الفزعه عندي مشكله بكهربا البيت

[مساهم11]

يا اخوان عندي مشكله بكهربة البيت
وما خليت كهربائي بالمنطقه ما جبته ولاحد عرف العله
المشكله يا طوال العمار هي كالتالي
التيار يزيد وينقص من خلال النظر للمبات تخف الاضاءه وتزيد والمكيفات
هم بعد يخف تكييفها لين تنطفي
وهالايام زايده قامت تطفي

حد فيكم مرت عليه هالمشكله ومن شنو بالضبط ظ

والف شكر لكم

 

[بو شيشه]

عندنا موظف كهربائي شاطر حيل
باجر ان شاء الله اسألك اياه

 

[saeed]

مرحبا

اعتقد الحمل مو مقسم عدل

يعنى الفازات 3 اللى عندك الحمر+الازرق+الاصفر احمالهم مومتساويه يحصل الضعف بالتيار

جرب تخفف الاستهلاك اذا تعدلت تاكد انه التوزيع عندك مومتساوى

ما ابي ادخلك بامور اكثر يكفى تخفف الاستهلاك مؤقت ساعتين بالكثير ويبين

 

[قلم حر]

اخوي حسب كلام الكهربائي اللي تعاملت معاه قالي
اذا زدت احمال كهربائيه اكثر من المخصص لك من الوزاره
تحصل عندك امور والامور هي نفس اللي انت ذكرتها​

 

[saeed]

الاخ قلم حر اذا زاد الحمل يحترق العداد او القاطع لانه مسموح او مصنوع انه يمر فيه تيار معين اذا زاد عنه احترق

 

[قلم حر]

الاخ قلم حر اذا زاد الحمل يحترق العداد او القاطع لانه مسموح او مصنوع انه يمر فيه تيار معين اذا زاد عنه احترق

افأ طلع الكهربائي اللي عندي دايخ

يمكن يقص علي ما يبيني ازيد اعمال كهربائيه عليه بعد ايصال التيار​

 

[مساهم11]

اشكركم اخواني
وما خاب من استشاركم
وانا اشك في الاحمال ولكن الكهربائيه الي جبتهم
الظاهر علي قولة اخوي قلم حر داخين حدهم

رغم اني سئلت جيراني عن الاحمال الكهربائيه
فقالوا لي نفس الي عندي 50 فيز
وهم يشغلون عليها 15 مكيف وانا ما عندي الا 8 مكيفات !!

الله المستعان

 

[فلان الكندري]

اخوي في جهاز منظم للتيار اتركبه وينضم لك هالشغله ( صارت معاي بالامارات والمكيفات اختربت ) لكن هالجهاز ان شاءالله يحل مشكلتك والله يعينك

 

[بو شيشه]

اخوي توني سائلك كهربائي شاطر
يقول
هذا عيب بالوايرات يا صندوق البيت الداخلي يا بصندوق التابع للوزاره
يقول ممكن تصيدها بالنظر...جيك عالوايرات يا مو مشدودين صح ومرخيين...او يكون واير او اكثر يكون متآكل او مضغوط ببرغي او مسمار ومأثر عليه
على كلامه يقول من 3 اشهر نفس المشكله صارت لواحد ببيته من الدوام ويوم راح يجيك طلع من صندوق الوزاره نفسه ...واير متآكل
واسف عالقصور

 

[العاشق]

اخوي هالمشكله موجوده عندنا في احد الاقسام بالدوام

سألت واحد من الربع مهندس قال الاحمال لازم تطلبون تقويه

واليوم جا كهربائي قالهم لا عندكم مشكله في وحده تكييف

طفاها ضبط المبنا كله وشوفهم دقو على صيانه التكييف ومادري عقبها شنو صار


تبيع بيتكم على خرابه

الله يكون بعونك الحين كلمن يألف عليك من هالعمال ​

 

[بو شيشه]

ياخوفي يطلعون نفس ربعنا مهملين ويلعبون بالعمل

7

7

7

 

[مساهم11]

اخوي توني سائلك كهربائي شاطر
يقول
هذا عيب بالوايرات يا صندوق البيت الداخلي يا بصندوق التابع للوزاره
يقول ممكن تصيدها بالنظر...جيك عالوايرات يا مو مشدودين صح ومرخيين...او يكون واير او اكثر يكون متآكل او مضغوط ببرغي او مسمار ومأثر عليه
على كلامه يقول من 3 اشهر نفس المشكله صارت لواحد ببيته من الدوام ويوم راح يجيك طلع من صندوق الوزاره نفسه ...واير متآكل
واسف عالقصور

اخوي هالكهربائي ممكن يجيني بالرقه
وياليت تعطيني رقمه
والف شكر لك

 

[Maxima]

مساهم11
جيك على الخاص

 

[kuwaitey]

ابو شيشه الله يرحم والديك

اذا كهربائيك شاطر ويعرف يمدد حق بيت جديد ياريت تدز لى رقمه فى الخاص ضرورى لو سمحت

تونى مشترى بيت وتمديد وايراته ناقصه ومتوهق مابى اجيب واحد غشيم يعفس لى التمديد