اليوم 12-6-2010 عرض جديد من ألكتروزان على ipad 3g

[fffff]

السلام عليكم




اليوم 12-6-2010 عرض جديد من ألكتروزان على IPAD 3G


سعر 16GB 278

سعر 32GB 318

سعر 64 GB 358

كفالة سنة

مجانا غطاء من السيلكون

الشريحة المصغرة للأنترنت متوفره

وطنية و فيفا


الخبر مصدره جريدة الوطن الكويتيه


http://watanpdf.alwatan.com.kw/alwatanPDF/2010-06-12/7.png


تحياتي للجميع

 

[بو بـدر]

اقل من الغانم بدينار + كفالة سنة + كفر

افضل عرض لحد الان بس هم نبي الاسعار تنزل

 

[i@2010]

اكثر من جذي يبو بدر ؟ انا ماخذ من الكتروزان ال32قبل اسبوع تقريبا ب379 والكفر ب6دنانير شفت الكسره ؟؟؟

 

[بو بـدر]

وانطر شهر وشوف الكسره صج ..... وتسكره بالعافية

 

[i@2010]

صج انهم عطوني واحد صفر لكني والله يبوبدر مافيني شده على الصبر مع الاجهزه هذي يعني من اسمع انه بينزل تلقاني احوس على المحلات ،،بس انشاء الله استوعب الدرس وماتصير فيني مره ثانيه اذا نزل الايفون4

 

[KuWaiT DriFT]

الله يعطيك العافيه يا صاحب الموضوع

بس يا جماعه من صجكم قاعدين تتناقشون بهالأسعار !!

شنو 16 قيقا 3 جي ب 278 دينار !!

هذي مو تجاره هذا بوق أشكره

إللي عنده فلوس زايده الله يزيده .... بس هم حراام تشترون من هالشركات

الجهاز 16 قيقا 3 جي يوصل من برا لمن عندكم ب 210 - 230 كحد أقصى حاسب كل شي لا وبعد ويااه أيباد case أصلي مال أبل مو كفر سيلكون و خرابيط و هذي صورة توضح .....

 

[Q8Reflex]

أولا: أبل ما تبيعك الا جهازين على البطاقة الائتمانية الواحدة.....على كثرة الطلب العالمي.....عليك الحسبة.

ثانيا: الشحن ياخذ وقت.

ثالثا: الجمارك بالكويت ياخذون 5%.

رابعا: نسبة الربح 20% من 278 الى 230 معقولة.

الحمدلله انا أمس بايع 32جيجا 3جي ب 310 دينار....يعني أقل من السوق والجهاز وارد أمريكا وبقراطيسه....لا وعندي الزبون اذا فتح الكرتون وما يازله الجهاز يقدر يرجعه مع خصم 10% شتبي بعد؟

 

[i@2010]

أولا: أبل ما تبيعك الا جهازين على البطاقة الائتمانية الواحدة.....على كثرة الطلب العالمي.....عليك الحسبة.

ثانيا: الشحن ياخذ وقت.

ثالثا: الجمارك بالكويت ياخذون 5%.

رابعا: نسبة الربح 20% من 278 الى 230 معقولة.

الحمدلله انا أمس بايع 32جيجا 3جي ب 310 دينار....يعني أقل من السوق والجهاز وارد أمريكا وبقراطيسه....لا وعندي الزبون اذا فتح الكرتون وما يازله الجهاز يقدر يرجعه مع خصم 10% شتبي بعد؟

سعرك حلو اخوي الله يوفقك ،،عاد اللي عند الكتروزان واللي عندك واحد حتى لما بطلته حصلت الشريحه الامريكيه داخل وسالفة الكفاله مالها اي داعي

 

[style_kuw]

الكفالة بنظري ضرورية أنا لما أطالب شخص ماعنده أمكانيات سوي أنه بائع متجول حطوا بالأعتبار واحد بالمئة ممكن يتعطل هالجهاز من يتحمل الشخص ولا الشركة حتي لو ادفع 20 أو 40 أنا الكسبان لأني مطمئن بالنهاية

 

[بو بـدر]

ماحد يعرف فوائد الطلب من النت الا الي يطلب بنفسه ... مشكلة الشريطي يحاولون يطلعون مليون عذروب ومشكلة لما الواحد يقول سعره بالانترنت اقل

ودي اعرف الشريطي منين جايبين الاجهزة من المريخ مثلا !!!

عالعموم نصيحة وحده للاخوان الي حاب يشتري ايباد الى مافيه عربي رسمي ينطر شهرين والى حاب يشتري ايفون 4 ويكون مفتوح ومكفول ينطر لشهر 9

وهل شي اطبقه على نفسي قبل ما انصحكم فيه

والي حاب ينضحك عليه الشريطيه ما يقصرون

ولا سعر 3g 32gb بالكتروزان بـ 318 مع كفالة سنة وكفر وهني بالمنتدى على 310 ولا يقولك عرض يكسر الصخر

والله لا الغانم ولا الكتروزان ولا الشريطيه اسعارهم حالياً مقبوله ولك بالأيفون 3gs عبره اول مانزل عندهم

هذي نصيحة اخوكم واللهم اني بلغت

 

[Q8Reflex]

والله أمركم غريب!!!!

لما واحد منكم وفيكم (ومستخدم للنت وعضو بالمنتدى) يحاول كسر الاحتكار وتوفير نفس السلعة بسعر أقل ويتحمل الخسارة حتى لو انفتح الكرتون (أحسن من شركات الكويت) عشان يرضيكم.....قلتوا شريطي ومصاص دماء وملعون الخير!!!.

اللي يقط خيطه ويقول كفالة أبل بالكويت (هاردوير و سوفتوير) مفعلة...كلام غير منطقي. ادخل موقع أبل وراسلهم أو اتصل عليهم بخصوص الكفالة بالكويت وشوف الرد الرسمي اللي يطيب الخاطر! حتى iCITY لا يمثل أبل بالكويت رسميا انما موزع لممثل أبل المعتمد للشرق الاوسط في مصر.......وكانت قبل بالسعودية.

اتفضل ادخل موقع أبل في هذا الرابط واختار دولة الكويت وشوف شصير:

http://www.apple.com/uk/buy/locator/



شريطية أو باعة متجولين سمها ما تسمي......بس احنا واقع ملموس وجزء من السوق ومنافسين أقوياء ومعززين لسوق التجزئة (الغير منظم اطلاقا) بالكويت. وقريبا باذنه تعالى راح يكون لنا موقعنا الخاص اللي نخدم فيه زباينا.

 

[بو بـدر]

ردي كان نصيحة للأخوان وتحذير من الشريطيه ومن يتحسس هذي مشكلته

اما سالفة كسر الاسعار هذي مأخوذ خيرها والى يبي يضحك تكلفة

ipad 3g 32gb مع شحن ما تتعدى 270 دينار وهل رقم انا مسؤل عنه

واتحدى اي شريطي يعترف بالتكلفة مع دليل ونسبة ربحه مثل ما يسوون السعوديين بمنتدياتهم

 

[style_kuw]

والله أمركم غريب!!!!

لما واحد منكم وفيكم (ومستخدم للنت وعضو بالمنتدى) يحاول كسر الاحتكار وتوفير نفس السلعة بسعر أقل ويتحمل الخسارة حتى لو انفتح الكرتون (أحسن من شركات الكويت) عشان يرضيكم.....قلتوا شريطي ومصاص دماء وملعون الخير!!!.

اللي يقط خيطه ويقول كفالة أبل بالكويت (هاردوير و سوفتوير) مفعلة...كلام غير منطقي. ادخل موقع أبل وراسلهم أو اتصل عليهم بخصوص الكفالة بالكويت وشوف الرد الرسمي اللي يطيب الخاطر! حتى icity لا يمثل أبل بالكويت رسميا انما موزع لممثل أبل المعتمد للشرق الاوسط في مصر.......وكانت قبل بالسعودية.

اتفضل ادخل موقع أبل في هذا الرابط واختار دولة الكويت وشوف شصير:

http://www.apple.com/uk/buy/locator/



شريطية أو باعة متجولين سمها ما تسمي......بس احنا واقع ملموس وجزء من السوق ومنافسين أقوياء ومعززين لسوق التجزئة (الغير منظم اطلاقا) بالكويت. وقريبا باذنه تعالى راح يكون لنا موقعنا الخاص اللي نخدم فيه زباينا.

أخوي عسالله يوفقك ويبارلك أن شاء الله ولا يصير عندك شك أنه موجه كلامي بقصد التكسير بالبضاعة أو التجريح والله أنت وأخواني بالمنتدي نتمنالكم الخير وعسالله يرزقك ويرزقك أخوانك من أوسع أبوابه حنا نتكلم عن سعر الجهاز بشكل عام أتمني مايصير بخاطرك شيء

 

[G E E K]

اخوي Q8Reflex كلامك كله صحيح ولو يرجع فيني الزمن اخذ الايباد منك مو من الكتروزان لاني متاكد انه السلعه وحده والكفاله كلام فاضي
واحب اقول لخوي ابوبدر شكراعلى النصيحه بس موكل الناس تقدر تصبر اشهر علشان تستخدم اجهزه يديده بوقتها وعلشان جم دينار

اخوي يليت توفرون الايفون4 اول ماينزل وان شاء الله اني شراي اذا كان بسعر معقول