الصيــــــــــــــــن _ كوانزو

[بيبلوس]

مرحباااااا اللى راح واشترى جميع تشطيباتة من ارضيات بنواعة واطقم الحمامات وابواب داخلية وخارجية واضاءات يفيدنا افادة اللة بالخير

 

[bu sale7]

مرحباااااا اللى راح واشترى جميع تشطيباتة من ارضيات بنواعة واطقم الحمامات وابواب داخلية وخارجية واضاءات يفيدنا افادة اللة بالخير

السلام عليكم

هلا اخوي ذكرتني بايام كوانزو انا رحتلها 2004 لشراء السيراميك واطقم

الحمامات اجلكم الله والخلاطات والاضائه حتى الاثاث شريته كانت اسعارها

رخيصه اكثر من الحين لكن لا زالت الصين ارخص وانصح بالذهاب لكوانزو

واذا فيه اي معلومه راح اذكرها

ومشكور على فتح الموضوع ان شاء الله تستفيد وتفيد اخوانك

 

[niki siry]

في بالمعارض الموجودة بشوندة و أهي تبع] تقريبا ساعة إلا ربع بالسيارة عن وسط مدينة كوانزو
حاول أنك تكاسرهم بالسعر شكثر ما تقدر لأن ساعات يعطونك سعر الدبل
و وقت ما تشتري تدفع لهم عربون أول و بعد ما تستلم تدفع الباجي
و وقت ما تستلم تأكد أن أهم الأغراض نفسهم إلي طلبتهم و ينصح بأخذ كاميرا لتصوير إلي طلبته عشان ما تنسى

و بالتوفيق انشالله و الله يسهل عليك
و إذا بغيت أي شي أنا حاضر و هذا ايميلي
mr.sad_91@hotmail.com

 

[almofareg]

السلام
كلام الاخ صحيح ( نكه صعب )
السيراميك و الجرانيت و ادوات الصحي بجميع الانواع من فوشان foshan و بجانبها مدينة الاثاث شندو shendu و هما يبعدان حوالي ساعه و نص عن كوانزو و يوجد فيهم فنادق من جميع الدرجات نجمتين و اربع و خمس و على قد فلوسك تلقى سكن

و الله الله بالمكاسر تراهم حالهم حلنا يزيدون في الاسعار و فر على كذا مح للتعرف متوسط الاسعار و اللغه الانقليزيه منتشره اذا تعرف ممتاز

 

[bu sale7]

السلام عليكم

هذي بعض الصور لسوق السيراميك في فوشان

الصور من النت







هذا موقع المجمع على الخريطه

http://wikimapia.org/#lat=23.0131908&lon=113.0802584&z=16&l=0&m=b

 

[bu sale7]

الاثاث يقع في مدينة شندا shunde

وهذي صور من النت للمنطقه وخاصه للمجمع الكبير اعتقد اسمه اللوفر




























































وهذا موقعه على الخريطه

http://wikimapia.org/#lat=22.947526&lon=113.0846357&z=16&l=0&m=b

 

[لؤلؤة الصين]

ايوو ,ارخص مصانع الصين

حياكم الله و مشاركات موفقة

ارغب هنا التذكير بمكان هام و رخيص في الصين لمواد البناء و هي مقاطعة

تزيجيانغ zhejiang المغمورة التي يعرفها القليل

يوجد بها مصامع مهمة للاكسسوارات البناء في نينبو ,Ningbo,وينزو,wenzhou

تايزو, Taizhou,يونكانغ Yonkang

الابوب , خلاطات المياه و لوازمها,انواع معينة من المفروشات و انواع رخيصة من السيرامك,و غيره من المواد و البضائع المتخصصة

مزيد من التفاصيل زورو موقعنا

http://china2arab.weebly.com/

 

[almofareg]

حلوة الصور يا بو صالح ذكرتنا بايام كوانزو و فوشان و شوندا كلها تعب و لكن متعه

شكرا

 

[OVER-THE-TOP]

جم تقريبا يفرق بالسعر عن الكويت اذا بشتري الارضيات والحمامات والابواب والدرابزين من الصين؟
القصد الفرق يسوى العنوه والتذاكر والسكن؟
شكثر يطول الشحن؟

 

[أبو عبد الرحمن]

جم تقريبا يفرق بالسعر عن الكويت اذا بشتري الارضيات والحمامات والابواب والدرابزين من الصين؟
القصد الفرق يسوى العنوه والتذاكر والسكن؟
شكثر يطول الشحن؟

أخوي إذا بتأثث بيت كامل يسوى العنوة وإذا شقة ولا كم غرفة لا ماتسوى ومن ناحية الأسعار إذا طحتلك على مكتب أمين ومترجم أمين راح يطيح السعر حيل وتفرق معاك نصف سعر الكويت تقريبا لان للاسف بعض المكاتب والمترجمين مايكتفون بعمولتهم بل يزيدون بسعر السلع الي تشتريها يعني فرضا قيمة السلعة بمية يوان يزيدها عشرة او عشرين يوان بالاتفاق مع اصحاب المحلات للاسف علما بان عمولتهم في الغالب من ثلاثة الى خمسة بالمية من قيمة اجمالي مشترياتك وعن مدة الشحن اذا كونتينر يقعد تقريبا من اربعين الى خمسة واربعين يوم في البحر ليما يوصل للكويت واذا اقل من كونتينر يطول اكثر في الغالب لانه راح تكون بضاعتك مع بضائع ناس غيرك في كونتينر واحد وممكن تروح لميناء دبي وتقعد فتره على ماينزلون بضائع الناس الثانية بعدين يدزون بضاعتك للكويت

كتبت لك هالكلام من واقع تجربه والله أعلم

 

[bu sale7]

حلوة الصور يا بو صالح ذكرتنا بايام كوانزو و فوشان و شوندا كلها تعب و لكن متعه

شكرا

هلا أخوي فعلا كانت متعه

وناوي بإذن الله أكررها لما أبلش بنياي

 

[bu sale7]

ما في أحد راح كوانزو

 

[شراي2010]

السلام عليكم...

عندي سؤال بالنسبه للأسعار الحالية في الصين هل تغيرت عن قبل؟ انا ودي اروح اشتري كل مواد التشطيب من هناك حق سرداب وثلاث ادوار وحسب كلام اثنين اعرفهم يقولون تغير الوضع وصارت الاسعار مقاربه للكويت او صار الفرق بسيط مو مثل قبل؟؟؟؟ هل هالكلام صحيح... ارجو الافادة جزاكم الله خير

 

[عضوا مميز]

اذا كمياتك كبيره روح الصين تسوي

واذا صغيره ماتسوي لان مصاريفك اقل شي الف دينار ؟