مواقف حصلت فى عالم التجارة ----- 18

الموضوع في 'إستراحة المنتدى' بواسطة abdullah6868, بتاريخ ‏9 يونيو 2010.

  1. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    ان لم تكن ذئبا اكلتك الذئاب
    قبل 4 سنوات تقريبا كنا نقعد فى قهوة فى صناعية الفحيحيل واغلب روادها من تجار السيارات وهى بالقرب من (حراج بدل ) سوق الليل لبيع السيارات وهذا السوق تم تأسيسة على يد خالى الله يرحمة ابو سمير اطيب انسان عرفتة . هذا السوق بعد التحرير اشتهر الى اليوم وتتم فية بيعات السيارات بعد صلاة المغرب واغلب السيارات اللى فية رخيصة او مضروبة
    كان يجلس معانا اشخاص كثار ومن ضمنهم شخص سورى تاجر سيارات اسمة ابو صالح . وانا مو مرتاح من هذا الشخص لانه مغرور بدرجة كبيرة ويتفاخر فى مشترياته وبيعاته وكان من ضمن الحضور شخص صديق من ايام الدراسة ووجه لى سؤال مباشر قدام الحضور
    يابو على ابى سيارات من امريكا
    طبعا رديت علية بكل احترام .
    انا حاضر اطلب اى سيارة واوفرها لك
    لكن رد الصديق كان صاعق حيل
    واذا سرقتنى يابو على شلون الطريقة
    طبعا اخذت نفس عميق . وعيال عمى جاهزين للرد القاسي لكن احتراما لى نطروا ردى
    قلت الله يسامحك وجهت لى سؤال مبطن بالخبث ولا اعرف شنو هدفك
    لكن الله يسامحك على اسلوبك وانت صديق واهلك محترمين ولا يجوز منك هذا الكلام لكن راح اطوفها لك
    طبعا الجو توتر حيل وانا متضايق بس ما ابى اقوم من القهوة شغلت حالى بالحديث مع الاخوان
    بعد ساعه تقريبا من الجلسة
    السورى حاول التقرب منى وقام يسئلنى عن السيارات الموجودة عندى وذكرت لة سيارة سوبربان عندى وقيمتها 4000 دينار
    قال شريت قدام الحضور
    قلت مبروك
    ( لكن المفاجأه )
    قال السورى اعطيك فى السيارة 6000 دينار استغربت
    قلت شلون قال اسدد لك بعد 6 اشهر
    رديت علية قلت انا تاجر وامشى سيدة ما اعرف هذى الطرق --- الله يسهل عليك .
    لكن بكل وقاحة رد السورى بغضب على ( شنو خايف ابوقك )
    قلت بقلبى شالسالفة افتكينا من الكويتى وطحنا بالسورى
    حرت الكويتى حطيتها بالسورى لكن بطريقة فكاهية وسياسية كالعاده
    قلت علشان ثانى يوم اتبيعها ب 2000 دينار وتنحاش لسوريا
    عصب السورى وقال انا عندى مطاعم واهلى بالكويت ومن هذى الخرابيط
    قلت قبلك محمود سكر باق ملايين من الشعب الكويتى وموجود حاليا بسوريا امير
    التفت لاخوانى وقلت بصوت عالى ديروا بالكم من هذا النصاب ( اقسم بالله يبوقكم انتبهوا )
    لان اثناء الحديث تدخلوا كويتين طيبين الى ابعد الحدود ( لا يابو على -- ابو صالح والنعم فية رجال يوفى شارى منا اكثر من 20 سيارة والرجال سدد اللى علية بالكامل )
    انصدمت من المعلومة
    وعدلت قعدتى
    وتكلمت على طول بعين حمرا بدون تردد ( اقسم بالله عملية نصب كبيرة يا مغفلين احذروا )
    لكن لا حياة لمن تنادى
    اليوم بالمرور عندى تحويل سيارة 9/6/2010
    كلمنى الموظف وهو صديق وقالى تعرف هذى الاسماء اللى بالكشف . وبعد قراءة الاسماء -- الا ربعنا اللى بالقهوة ومن ضمنهم الصديق الحذر منى لا ابوقة-- قلت شفيهم
    قال سرقهم سورى اسمة ابو صالح شرى اكثر من 80 سيارة وباعها برخص التراب وانحاش سوريا والحين بسوريا عندة bmw 2010 وقصر وعايش عيشة ملك
    ومن ضمن الاسماء صديقى اللى كان خايف منى ابوقة -- صديقة السورى سرق منه 11 سيارة
    (طبعا انا ما اعم السوريين فيهم ارجال وناس محترمين وثقة لكن كل عود وفية دخان والحذر واجب من الكل حتى الاقرباء )
    ولكن لى متى هذا الغباء
    ما صحت الناس من الشركات الحرامية والتجار النصابين
    الحذر 1000 مرة من اشياء مثل هذى اي شى غريب اتركة العالم اصبح قرية صغيرة والاسعار مكشوفة واغلب الاجانب يرون فينا براميل نفط متحركة ( حسد على النعمه الى الله سبحانه انعم علينا فيها )
    يعنى سيارة او بضاعة سعرها بالسوق 1000 دينار ويشتريها منك شخص ب 5000 دينار ---- حط 1000 خط تحت هذى العملية
    مع تمنياتى السلامة للجميع
     
  2. الهمس الخجول

    الهمس الخجول عضو مميز

    التسجيل:
    ‏6 أكتوبر 2008
    المشاركات:
    8,739
    عدد الإعجابات:
    2
    عســـــــــــاك ع القوه
     
  3. محب المصطفى

    محب المصطفى عضو نشط

    التسجيل:
    ‏6 فبراير 2010
    المشاركات:
    327
    عدد الإعجابات:
    29
    مكان الإقامة:
    q8
    جزاك الله خير يا بو علي و كثر الله
    من أمثالك
     
  4. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    الله يعوض عليهم

    مشكور يا بوعلي على الدروس الخصوصيه ​
     
  5. بو شيشه

    بو شيشه عضو جديد

    التسجيل:
    ‏12 ابريل 2010
    المشاركات:
    2,006
    عدد الإعجابات:
    1
    مكان الإقامة:
    السره
    الله يوفقك بالطريق الصحيح يا عزيزي
     
  6. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    الله يقويج طال عمرج
    منورتنا بمرورج الكريم
    يا مرحبا طال عمرك
    مشكور على مرورك الطيب

    آمين يارب العالمين
    مشكور طال عمرك على مرورك الطيب


    الله يجزاك خير
    منورنا بمرورك الكريم
     
  7. فجر الكويت

    فجر الكويت عضو جديد

    التسجيل:
    ‏11 مارس 2010
    المشاركات:
    2,524
    عدد الإعجابات:
    0
    الله يوفق الجميع يارب
     
  8. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    آمين
     
  9. Low Fat

    Low Fat عضو مميز

    التسجيل:
    ‏2 سبتمبر 2009
    المشاركات:
    3,276
    عدد الإعجابات:
    661
    مكان الإقامة:
    قطعه 13
    معروف عن غالبية السوريين الغش
    فيما لو قدر الله لك أن تستأجره لعمل سواء في البيت أو سياره
    حتى لو لم يكن له أدنى فائده من ذلك ..

    زد على ذلك يتباهى بالرجوله والشهامه
    وبالجهه المقابله .. يتنازل عن أغلى مايملك ليحصل على المال

    ** شطحنا خارج الموضوع :)

    الله يبعدنا عن أهل الحرام
    والذكي مايجي من أقصاه يخلي له طريق للعوده لو لم يكتب له رزق في المجال اللي دخل فيه ..
    .. أعرف ناس باعوا بيوتهم عشان يدخلون شركة (هبتكو)
    والحين ع الحديده
    لا أنكر أني أحد المتضررين لكن المبلغ بسيط والحمدلله مع أن كان في مجال أزود المبلغ ..
    ..التجاره تبي واحد شاطر ويتعلم من أخطائه ويسأل أهل الأختصاص ماراح يقصرون معاه إن شاء الله
    أبوعلي الله يرزقك ويجعل ماتكتب في ميزان أعمالك
    لنصحك للجميع بارك الله فيك.
     
  10. Balloons Shop

    Balloons Shop عضو جديد

    التسجيل:
    ‏11 سبتمبر 2009
    المشاركات:
    1,377
    عدد الإعجابات:
    2
    مكان الإقامة:
    أسواق القرين
    لا حرمنا الله منك بو علي
    وشكراً لنصحك :)
     
  11. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    الله يعطيك العافية ويكفينا شر كل من منة شر
    منورنا يا امير

    يا مرحبا طال عمرك
    حياك الله
     
  12. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    السلام عليكم

    اخوي عبدالله يعطيك العافيه على المواضيع الطيبه

    ترا قريت كل مواضيعك من فتره :)

    ___________________

    على طاري عمليات النصب ..

    ذكرتني بواحد نصب علي خوش نصبه :)

    كنت عارض سيارة للبيع

    اقبض 400 دينار عند شرائك السياره

    دق علي راعي مكتب سيارات ( والله ودي اقول اسم المكتب من القهر بس الله يسامحه )

    قالي انا ابيعلك السياره واخذ عموله قتله اوكي ماعندي مانع شلون الطريقه ؟

    قالي انا عندي شراي جاهز ..

    قتله انزين وبعدين ؟

    قالي تعطيني المبلغ كاش واعطيك كمبياله باسمي بالمبلغ كامل وعقب ما تتم البيعه ونحول السياره تردلي الكمبياله .. قتله ليش كل هذا !! قال عشان ضمن عمولتي واضمن انك ما تبيعها وانا راح ابيعها على شخص مابي تصير صلة بينك وبينه ( الي فهمته ان ببيع سيارتي بسعر عالي شوي عشان ياخذ عمولته من الشراي )

    طبعا انا خفت من هالسالفه وماعرف شي بهالسوالف

    خذيت واحد من الربع ( يعني فلته :) )

    ورحنه المكتب وشرحلنه الوضع راعي المكتب

    وقالي صاحبي توكل على الله الريال كل شغله سليم وعندك كمبياله تقدر باجر لا سمح الله ترد فلوسك عن طريق القضاء وطبعا انا لايعه جبدي من السياره وبفتك

    وقلت توكل على الله

    وسلمته المبلغ وخذيت الكمبياله وانا فرحان ومتشقق

    للعلم ( راعي المكتب من عايله معروفه بالكويت ومعروفين بالثراء ) والمكتب بالسالمية ومعروف جدا

    وطبعا دارت الايام وانا ناطر نحول السياره لين صار اسبوع والريال كل يوم ادق عليه يقولي اصبر هاليومين ويعطيني اعذار كثيره

    اخر شي طالت السالفه قلت خل اروح المكتب .. رحت قالولي مسافر عزا بالامارات !!!!

    قلت نصبر هاليومين

    عقبها طقت جبدي لان صار اسبوعين وما صار شي
    رحت المكتب مره ثانية صدفه شفت هوشه وطق اعصي

    المتواجدين كانو حوالي 20 شخص منهم حريم ومنهم شياب ومنهم شباب كلهم يدورون الريال ويبون فلوسهم .. اثرا الحبيب مسوي نفس الشي فيهم !!!!

    عقب النجره مع اصحاب المكتب قالو يبا هذا كان مأجر المكتب وحتى احنه قص علينه وغشنا وانحاش صبرو هاليومين خل ندوره ( طبعا السالفه شكلها فلم وكلهم متفقين وكلهم حرامية )

    خذيت رقم جم واحد من الاشخاص الموجودين عشان اتواصل معاهم

    وبعدها بجم يوم اتصل فيني واحد من الشباب جزاه الله خير وقالي تعال المحكمه الي بحولي

    شسالفه شلون شصاير ..

    قالي لقينه وين بيتهم ورحناله وطلع ابوه وقال ولدي مادري وينه وشرحناله الوضع وقال خلاص باجر الوعد بالمحكمه تعالو

    رحت المحكمه وانا للحين مو فاهم ليش رايحين المحكمه .. ولا هم طق اعصي !!

    شفت الشباب كلهم قاعدين يفترون مع ابو الشخص النصاب وماسك كيس جمعيه متروس فلوس

    قلت الحمدالله طلع ولد حلال وبيعطينه فلوسنه

    وبعد وقت طويله من الفراره والنطره .. دش ابو الحرامي غرفه عند افتكر محامي او شي جذي ..

    قالنه ابو الحرامي .. واحد واحد يدخل عليه ياخذ فلوسه ويسلم الكمبياله ويوقع عليها ان استلم المبلغ ويمشي

    طبعا ابو الحرامي صدمنه صدمه قويه ..

    قال كل واحد اردله 80 % من المبلغ

    ولي مو عاجبه خل يروح يرفع قضيه وينطر مو اقل من سنه على ما تردله فلوسه

    طبعا انا كنت دافع 400 يعني بياخذ 80 دينار .. قلت مو مشكله خل اخذ 320 وادز ابطنه فلوس حرام عليه

    وبالفعل خذيت 320 وخليت الباقي حقه بعد ما وقعت على الكمبياله وسلمتها لابو الحرامي

    بس الي عور قلبي ان في ناس دافعين على 2000 دينار

    وفي ناس قالت لا بنرفع قضيه محنه مخلينه

    المهم انا خذيت فلوسي ومادري شصار عليهم بعدها

    نصيحة اذا حصلت بيعه وحسيت بشي لو صغير مو مضبوط ابعد احسنلك

    والله يوفقنه ويوفقكم يارب وسامحونه على الطواله :)
     
  13. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    موفق طال عمرك
    الله يستر علينا وعليكم يشهد الله انه فى ناس كويتيين اطيب منهم ما شفت شرواك يدفعون لى فلوس قبل ما يشترون منى سيارات بامريكا ومبالغ ضخمة بدون اى فاتورة او مستند على الثقة وسمعتى الطيبة من فضل الله لكن
    هذى الناس دايما اقول بقلبى الله يستر عليها لو يطيحون بنصاب نفس اللى نصب عليك ( مصيبة )
    لكن الى ابى اوصلة فى كل مواقفى الحذر الحذر الحذرالوقت اختلف وعمليات النصب اكثرت
    اسئل قبل كل شى عن الشخص اللى راح تتعامل وياه
    وللعلم اغلب الحرامية اللى كانوا بالكويت اتجهوا لدبى والشارجة
    وموقف 19 راح اذكر عملية نصب كبيرة فى الشارجة على احد الاقارب الاغبياء اللى ما سمع كلامى وخالفنى
    مع تمنياتى بالتوفيق للكل
    مشكور على مرورك الطيب طال عمرك
     
  14. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    دائما مبدع وتفاجئنا بمواضيعك الاكثر من رائعه
    الله يوفقك ويرزقك الرزق الحلال
    الف شكر لك
     
  15. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    هلا اختى العزيزة
    الله يرحم والديج على مرورج الطيب
     
  16. بو شيشه

    بو شيشه عضو جديد

    التسجيل:
    ‏12 ابريل 2010
    المشاركات:
    2,006
    عدد الإعجابات:
    1
    مكان الإقامة:
    السره
    ناطر (موقف 19) على احر من الجمر:p
     
  17. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    انشاء الله طال عمرك اذا الله اعطانى عمر
    شرفتنا طال عمرك بمرورك العطر
     
  18. Twin-turbo

    Twin-turbo عضو جديد

    التسجيل:
    ‏25 يونيو 2009
    المشاركات:
    118
    عدد الإعجابات:
    0
    لا قوية السالفة الصراحه

    معقولة في ناس جذي بهالخبث

    وهم سالفة احد الاعضاء الي كتب مداخله عن سالفته مع مكتب السيارات


    الله يبعد عنا وعنكم عيال الحرام
     
  19. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    طال عمرك نعم فيه ناس اخبث بعد
    ولكن
    فيه ناس الله يهداها مغفلين
    شركة هبتكو -- الناس دق على وتقول حط فلوسك لكن انا مو مغفل لهذى الدرجة
    الله المستعان
    حمانا الله وياكم من كل مكروة
    منورنا بمرورك الطيب طال عمرك
     
  20. ذبحني غلاك

    ذبحني غلاك عضو جديد

    التسجيل:
    ‏22 نوفمبر 2009
    المشاركات:
    184
    عدد الإعجابات:
    0
    مكان الإقامة:
    الكويـــــت
    بارك الله فيك على الموضوع المفيد