دورة المؤشرنت للتحليل الفني
50 دينار كويتي
يعني من الاخر اللي عنده كاش فقط يدخل والفرص امامه
وقت البكاء هو من يكتب سقط عن الحصان وصحيح سقط
وايضا من يقول سوف ارفع قضيه
ونقطه اخيره السوق دم
بافت قال ادخل وقت ما تبكي الناس واخرج وقت فرح الناس لوووول
يعني من الاخر اللي عنده كاش فقط يدخل والفرص امامه
وقت البكاء هو من يكتب سقط عن الحصان وصحيح سقط
وايضا من يقول سوف ارفع قضيه
ونقطه اخيره السوق دم
بافت قال ادخل وقت ما تبكي الناس واخرج وقت فرح الناس لوووول
الان وقت غضب ..وشرهه على الحكومه ..وانتقاد ..ولازال الكثير يتكلمون عن ارتداد ..
لم ياتى وقت البكاء ...والياس ..حتى الان ..والدليل ..بانه لازال هناك من يقول اشتر الاسهم رخيصه .
وقت الدخول هو ((عندما لاتجد اى شخص مهما كانت خبرته بالبورصه يتكلم عن ارتداد نهاااااائيا ))
هذا هو وقت البكاء
هذى وجهة نظرى ..وسامحنى اذا كانت غلط
لا ينصح بالدخول
انسوا السووق في الوقت الحالي لحد ما يبين الغث من السمين
سوقنا اليوم نزل بدون اخبار سلبيه واضحه ؟؟؟ باجر اذا طلع خبر سلبي شنو راح يصير ؟؟؟
يا اخوان الانتظار ثم الانتظار ثم الانتظار لم يحن وقت الدخول واللي بالبورصة مو مكيش الله يعينه على الخساير ويعوض عليه وكسر الدعم 6400 نقطة خروج اخيرة للي مو مكيش لانه اتوقع بعدها راح نشوف المؤشر عند قيعان قديمة حييييل واسعار لاتخطر على البال ولا على الخاطر ولحد يسمع اللي يقول اسعار الاسهم رخيصه وماشابه لانه بنشوفها ارخص من جذي بواجد بالمستقبل في ظل هالنزيف لذلك اللي برا السوق يتفرج الى حين الارتداد الحقيقي واللي بالسوق الله يعينه على الخسارة وعنده فرصه للخروج باقل الخساير في حال كسر المؤشر لنقطة الدعم الاخير 6400
تقبلوا تحياتي والله يوفق الجميع
جـــف الدمــع.. ماكو بكاء..
الحلال راح.. تبخــــر.. طـــار...
واعتقد النزول ما خلــص للحين.. يعني حتى اللي بيشتري اليوم.. بعد اسبوع بيطلع خسران 10% أو 5% من راس ماله!!
شنو تشتري؟ الحين ينصحون بأجليتي و زين..
أجيليتي سعرها حلو.. وعندها متانة وعوائد جيدة وقيمتها الدفترية أكثر من 900 فلس.. بس للحين ما شبعت من النزول.. يمكن رايحة 210 أو أقل مثل ما قال بعض المحللين.. ساعتها بموت قهر!
زين..؟ ما نأمن من حركات الخرافي.. يخفس في السهم وييخليك اتقطه بسعر التراب.. ويرجع يلمه ويرفعه ويخليك تشتريه وانت تبتسم! ومنو يضمن توزيعات مجزية بعد سنة؟ عندها ديون بالهبل.. وما راح تتكرر بيعه مثل بيعه افريقيا.. وانسى الخرافي يبيع زين الكويت..
وين تستثمر وتشتري؟
في البنوك..؟ تبي بيت التمويل اللي قاعد تلعب فيه الشائعات و ترقصه؟ وكلها بسبب عدم الشفافية عن استثماراتهم في اندونيسيا وبعض الدول وخسارتهم بسبب عجز كثير من الشركات عن سداد قروضها و دخولها في مشكلات مع شركات استثمارية عديدة خاصة بالسداد وعدم تنفيذ الاتفاقيات.. والوطني ما هو بأحسن حال من بيتك.. والخليج منتهى من زمان.. وبوبيان.. ما ندري شنو مستقبله..
وين تستثمر وتشتري؟
بقطاع العقار؟ .. هالقطاع متعثر ويبيله سنين يعدل من وضعه.. واعتقد ان بعض الشركات راح تنمحي من الوجود..لا قادرة تسدد ديونها ولا تكمل مشاريعها.. ومكانك راوح..
وين تستثمر وتشتري؟
بقطاع الاستثمار؟.. ساس البلاوي هو هالقطـاع.. لا شفافية ولا مصداقية.. أغلبها شركات ورقية تستثمر في الورق! والمشكلة ان تقييم الاصول متضخم جدا جدا.. والبركة في مكاتب التدقيق اللي متواطئة لأنها تسمح بتقييم الاصول بدون اتباع المعايير الدولية والمحلية.. وتمرر الميزانيات بحب الخشوم والاكراميات..
وين تستثمر وتشتري؟
بقطاع الغير كويتي؟ الافضل انه ينلغي.. لأنه فعلا غير كويتي.. اصدق مثال تمويل خليجي.. كذبة كبيرة صنعها الاعلام الفاسد.. والكبار اللي استفادوا تخارجوا من السهم.. مثل اللي يربح في القمار و ما يكمل.. يقولك خلاص انا تعبت من اللعب والتفكير والفهلوة.. أشوفكم بكره يا عصبة الندامة!! آل سهم شرعي آل.. ضحكني!!
اعتقد ان موجة النزول ما خلصت.. يمكن يكون في ارتداد بسيط بارتفاع بسيط.. بس راح يكمل المشوار بالنازل.. وذاك الوقت طب وتخير واشتر على هواك.. كل شي بمية فلس! والمبلغ اللي عندك اليوم تقدر تشتري فيه 10 آلاف سهم.. بعد ايام تقدر تشتري فيه 15 الف سهم..
خلوها على الله... ماكو أمل في هالسوق التعبان..
دورة المؤشرنت للتحليل الفني
50 دينار كويتي