ملعب ثيل بالجهراء للبيع

[المعكاز]

للبيع ملعب كورة قدم ثيل طبيعي يتسع ل 7 لاعبين للفريق الواحد الارض ماجره ب 150 دينار شهريا والكهرباء ب 60 دينار طول الملعب 42متر والعرض 34 ذات مدخول طيب شهريا اكثر من 800 شهريا لاعلى سعر

 

[ابو ذياب]

هلا اخوي
وين صاير الملعب بالضبط
انا بالجهراء
بانتظارك اخوي
وسؤال اخير بس .. كم تاجر الساعه ؟

 

[المعكاز]

هلا ابو ذياب الساعه ب 10 دنانير والملعب مسور بالشبك ومكانه الدخله الخلفيه للاسطبلات ورا المضمار اول ماتدخل من الخل من صوب الروف تلاقيه اول اسطبل يسارك كشافاته مبينه باللليل

 

[ساحل الليل]

اخوي اذا كان مشروع ناجح يطلع 800 بالشهر مربح شنو سبب البيع ؟ وبعدين اخوي لا تزعل من كلامي الاسطبلات بعيده عن المناطق السكنيه فشلون في زباين يوميا ؟

 

[المعكاز]

هلا اخوي مافي شي مو للبيع وانا الحمدلله مو متوازي على بيعته بس عرض ان جاب سعر ببيع والمكان يالله لك الحمد من العصر هالمنطقه هذي متروسه وكلها شباب مشكور اخوي

 

[دواس علف]

السلام عليكم
اخي الكريم لدي عدة استفسارات
اتمنى الاجابه طلبا ليس امرا
1 - من المسؤول عن حجوزات الملعب ؟ اقصد من يحجز للشباب ويستلم الفلوس منهم
2 - هل يوجد عمال ؟ كم عامل وكم رواتبهم ؟
3 - كم هو الدخل اليومي التقريبي للملعب ؟
لك كل الشكر والاحترام والتقدير
اخوك ابو سعد

 

[المعكاز]

هلا اخوي تامر امر يابو سعد في هندي هو اللي يستلم الفلوس بس واحد وراتبه 80 والحجوزات عندي بالتليفون علشان انسق الوقت والمدخول يالله لك الحمد من 20 الى 70 باليوم

بس يفرق يوم الجمعه والخميس عن الايام

 

[راشد الماجد]

السلام عليكم مرحبا اخوي المعكاز حبيب قلبي انا من زمان ادور على مشروع مثل هذا واذا عجبني مشروعك باذن الله اتفق معاك .. بسالك اخوي الاسطبل اللي عليه الملعب حقك والا مؤجره من شخص ؟ وكم عقد الايجار بينك وبينه كم سنه ؟ وهل يوجد غرفه سكن للهندي ؟ واخر شي اخوي شنو المصاريف اللي تدفعها يعني اقصد بس الايجار 150 والكهرباء 60 وراتب الهندي 80 ؟ بس والا في غيرهم التزامات .. والله يوفقك اخوي المعكاز وثق اني جاد بكلامي

 

[mishmish]

شيك الخاص

 

[المعكاز]

هلا اخوي راشد الارض ماجره من صاحبها لمدت سنتين ي مصاريف مثل الماي يحتاج الى تنكر ولاتوجد غرفه للهندي انا مخليه يسكن باسطبلي

 

[كحيلان العازمي]

مرحبا اخوي المعكاز حبيبي انت ماجرها سنتين الحين بالضبط كم صار من العقد اخوي وهل في مجال بعد انتهاء العقد للتجديد بدون رفع سعر الايجار ؟ واذا بشتري منك الملعب هل في سوالف تحويل والا بس اسلمك الفلوس واخذ الارض ؟

 

[mishmish]

ممكن رقم تليفونك

 

[حسين عبدالرضا]

اخوي لا يكون تقصد الملعب اللي عند اسطبل قيس لتعليم الفروسيه ؟

 

[اندرتيكر]

اخوي انت كم تبي فيه يعني كم حاط ببالك !!! وهل هو الملعب الوحيد اللي باسطبلات الجهراء ؟

 

[المعكاز]

هلا اخوي كحيلان صارلي داش بالشهر الثالث ومافي تحويل قبل لا تشتري اجيب الرجال راعي الارض وتتفق معاه لا تحويل ولا غيره واي خدمه حاضر

 

[المعكاز]

هلا بالغالي اهو الملعب الوحيد بالاسطبلات مافي غيره ومساحته حلوه تقريبا عن اربع اراضي والسعر على السوم ؟

 

[المعكاز]

هلا مشمش اخوي على الخاص لو سمحت

 

[ابو ذياب]

اخوي المعكاز تبيه على الف دينار ؟؟

 

[المعكاز]

لا اخوي ابوذياب بعد حيل مو شوي انا اساسا مافكر ببيعته بس ابي اشوف ان جاب سعر ببيع بس سومتك يبيلها بعد