تداول الاربعاء 9 - 6 - 2010 برعايه المطيري

[سهمك اخضر]

المؤشر السعرى :6,681.8 (-41.6)
المؤشر الوزنى :407.48 (-3.59)
عدد الصفقات : 2,240
القيمة المتداولة : 21,888,140
الكمية المتداولة : 97,690,000

 

[Metalforever]

عن اذنكم جميعا" سوق مايسوى نتابعه

يعني أول ما أنا أدش المنتدى إنت تغادر ...

إذنك معاك يا خوي ... موفق خير ...

 

[ADEL ALAZMI]

مالومك سهمك اخضر اطلع الماريوت بالحديقه تسوا السوق واسهمه

 

[رجل قانوني]

السلام عليكم وصبحكم الله بالخير جميعا

 

[AL-mutairi]

كل هذا الفرح بيوم ميلادي الاربعين وان شالله فالكم اخضرررررررررررررررررررر
9\6\2010

الحداق
كل عام و انت بخير
عيد ميلادك هـ السنه أحمر و بجيب لك كيكه كلها فراوله


موفق خير​

 

[Trillion]

مو هذي مشاركاتك ؟
1- بعد عشر دقايق راح اصير في هجوم على مجموعه الخرافي ( توقع شخصي )

وكتبت
2- توقعي شخصي راح اكون اهناك في جوله ثانيه حق مجموعه الخرافي قبل الأقفال

فــ تصيدوا باسعار حلوه

وكتبت
3- مجموعه الخرافي ودخول العنيف قريباً للمراقبه

وغيره وغيره وكله خرطي
غير هالعينه من المشاركات

1- سوريه حلوه تشتريها بالـــــــ 97 على هل الوضع

كذلك الساحل 150

2- تحرك قروب الخرافي واليوم راح اكون عليه شغل ..للمراقبه

3- باجر مجموعه الخرافي راح ايكون له كلمه ........واقفال أخضر باذن الله

بالتوفيق

4- وباجر في اشاعات تقول انه المحفظه راح تدخل تدعم بعض الأسهم


انت شدراك بعد عشر دقايق ولا باجر شنو بيصير

برد عليك بكل كلمه وبالترقيم لي كاتبته بعد اشرايك

1- بعد عشر دقايق راح اصير في هجوم على مجموعه الخرافي ( توقع شخصي )

* شنو مكتوب توقع شخصي بعد ما ارد اذا ماتبي انتوقع عيل ما اني خلي

احد يكتب اي توقع حق اي سهم حتى احنا اخر الاقفال كلنا نتوقع الاقفال

جم اشرايك انبطل من هسالفه بعد !؟
2- توقعي شخصي راح اكون اهناك في جوله ثانيه حق مجموعه الخرافي قبل الأقفال

* هم تــــــــــــــــــوقع والرد نفس الرد على سؤال الأول ما قلت كلمه

اكيد ولا دخلوا على المجموعه
3- مجموعه الخرافي ودخول العنيف قريباً للمراقبه

*مثل ما طلعت هذي مشاركه ساعه جم ..؟؟ طلعلي مجموعه الخرافي

جم كانت وجم صارت وراح تشوف اذا صار هالكلام ولا ما صار اووكي يا حبيبي؟؟

وغير هذا هم لا فيها تصويه ولا غيره وقلت للمراقبه الظاهر اخوي مااتشوف

عينك الا لي تبي اتشوفه !
4- وباجر في اشاعات تقول انه المحفظه راح تدخل تدعم بعض الأسهم

* ماادري كلمه بعض الاسهم يعني زين ولا شنو ولا المجموعه الخرافي

وغير هذا تم ذكر اشاعه حبيبي وكانت فعلا تداول على بالسوق واعتقد

سمعت من قبل على دخول المحفظه الوطنيه على بعض الاسهم

1- سوريه حلوه تشتريها بالـــــــ 97 على هل الوضع

كذلك الساحل 150

* الحجي كان حق اخونا كوزمو مو حقك او حق غيرك وريال عندك وكانا

قاعد انسولف على دخول المناسب وقالي بدخل على سوريه وقتله لاء

انطر اشوي وريال عندك واسأله ونزل السهم بعدها

في النهايه كلامي عمره ما كان يحمل كلمه تصويه يا مراقبه يا متابعه

يا توقع شخصي ماشي ...وايام يوم كان الحجي كله بهذي صفحه عن

تمويل الخليج هم كتبنا كلنا توقعاتنا وما كان احد ما يتكلم عن تمويل الخليج

وهالايام ايام زين .......ولا اقولك اشلون الحين الصبح ومالي مزاج اتكلم

اكثر على غير معانا هذي كلامك ورديت عليه واذا عندك اكثر طلع ولا ما حبيت

استخدم بعض الكلام ........في ردي مثل لي استخدمتها انت احترام

للمجمودين

تحياتي​

 

[Trillion]

عن اذنكم جميعا" سوق مايسوى نتابعه

حياك الله حبيبي وفعلا ما يسوى بدام ادخلوا بالسالفه كل من هب ودب

السلام عليكم جميعا ،،،،
و صباح الخير على الجميع ،،،،

وعليكم السلام يا هلا ........وصبحك الله بالنور

 

[schizophrenia]

لا ترقم لي ولا ارقم مشاركاتك


بس خف علي اخوانك


وراجع مشاركاتك بينك وبين نفسك وراح تعرف

لاتوقعك الشخصي صحيح ولا توقعك حق باجر صحيح

 

[AL-mutairi]

عن اذنكم جميعا" سوق مايسوى نتابعه

الخال دامك بـ القاهره بدلك ع مكان مضبوط .. الغداء بـ مجرشي في ميدان لبنان و بعدها تروح فيلا حمام مغربي قريب عندك بـ شارع اليمن و تسوي حمام مغربي مع مسااج و بعدها أطلع logana قهوه أتوقع تعرفها بـ شارع سوريا عندهم شيشه و القبر الله يكفينا شر القبر .. و بعدها تنام ساعتين و تطلع لـ روتانا كافيه

بلا سوق بلا هم ​

 

[Trillion]

لا ترقم لي ولا ارقم مشاركاتك


بس خف علي اخوانك


وراجع مشاركاتك بينك وبين نفسك وراح تعرف

لاتوقعك الشخصي صحيح ولا توقعك حق باجر صحيح

مثل ما رقمتلي مشاركتي فــ انا رقمتلك ردي على مشاركتك

واخواني الأعضاء يعرف يقرؤن كلامي عدل ويفرقون ليمه ايقول الواحد

توقع شخصي وليمه يقول للمراقبه ولا عمره قال توصيه بس اذا في

ناس نفسك تشوف هالكلام تصويه اهني اتكون الطامه الكبرى لي

ناس ما تعرف تفرق بين كلمه مراقبه وكلمه توقع شخصي وبين توصيه !

اما توقعي الشخصي مو شرط ايكون صحيح عيل ليش سموه توقع !؟

الانه يقبل الصح والغلط

واذا كل واحد ايقول كلمه توقع واتصير عيل محد خسر بالبورصه الانه

الكل راح يمشي على توقعه وراح ايكون الكل ربحان ​

 

[Trillion]

الخال دامك بـ القاهره بدلك ع مكان مضبوط .. الغداء بـ مجرشي في ميدان لبنان و بعدها تروح فيلا حمام مغربي قريب عندك بـ شارع اليمن و تسوي حمام مغربي مع مسااج و بعدها أطلع logana قهوه أتوقع تعرفها بـ شارع سوريا عندهم شيشه و القبر الله يكفينا شر القبر .. و بعدها تنام ساعتين و تطلع لـ روتانا كافيه

بلا سوق بلا هم ​

صبحك الله بالخير يا المطيري

ومزاجك عالي وراقي

 

[ADEL ALAZMI]

اعتقد مافيها شى لما الواحد يبدي رايه

وانا متابعك ترليون دايم تتوقع وهذا امر طبيعي .. وكلنا نتوقع نسولف ..

هم السوق احمر والناس تتصيد ..

 

[AL-mutairi]

معزبنا اليوم نايم ( المطيري )

قاعد فديت خشمك بـ قلت أروح المسمكه و الجمعيه و أجيب أغراض لـ البيت أحسن من مقابل السوق .. حاط الاوامر امس و قلت أتأخر شوي


منور يـ الغالي​

 

[معشي الجن]

تداولات الامس "الثلاثاء" قد تنوعت وتباينت ما بين الشراء والتجميع وما بين التصريف الذكي والتكتيكي وخصوصاً على عدد من الاسهم الخدماتية التابعة لمجموعتي اجيليتي والرابطة , ولا تستبعد تلك المصادر استمرار تلك السياسة التكتيكية خلال اليومين القادمين.

 

[كول]

ابشرو بالخير ونفتك من ظلم شركة زين


وأشار البصيري إلى تحويل ملكية الأرقام للمشتركين بين شركات الهواتف سيتم قبل نهاية العام الجاري.

 

[AL-mutairi]

صبحك الله بالخير يا المطيري

ومزاجك عالي وراقي

صبحك الله بـ مثله طال عمرك
أي و الله اليوم نشيط و لله الحمد .. و أذا ع السوق خلاص صار عندنا مناعه من اللون الاحمر ​

 

[Winchester SX3]

لا ترقم لي ولا ارقم مشاركاتك


بس خف علي اخوانك


وراجع مشاركاتك بينك وبين نفسك وراح تعرف

لاتوقعك الشخصي صحيح ولا توقعك حق باجر صحيح

طول بالك يالغالي

سؤال يداغشني
شنو 5-5-2005 ؟ بتوقيعك

 

[shraay]

الدعم 41.5 اذا كسرها راح ينزل بقوه

يعطيك العافيه اخوي ترليون

اختلف معاك بالراي تمويل خليج يسير في قناة هابطة وولا لقيت شي بالجارت يقول كسر الــ 41.5 راح ينزل بقوة وشكرا لك ياليت توضح وجهة نظرك يمكن شايف شي احنا مو شايفينا

وتقبل تحياتي

 

[Zero]

صعود قوي للمؤشر السعودي بدايات تداول السوق

 

[schizophrenia]

لا يا العازمي

التوقع شي شخصي واجتهاد ممكن يصدق ويمكن ما يتوفق

اللى حاصل مشاركات اخونا وبالذات في ما يتعلق بزين وقروبها

تضليل

مابي اقول تطبيل بأحسن النيه


من الاسباب الرئيسية التي تؤدي لما يعرف اقتصاديا بـ market failure

ما يعرف بـ lack of information

بمعني ثاني

شخص في فندق يشترى قلم دبل السعر مع انه لو يطلع برا الفندق يحصله
ارخص والعكس صحيح ممكن يشترى من سوق شعبي ارخص من الفندق
نفس السلعه

تفاوت السعر يرجع لشح المعلومه لانها تحتاج من المشترى الجهد والوقت
ومقارنة الاسعار بعدين يقرر الشراء
وهالشي محد يقدر يسويه ولا فيه تنظيمات وقوانين ممكن تساعد المشترى

متابعة مشاركات كل الاخوان شي جنوني منو يقدر يتابع كل هالعدد من المشاركين والمشاركات ويقارن

اتمني وصلت المعلومه