غلف انفست اول شركة تغادر البورصة

[صياد 33]

برايك مافيه حل لا 99% وهل كبار المساهمين يوافقون على تخفيظ

اذا كان كبار المساهمين اهم ال يديرون الشركه وباقوها
هاذي خطتهم اولا واخيرا

 

[صياد 33]

يعني الحبايب هم يبون يوافقون وين ضمانات ان البنوك راح تدخل بزيادة

يعني السوق الكويتي راح فيها دام كسر القانون عشان مضرت المساهمين وحياء الشركات من جديد

المحافظ اهم شيئ عنده البنوك .... والمساهمين انشاءالله يحترقون ويفلسون هذا آخر همه

 

[مليونير بعد سنه]

المشكلة لو يتعاون المركزي وتجارة على صغار المساهمين

يعني يوافقون على تخفيظ 99% يعني يموت المساهم وتعيش الشركة


مصيبة لو يصير تحالف مع الشركة يعني على السوق السلام

 

[صياد 33]

المشكلة لو يتعاون المركزي وتجارة على صغار المساهمين

يعني يوافقون على تخفيظ 99% يعني يموت المساهم وتعيش الشركة


مصيبة لو يصير تحالف مع الشركة يعني على السوق السلام

وزارة التجارة ما وافقت وما راح توافق

لان راح يصير فوضى كل ادارات الشركات راح يبلعون راسمال الشركات وبعدين يطردون المساهمين ويقولون تخفيض 99%

 

[مليونير بعد سنه]

بس ماعليك ياصياد فيها خير خل التجارة توافق وتكسر القانون

راح يكون لنا ثغرة لرفع قضايا بسبب كسر قانون الشركات الاستثماريه الحد الادنى 15 مليون

الشركة عطينه مجال وتحملنا خسايرهم وخفظو 62% الحين يتحملون الخساره الثانيه

عفيه على الشطار ولا نبي تصفيه

يعني حدهم يخفظون 4 مليون وغيره مافيه

 

[معاي الحق]

ياجماعة لاتنسون ورقة الدعوة لحضور الجمعية العمومية اللى مكتوب فيها عدد الاسهم اللى تملكها
الاخوان اللى يتداولون عن طريق الاوسط لازم يراجعون برج جاسم للحصول على كتاب الدعوة لحضور الجمعية العمومية

*** انا راجعت وزارة التجارة وقالولى النسبة المطلوبة لطلب تصفية الشركة 16%

الحين قريت برج جاسم ، العنوان برج أحمد سوق المقاصة مقابل سوق شرق تقريبا

برايك مافيه حل لا 99% وهل كبار المساهمين يوافقون على تخفيظ



ولا فيه حل ثاني


وهل راح يكون لنا اغلبية

مايقدرون ينزلون لراس المال الادنى 15 مليون
وماحد رح يوافق على التخفيض الجديد

حتى وان كان مافي اغلبية المهم الواحد يحاول

لوواحد يقدر يكلم الشيبة او بهبهاني

انا اعتقد لهم راي مخالف
لاني اللي سمعته عن الشيبة انه رجال محترم وما يرضيه اللي قاعد يصير

 

[vette]

اعتقد فيه خطأ
النسبة لازم تكون 75%

والله ماادرى ياخوى النسبة اللى قالولى عنها وزارة التجارة قسم الباحثات القانونيات الدور الاول اول ماتدش على اليمين
واذا كلامهم غلط بعد كل شئ جايز

 

[vette]

الحين قريت برج جاسم ، العنوان برج أحمد سوق المقاصة مقابل سوق شرق تقريبا


كلامك صحيح بالنسبة للاخوان اللى يتداولون عن طريق البورصة

برج جاسم بالنسبة للاخوان اللى يتداولون عن طريق شركة الاوسط
وبرج جاسم مقابل صالة التزلج انا اليوم استلمت منهم الدعوة لحضور الجمعية العمومية

 

[مليون دينار]

اتوقع البنوك توافق على اسهم مقابل القروض

 

[صياد 33]

اتوقع البنوك توافق على اسهم مقابل القروض

الينوك موافقه مبدئيا وما عندهم حل ثاني لان في حالة تصفية الشركة ما راح يحصلون الا على 10% من اصل دينهم ما عندهم غير الصبر الى ان يتعدل الاقتصاد
بس ادارة الشركة يبون ايضا تخفيض راس المال 99% علشان يطردون المساهمين بره الشركة

 

[السهم المجروح]

قبل لايطردونا احنا راح نطردهم باذن الله
عـــــدم ابــــــراء الذمــــه ومحاسبة مجلس الاداره الحالي الاحياء منهم والاموات اذا احد انتحر

 

[مليون دينار]

الينوك موافقه مبدئيا وما عندهم حل ثاني لان في حالة تصفية الشركة ما راح يحصلون الا على 10% من اصل دينهم ما عندهم غير الصبر الى ان يتعدل الاقتصاد
بس ادارة الشركة يبون ايضا تخفيض راس المال 99% علشان يطردون المساهمين بره الشركة

القانون مايسمح لهم
تخفيض راس المال تحت 15 مليون

 

[صياد 33]

القانون مايسمح لهم
تخفيض راس المال تحت 15 مليون

ليش اهم ما يدرون عن القانون وليش اقترحو هالاقتراح العبيط
وخصوصا انهم بلغو وزارة التجاره والمركزي رسمي
وانا كلمت الدايخ عصام بيطار واكدلي هالكلام
يقدرون او ما يقدرون هالكلام صدر رسمي من الشركة بكل وقاحة وعين قويه

 

[السهم المجروح]

يعلن سوق الكويت للاوراق المالية ان الشركة الخليجية الدولية للاستثمار ‏ ِ(غلف انفست) افادت انها تسلمت كتاب بتاريخ 28-07-2010 من بنك الكويت المركزي والخاص بالتمديد للشركة لغاية 31-12-2010 لتصويب اوضاع ‏ الشركة المالية وتوفير رأس مال جديد لايقل عن 15 مليون د.ك ، كما افادت ‏ الشركة انها بصدد الانتهاء من اعادة هيكلة وعقد الجمعية العامة العادية ‏ والغير العادية في اقرب فرصة ممكنة .‏


العبب بالحلااااال

 

[AL.MOUSAWI]

يا الله يا كريم ان اوضاع الشركة

تتحسن وترجع للتداول

ساعتها تقدرون تتصرفون بحلالكم .

الله يعوض صبركم خير ...ان شاء الله

 

[صياد 33]

انا ما ادري ليش المحافظ وافق على التمديد هذوله شنو عندهم حلول غير حلب الشركة اطول مدة ممكنه
اذا 2009 حقوق المساهمين - 127 فلس
2010 حقوق المساهمين - 450 فلس

 

[مليونير بعد سنه]

انا اقول لشركة تحملنا خسارتكم قبل وضحينا في اسهمنا 62%


الحين دوركم ياشطاار 99% تخفيظ بعينكم وهذا كسر القانون ويفتح عليكم ثغرة عشان نحاسبكم اكثر واكثر

وطلعو الفلوس اللي عندك ولو ماعندك شي ماعطاكم المركزي مهله على منو هالعب

 

[الحزين1]

ياجماعه الخبر اليوم اعطائهم مهله مو زين والشركه حسب افادتها بان منتهين من الجدوله الديون ياشباب احد يفيدنا الخبر زين خلونا نسترد فلوسنا الله ياخذ السهم

 

[chalenger]

انا ما ادري ليش المحافظ وافق على التمديد هذوله شنو عندهم حلول غير حلب الشركة اطول مدة ممكنه
اذا 2009 حقوق المساهمين - 127 فلس
2010 حقوق المساهمين - 450 فلس

عطوهم مهله ، علشان يعملون اعاده هيكله ، او جدوله الديون

المهم انهم يقومون باءجراء لانقاذ مايمكن انقاذه حمايه للمساهمين

لكن المثل يقول ( الكحل بالعين الرمدا خساره )

والله المستعان

 

[مليونير بعد سنه]

انا احث اخواني المساهمين

على محاسبة من اقترح فكرة التخفيظ 99% اللي مايهمه غير كرسية وضرب في المساهمين بطوفة

واتمنى يكون هو اول سؤال في الجمعية حتى يقفون عند حدهم

هذا صاحب المقترح شخص غير مبالي بالمساهمين يريد احياء نفسه وموت المساهمين