانا وادري انكم ماراح تقصرون ورايتكم بيضة راح ادخل بالسالفة

    الموضوع ومافيه في سنة 2009 احد اصدقاء اخوي قال حق اخوي انه يحتاج يزيد راس ماله لتجارته ونوع تجارته اهي شراء السيارات المستعملة وبيعها في الكويت المهم اخوي دخل معاه بمبلغ 20000دينار وطبعا هالمبلغ اخوي اخذه قرض من البنك واخذ من صاحبه ورقة اقرار مديونية تثبت انه معطيه هالمبلغ على اتفاق انه يعطيه 1500 شهريا بس المبلغ هذا مو مذكور في اقرار مديونية وفي اقرار المديونية مكتوب فيه انها قرض حسن وصاحب اخوي يرجع المبلغ بالكامل سنة 2014 فقط على العموم كلمني اخوي بالسالفة وقالي انه صاحبه بالفعل قام عطاه باول الشهر 1500 شرايك تدخل انت بعد على العموم دخلنا اربع اشخاص مع اخوي الخامس وكلنا ماخذين قروض وصار المبلغ 80000 اجمالي اربع اشخاص فينا اثباتنا اقرار مديونية والخامس اثباته شيك بنفس القيمة الي اهي 20000 على العموم الاخ عطانا كلنا لمدة اربع اشهر بس مبلغ 1500 دينار شهريا وبعدها قال اسمحولي راح اوقف المبلغ الشهري لأنه واحد من ربعه وثق فيه وباق منه مبلغ 50000دينار واتفقنا معاه فقط يسدد مبالغ اقساط القرض لين الله يقدره ويرجع لنا مره ثانية ونطرنا تقريبا سنة كاملة وكان المفروض يرجع يعطينا المبلغ بشهر 4 وصارله ضرف واجله لي شهر 6 وهم بعد اجله لي شهر 8 الياي المهم يا شباب صاحبنا قام يماطل وما ادري شنو السبب وغيرنا ما يصبر عليه وما ندري اذا صج السالفة ولا جذب الي صارت له واخوي دخل معاه قبل شهر تقريبا في تجارة ثانية مكاين من لبنان ويبيعونهم بالكويت واخوي اخذ سلفة من ناس وعطاهم لصاحبه وعنده شيكات اثبات بالمبالغ من صاحبه بعضهم انتهى وقت سدادهم وبعضهم ينتهون في 6/6 و في مشكلة كبيرة صارت اخوي سوا اقرار مديونية حق صاحبه بمبلغ 130الف دينار على انه صاحبه بيحوله المبلغ خلال فترة ياية وصاحب اخوي هم مسويله اقرار مديونية بمبلغ معين باجر راح اعرف المبلغ جم وابلغكم صاحب اخوي قال حق اخوي دبرو حالكم يعني فلوسنا راحت علينا المهم نتصل عليه ما يرد مسجات بس مع اخوي وهم ما يرد عليه رد يقنع على العموم اخر شي قال روحو كلمو محاميي رحنا وكلمنا محاميه وقلنا له شنو شروطنا يرجع فلوسنا كلنا الامية الف دينار ويرجع فلوس اصحاب الشيكات ويشيل المديونية الي على اخوي الي بقيمة 130 الف دينار والي لي الحين اخوي ما اخذ منها ولا شي طبعا هالمبلغ راح تسألون ليش بيعطي اخو صاحبي اخوي مبلغ مثل هذا ويخليه بحساب اخوي انا اقولكم لأنه في شريك ثالث بيدخل معاهم وقال حق صاحب اخوي ما اقدر ادخل معاكم بتجارتكم اليديدة الا لمن تشيل الاربع اوراق اقرار مديونية الي باسم الاربع اشخاص المسجلة بوزارة العدل علشان اسجل المبلغ باسمك صاحب اخوي سجلها باسم اخوي لأنه ماعليه شي واخذ عليه اقرار مديونية بالمبلغ وغير هذا في مبلغ اخوي عطا صاحبه بقيمة 8000دينار ومافي شي يثبت انه معطيه هالمبلغ لأنه كان مستعيل صاحبه واخذ المبلغ ولا كتبله شيك ولا شي والحين كلمنا محامييه يقول ابو صاحبنا كلم المحامي وقاله سلم اوراق ولدي ابي احطله محامي ثاني غيرك وفي شغلة بعد اخوي عنده اربع ايصالات امانة باسم صاحبه على بياض وموقع عليهم صاحبه وكاتب عنوانه وكله بخط ايده ادري الموضوع كبير ومتفرع بس الي نبيه الافادة بالي نسويه وشكرا لكم وسامحوني على الطوالة مالنا الا الله ثم انتو شنو تفيدونا ورحم الله والدين الي يساعدنا ويجزيه كل خير
     
  2. دار الفلك دار

    دار الفلك دار عضو نشط

    التسجيل:
    ‏9 يونيو 2008
    المشاركات:
    760
    عدد الإعجابات:
    38
    مكان الإقامة:
    الكويت
    صارت فيني اخي الكريم نصب علي وافد فلسطسني ب 50 الف دينار بقصد فتح مصلحه مشتركه مني المال ومنه الاداره
    وعطاني ورقه من العدل تثبت اني ابي منه المبلغ
    وبعدها انسجن في قضيه نصب واحتيال وطبعا مو انا الي رفعت القضيه عليه
    ورحت المحكمه اسال والورقه معاي تثبت وقالو لي عنده املاك وبعد الكشف والتحري الشخصي انتجت انه ولا شي باسمه (طابخ السالفه)
    وقلت خلاص ابي اشتكي ورحت المحكمه وقالو لي لازم ادفع مبلغ للمحكمه قريبا 1800 وبعدا القاضي يحكم له بالسجن فتره اقصاها ست اشهر
    للاسف ان القانون بالديره مع الظالم والسارق والنصاب

    وليش مايسجنونه الى ان يدفع لي المبلغ مع العلم عليه ابعاد حسبي الله عليه بهدل حياتي وهدم امالي والسبب القانون الضعيف
    لازم يصير لنا مطلب تعديل القانون من الناحيه الماليه والاحوال الشخصيه
    ولازم يوقفون الاوراق الي بالمحكمه لانها حبر في ورق فقط لاغير حسبي الله عليهم كلهم
     
  3. دار الفلك دار

    دار الفلك دار عضو نشط

    التسجيل:
    ‏9 يونيو 2008
    المشاركات:
    760
    عدد الإعجابات:
    38
    مكان الإقامة:
    الكويت
    اعطيك نصيحه من اخوك وكل امرك لله سبحانه وتعالى مثل ما انا سويت لاقانون معاك ولاحكومه تعدل القانون
    راح تتبهدل بالمحاكم والمحامين ولا شي راح يرد لك من فلوسك الس انوخذت عليك
     
  4. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    صراحة قامت عيوني تعورني وانا احاول اقرا التفاصيل اللي بالقصة بس باختصار انا اضم صوتي مع دار الفلك سهل تحصل حكم بس صعب تنفذ الشخص شكله مثل اللي نصب على فلك وانشالله يكون درس تعلمتو منه وبالمال ولا بالعمر
     
  5. مشعل المحامي

    مشعل المحامي عضو جديد

    التسجيل:
    ‏3 ابريل 2010
    المشاركات:
    366
    عدد الإعجابات:
    0
    مكان الإقامة:
    بيت المشورة-ش البلاجات- مقابل شوبيز -مدني وتجاري
    اخي الكريم
    الرد بالخاص
     
  6. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    اخوي مشعل رد هني خل نستفيد و يفتح مخنا
     
  7. مشعل المحامي

    مشعل المحامي عضو جديد

    التسجيل:
    ‏3 ابريل 2010
    المشاركات:
    366
    عدد الإعجابات:
    0
    مكان الإقامة:
    بيت المشورة-ش البلاجات- مقابل شوبيز -مدني وتجاري
    اخوي كل اللي تقدر اتسوييه انك ترفع عليه قضيه باسترداد المبالغ بموجب اقرار الدين وجعله بقوة السند التنفيذي وايضا تطالبه بالايصالات الموجوده عندك بنفس الطريقة . وبعد الحصول على الحكم تقوم بالتنفيذ عليه وعمل حجوزات على البنوك وعلى السيارات وعلى العقارات ومنع السفر والقاء القبض وكل قتره تجدد الاجراءات الى ان يسدد المبالغ كلها

    هذي العمليه تحتاج وقت لكن تاتي بثمارها لان مافي احد بالدنيا يتحمل واحده من هذي الاجراءات هذا اذا بعد ما نحكم بسجن بعد
    اخر شي بيدفع ويخلص نفسه
     
  8. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    اخوي مشعل انا اعارضك :)

    لان لو كان النصاب مواطن هالاجراءات تنفع

    بس وافد ما تنفع و على فكره يقدم الابعاد عن البلاد على الحكم المدني واهو يبي الابعاد عن البلاد و الريال يقول لك ما يملك لا عقارات ولا شي


    اكيد يملك لكن باسم احد من عياله او زوجته و الله و اعلم و اهله صعب يطولهم القانون


    لازم تتبع الريال حتى في بلده والله يعينك وقد يكون استطاع اخراج الاموال بره الكويت و قد يكون اشتغل بالاموال في بلد غير الكويت و غير بلده عشان لحد يتبعه او يعرف وين وده الفلوس


    فالمصيبه هنا اعظم

    واعلم اخوي بما ان الاموال الي عطيتو ياها ادخلت بحسابه بالبنك سهل ان يطلعها بره الكويت ... اقل شي يقدر يسوي طلب دفتر شيكات و يفتح حساب بره الكويت و يشتري مثلا سياره فارهه بره الكويت و يطلب صرف الشيك من البنك الخارجي ويرد يبيع السياره حتى تكون غسيل اموال و يوخر الشبهات عنه و يسهل حق نفسه استعمال المال


    كذلك يقدر يفتح حساب في بنك خارجي ويطلب من البنك بالكويت تحويل مبالغ حق حسابه الخارجي بعذر شراء سياره الخ ... مع تقديم الادله و من ثم يبيع حتى لو بخساره بسيطه اهم شي يغسل الاموال
     
  9. مشعل المحامي

    مشعل المحامي عضو جديد

    التسجيل:
    ‏3 ابريل 2010
    المشاركات:
    366
    عدد الإعجابات:
    0
    مكان الإقامة:
    بيت المشورة-ش البلاجات- مقابل شوبيز -مدني وتجاري
    اشكرك اخوي q84q8y على التعقيب

    بس انت تسرعت اشوي
    لو انك قاري المشكله من صاحبها جان عرفت ليش انا رديت الرد هذا

    عالعموم ردك صح وفي محله اذا كان غير كويتي تتعقبه في بلده عن طريق الانتربول والنتفيذ الجنائي والاتصالات الخارجيه

    اما اذا كان كويتي الرد اللي عندي يمشى

    ولا عندك راي ثاني؟
     
  10. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    لا ما عندي راي ثاني :) بس اتوقع ما راح يدفع و على فكره التنفيذ المدني ما فيه ضبط و احضار يعني حتى عشان يسجنه صعبه لم يطلب حبس مدين شوف متى يقبضون علييه بالصدفه لان الي اعرفه ماكو ضبط و احضار للمدين
     
  11. yukon007

    yukon007 عضو جديد

    التسجيل:
    ‏30 مايو 2009
    المشاركات:
    4
    عدد الإعجابات:
    0
    مشكورين وما قصرتو والله يجزيكم كل خير على ردودكم

    اخوي q84q8y حتى لو انطالبه بشيكات واروح المخفر واقدمهم ما يطلع عليه ضبط واحضار؟؟
     
  12. مشعل المحامي

    مشعل المحامي عضو جديد

    التسجيل:
    ‏3 ابريل 2010
    المشاركات:
    366
    عدد الإعجابات:
    0
    مكان الإقامة:
    بيت المشورة-ش البلاجات- مقابل شوبيز -مدني وتجاري
    حياك الله يالحبييب

    والله يوفقكم وييب حقكم منه ياكريم
     
  13. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223


    لو نصب و احتيال و شيكات من دون رصيد الخ ... يعني القضايا جزائيه الي فيها جزاء يضبطونه عن طريق المباحث بس اذا مو كويتي مو من صالحك الصراحه لان بعد ما ينفذ العقوبه الجزائيه ..... بعدها يسفرووونه برى الكويت وانت روح راكض وراه
     
  14. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    فلك قال المختصر المفيد النتيجة ومشعل قال الطريق القانوني ولك الخيار بين القانون والنتيجة
    لكن خل عندك حكم ماتدري يفيدك في يوم من الايام تظل تلاحقه فيه ولو ان اللي مسوي هالسالفة شكله سوابق وخبرة عامل حسابه عدل
     
  15. فريح الكوح

    فريح الكوح عضو جديد

    التسجيل:
    ‏7 يونيو 2010
    المشاركات:
    349
    عدد الإعجابات:
    0
    مكان الإقامة:
    مجموعة الريادة للمحاماه - 22442626 - 94004040
    الوافد تقدر اتسوي عليه منع سفر ، وما راح يبعد اداريا جذي .

    لكن ليت السؤال يكون قبل التعامل اصلا .. مو لي طاح الفاس بالراس !!
     
  16. الاعصار

    الاعصار عضو نشط

    التسجيل:
    ‏6 يونيو 2007
    المشاركات:
    100
    عدد الإعجابات:
    1
    الحل ترفع عليه قضية نصب واحتيال
     
  17. weld.q8

    weld.q8 عضو نشط

    التسجيل:
    ‏27 يونيو 2008
    المشاركات:
    668
    عدد الإعجابات:
    35
    مكان الإقامة:
    دار الخير والعز(الكويت)
    مساء الخير ياجماعه انا نفس ضروف حاشتني هم شخص عطيته عشره الاف دينار وعطاني اقرار دين على بو انه يطلبلي سياره من بره بس خذيت منه اقرار دين اول ماعطيته المبلغ ولا حصلت منه قوطي رهش مو سياره طلع نصاب عود وكويتي الريال بس مفصول من دوامه وهم عليه قضايا نصب بعد بس انا اكثر مبلغ ومسوي عليه كل الأجرائات المحكمه الي اهوه منع سفر وضبط واحضار وحجز مركبات ..في شي ثاني تقدرون تفيدوني فيه اخواني ..
    وعلى فكره نصاد مره وطلع بشكال صارلي خمس اسنين الحين انا وياه ماني عارف شنوو اسوي بعد.
     
  18. مشعل المحامي

    مشعل المحامي عضو جديد

    التسجيل:
    ‏3 ابريل 2010
    المشاركات:
    366
    عدد الإعجابات:
    0
    مكان الإقامة:
    بيت المشورة-ش البلاجات- مقابل شوبيز -مدني وتجاري
    اخوي انت الاجراءات ما جددتها من 5سنوات؟

    عندك حجز عقارات وحجز مال للمدين لدى الغير وحجز بنوك و تطالبه مدني بالمبغ مع التعويض

    الله يهداك وايد امور ما سويتها
     
  19. weld.q8

    weld.q8 عضو نشط

    التسجيل:
    ‏27 يونيو 2008
    المشاركات:
    668
    عدد الإعجابات:
    35
    مكان الإقامة:
    دار الخير والعز(الكويت)
    الله يعطيك الف عافيه استاذ على التنبيه ..رااح اسوي الي قلته ان شاء الله من اسبوع الياي ..عسى الله يرزققك ووفقك وين مارحت ياخوي على المعلومه .جزاك الله الف خير
     
  20. مشعل المحامي

    مشعل المحامي عضو جديد

    التسجيل:
    ‏3 ابريل 2010
    المشاركات:
    366
    عدد الإعجابات:
    0
    مكان الإقامة:
    بيت المشورة-ش البلاجات- مقابل شوبيز -مدني وتجاري
    حياك الله اخوي
    لا شكر على واجب
    احنا فب المنتدى بخدمة الجميع

    وتستاهلون كل خير ياخوي