عرض شركة كوالتي نت

[Maxima]

السلام عليكم
يااخوان ودي ازيد اشتراكي من 2 ميقا بكوالتي نت الى max dsl اللي توصل 24 ميقا طبعا حسب خط البيت وتحمله
شرايكم؟ احد جرب max dsl بكوالتي نت خصوصا للاون لاين والالعاب
وهذي عروضهم
512 Kbps بالسنة 55 دينار
1 Mbps بالسنه 95 دينار
2 Mbps بالسنه 149 دينار
MiniMax 2Mb-4Mb بالسنه 209 دينار
MaxDSL 5Mb-24Mb بالسنه 300 دينار
انصحونا يااخوان

 

[advisor]

ما انصحك فيه لان مافي اتصال يوصل للسرعه بالكويت
لا بنيه تحتيه ولاشي كلها اعلانات كاذبه .

 

[Maxima]

ما انصحك فيه لان مافي اتصال يوصل للسرعه بالكويت
لا بنيه تحتيه ولاشي كلها اعلانات كاذبه .

انا كلمتهم وقالوا خط البيت يتحمل 7 ميقا

 

[advisor]

نصابين

 

[Maxima]

نصابين

كلامك من تجربه ولا اجتهاد من عندك؟

 

[advisor]

لا ماجربت بس انصحك ماتجرب لان جميع الشركات نصابه

عمرك سمعت بالسرعه بالكويت ؟ اذا سمعت اشترك معهم

 

[Maxima]

لا ماجربت بس انصحك ماتجرب لان جميع الشركات نصابه

عمرك سمعت بالسرعه بالكويت ؟ اذا سمعت اشترك معهم

والله ماادري يااخوي
لكن الموظف قالي بالحرف اضمن لك ماتنزل عن 6.5 ميقا وتوصل 7 ميقا

 

[aq8]

والله ماادري يااخوي
لكن الموظف قالي بالحرف اضمن لك ماتنزل عن 6.5 ميقا وتوصل 7 ميقا

كلامهم مو صحيح اهم شي انه يحصل على فلووسك وياخذ منك قيمة الاشتراك

واذا انت تبى حق القيم والالعاب
اخذ اشتراك يكون الاب لود مفتووح وهم عندهم الاب لود مفتوح
واسم الاشتراك قيم
يكون الاب لود مفتوح علشان ما يقطع ويهنك ويكون سريع
طبعا ياخذون رسوم حق الشغله هذي 30 دينار
تحياتى لك

 

[بومعالي]

بالأول خل يقدمون خدمه مثل العالم بعدين يتكلمون عن العروض ..

أنا صارلي سنين مع كوالتي وخدمتهم كانت متقلبه إلى مقبوله .... لكن سنة 2010 حصلت على جائزة أسوأ شركة إنترنت بالكويت وعن جدارة .... إشتراكي معاهم 4 ميقا والأونلاين عندهم فاااااااشل كل شوي يفصل ... وتقدر تقول الخدمة شغاله معاك نص يوم وباقي اليوم كل ربع ساعه يفصل ... والحين وأنا أكلمك أقسم بالله من الفجر وأهو مجنني يفصل مع إن الكيبل جديد وكل شي تمام عندي بس الفصل من عندهم ...

بس اللي بعرفه هل أقدر أخذ فلوسي منهم عن باقي المدة ؟ لأني مجدد اشتراكي شهر فبراير اللي طاف وما ظنتي إني بكمل معاهم باقي السنة ...


وياجماعه اللي مشترك بفاستلكو يفيدنا عن خدمتهم هل في مشاكل ؟ واشلون الأونلاين معاهم ؟

 

[مشتريات]

كيمز واقطع

 

[r77a]

السلام عليكم ورحمة الله وبركاته
الصراحة انا مشترك بكيمز وهذي السنة الثاني والحمد لله كل شي تمام
والحين عندهم عرض حلو ما اذكره كله لكن اذكر انه الـ 1.5mb بـ 99 دينار بالسنة
وطبعا اي اشتراك تاخذه يعطونك معاه يوزر نيم وباسوور حق شبكة زاجل
تشبك فيه اذا كنت برا البيت بأي مكان يكون فيه وايرلس ( زاجل ) Zajil وطبعا على حسب المكان
بعض الاماكن توصل السرعة لي 24mb هذا على كلامهم
واللي مهتم بالموضوع هذا رقمهم يدق عليهم ويستفسر على كيفه 1822822

والله يوفق الجميع

 

[Maxima]

حيرتونا والله

 

[mR Basha]

انا اقولك اخوي اول شي خط بيت لا يعتمد على انترنت بشكل عام
مستحيل خط 2 ميغا يوصل ل 7 اصلا
خط 2 ميغا ما يكون 2 ميغا يكون 1.56 لحد الان ما في 5 ميغا بمعنى الفعل في شرق الاوسط
يعني داون لود 5 ميغا مافي
نصيحة مني الك كاخ كولتي شركة زبالة جدا جدا جدا
زيد شوية مصاريك وخد من كيمز او فاست تلكو
رح اوضحلك نقطة حين 2 ميغا من كولتي مثل 1 ميغا من كيمز حتى كيمز احسن
انا تخصص ادارة سيرفرات .... وادري شو يصير كولتي شركة ما تبيها بلمرة وجع راس
اذا كنت ساكن في سره رح يجيك وجع راس اكثر

تقبل مروري

 

[Maxima]

mR Basha
مشكور اخوي ننتظر مزيد من الآراء

 

[q8-mc]

بخصوص السرعه على كلامهم اذا كانت المنطقه فيها الياف ضوئيه عادي اخذ السرعه الي تبي

 

[Maxima]

بخصوص السرعه على كلامهم اذا كانت المنطقه فيها الياف ضوئيه عادي اخذ السرعه الي تبي

لا مافيها
منطقتنا قديمه

 

[bader34]

ياخوي بتاخذ ردود كل واحد ماتخلص لانه كل واحد عنده وجه نظر يمكن تكون صحيحه

يمكن يكون مجرد مشاركه

بس انا استخدم فاست تلكو كرت عادي دايل اب صحيح حلو بس التحميل بطيئ
كوالتينت ساعات تكون زينه ساعات لا عرات وطبعا انا اتكلم عن دايل اب علشان جذي انصحك انك تشتري كرت دايل اب وتجرب خدماتهم ان شفتها تمام اشترك لا منت خسران الا شهر بو 5 وشكرا وهذا احسن حل برايي

 

[abo.jraah]

السلام عليكم
كلام الشبااب اغلبهم عدل
بس اذا انت مرتاح لهم وتبي تشترك عندهم بالاول جرب السرعه وتااكد منهااا وبعدهاا لكل حاادث حديث وما اعتقد في هالسرعه عندناا

 

[ASUS]

بيتنا يتحمل 13 بس ترا والله انت بس تظمن ال 5 خلاص ما تفكر ازيد لان كل شي طياره انزل 4 فايلات تورنت ومعاهم يو تيوب و انزل لعبه على البلي ستيشن يخذ الوضع كله ممكن 3 ساعات

 

[ريح الشرق]

السلام عليكم

يا اخوان والله انصحكم في كيمز كيمز وبسسس والله لا تقطيع ولا فصل ولا غيره واذا سرعتك 512 يعطيك اكثر من هل سرعه توصل معاك 640 لما ادش اشيك على موقت سبيد تست العالمي