الاستشارات المالية (ايفا)

[كول]

السلام عليكم

اتمنى من اخواني اصحاب الخبره طالب افادتهم

في سهم الاستشارات المالية (ايفا)

ودي استثمر فيه استثمار مؤقت شهر او شهرين

بس خايف يوقفونه مثل الشركات الي توقفت وحاب اسال عن مستقبل السهم هل هو مثل الاسهم الي وقفوها او لا وهل خسارته كبيره ومحتمل يتوقف السهم او يعلن افلاسه للافاده بامانه وصدق ؟

افضل سعر دخول للسهم ؟

واذا في شركات افضل منه بسعر تحت 100 فلس ياليت تذكرونها

واتمنى لكم التوفيق وتعويض خسارتكم

وشكرا

 

[كول]

وين المحللين الصادقين مع نفسهم قبل الناس ؟؟

 

[مضارب بورصوي]

وين المحللين الصادقين مع نفسهم قبل الناس ؟؟

انا عن نفسي اقول جلوبل احسن كأستثمار

 

[الشاهين1]

اخوي لاتحاتي مع مجموعة البحر لها اصول قوووية
وانصحك بأيفا والديرة وعقارات الكويت هذا السهم العريق واللي مرت عليه جميع الازمات من ازمة المناخ وازمة تحييد الاسهم والازمة العالميه ولم يتأثر
1-عقارات الكويت
2-الديرة
3-عقارات الكويت
واسعارهم مغريه ورخيصة بس لاتسرع بالوقت الحالي واعتقد انك راح تأخذهم بأسعار ارخص ومن ناحية الايقاف لاتحاتي هالشركات
والله الموفق

 

[د. متداول]

ملكيات و إستثمارات إيفا تخرع ماشاء الله عليها
شركة عريقة و أهلها كبار في الديرة بس اللي يدخل معاهم لازم يكون قلبه قوي و ايفا من أحلى الاسهم للمضاربة يعني تذبذبة درجته عالية
بس مثل ما نصحوك الشباب السوق يبيله مراقبة قبل الإقدام على الشراء

 

[Take Over]

ياعمي هذا سهم بعد :d ضحكتوني وااايد بس ماقول الا الله يعين ملاكه
السهم مات مع موته جاسم البحر

 

[كول]

الله يعطيكم العافيه على هالمعلومات

واتمنى من باقي المحللين ان تكون لهم كلمه حتى يستفيد منها

المستثمر او المضارب الصغير

؟

 

[خير ان شاء الله]

عن نفسي انا طبعان فيه "ايفا" على 320 فلس للأسف والحمدلله على كل حال ... الكميه كبيره وتمثل 95% من راس المال ، ويوم الخميس صراحه شريت على 64 فلس لأنه بالفعل سعر ما يتطوف والقاع التاريخي 60 فلس والكميه هذه لا تمثل سوى 5%.

الشي الحلو ان في عز الازمه الاقتصادية واكرر الاقتصاديه وليس السياسيه لانها تختلف اختلاف كلي شلع من 68 فلس اذا ما خانتني الذاكره الى 180 فلس بظرف شهرين وهذه ليس دعوة للشراء وانما مجازفه مقتنع منها بحد درايتي البسيطه بالبحر.

والاسبوع الجاي توزيعات زين يعني في حركة على السوق واتمنا صعود الموجه لان البحر والخرافي ارتباط وطيييييد وما استبعد ان البحر مستثمر في زين بكميات كبيره قد تساهم تلك الارباح في تأسيس شركات مجموعة البحر نحو انطلاقات جديده.

وفي الحقيقه عشان ما اكون مندفع استبعدها عن بوعيدين لأن المرحوم بأذن الله يختلف اختلاف كلي بطريقة دعمه للمجموعة عن بو عيدين لان الاول محترف وصانع سوق والثاني هااااااااوي.

المختصر الناس اتعبت مع مجموعة البحر على الادارة الحالية والاحتمالات غير معروفه اما يطير بالمجموعة اذا اخذنا بعين الاعتبار الاندماجات الى ستتم عما قريب و لاننسى اقتراب طنطنه كأس العالم والعقارات التى تمتلكها ايفا فنادق والقرض الاخير لعقارات الكويت الى يفوق 50 مليون يعني لكم الحسبه والله يكتب الى فيه الخير.

للبحر حلاوه بالخساره والربح واذا انت مستثمر طويل الاجل ما يبيله مبروك مقدما بأذن الواحد الاحد واذا كنت مضارب الله يكون في عونك ان في قب مره فوق ومره تحت.

والله يوفق الجميع.

 

[خير ان شاء الله]

للأمانه السوق الامريكي اليوم داب دبه قويه بسبب اخبار القوى العاملة ، يعني فرصه لأقتناص السهم بسعر افضل من 64 فلس والله يوفقك

 

[rahaly]

اذا مستثمر صبور يعني الى اخر السنة .. ان شاء الله ايفا فيه خير
لان وضع الشركة جيد

وطبعا الوضع يعتمد على السوق .. مثل انهيار السوق الامريكي اليوم يؤثر على سوقنا بالتاكيد

والله اعلم

 

[كول]

لكم كل الشكر والله يوفقكم في الدنيا والاخره

لمساعدتكم اخوانكم وافادتهم تاركين لكم بصمه في هذه الصفحة

ويعوض عليكم كل فلس خسرتوه

شنو افضل سعر دخول على سهم ايفا ؟

وشنو افضل سعر دخول عقارات كويت ؟

واي افضل واسرع في الارتداد ؟

ننتظر باقي المحللين

 

[خير ان شاء الله]

لكم كل الشكر والله يوفقكم في الدنيا والاخره

لمساعدتكم اخوانكم وافادتهم تاركين لكم بصمه في هذه الصفحة

ويعوض عليكم كل فلس خسرتوه

شنو افضل سعر دخول على سهم ايفا ؟

وشنو افضل سعر دخول عقارات كويت ؟

واي افضل واسرع في الارتداد ؟

ننتظر باقي المحللين

أنا مو محلل ولد عمي بس على ال 62 او 63 صيده حلوه ويمكن باجر تصيده بهذا السعر خصوصا بعد إقفال السوق الامريكي اليوم بأنخفاض حاد وفوق هذا تذبذب اخبار زين يعني الفرصه مازالت موجوده اما عقارات الكويت الله اعلم أنا من متابعين ايفا بس سمعت اخبار طيبه عن عقارات الكويت ولها اهداف طيبه على اخر السنه ومثلك عارف كل من يتكلم