تبييض الاسنان

[aloood10]

السلام عليكم
ابي افتح موضوع عن تبييض الاسنان بالليزر واسمع آرائكم فيه لان صارلي فترة اسال عنه ومتردد ابي اشوف فيه عوارض جانبية على المدى البعيد وشنو احسن عيادة تسويه وفي انواع ولانوع واحد وشنوالاسعارالمناسبة يعني اكثرمن جانب ..
فاللي عنده فكرة ولامسويه من قبل يفيدنا
وحياكم الله

 

[maz149]

أذكر كان في موضوع في الاستراحه من شهر تقريبا

 

[aloood10]

وااله آن متابع صارلي فترة مامرعلي موضوع مثله .. يمكن

 

[ابو سالم1]

والله انا سئلت دكتور اسنان كويتي بالمستوصف عن تبيض الاسنان وقالى لاتفكر تسويهم لان بعد مدة يتغير لونهم ويصير نفس البقع وترد وتسوى تبيض مرة ثانية وتتؤذى منهم قالى كل العيادات يتاجرون فى هشى ونصحنى قالى خلك طبيعي وابتعد عن التبيض .

هذا ما حصل معي والدكتور كويتي .

اخوى الحين عيادات الاسنان بالمستوصف اكثرهم كويتيين ويقدمون لك افضل الخدماتت النصائح افضلك راجع المستوصف

 

[الصدق منجاة]

اخوي العود صباح الخير

تلقي بالجمعيات بجانب معجون الاسنان علبه مدوره بودره ماركة ايفا المصريه ب كذا نكهه

هذي تبيض الاسنان بس استعمالها مو يومي كل اسبوع او اسبوعين مره

وشكرا

 

[maz149]

وااله آن متابع صارلي فترة مامرعلي موضوع مثله .. يمكن

هذا اللي قصدته



http://www.indexsignal.com/vb/showthread.php?t=232226

 

[aloood10]

اخوي بوسالم صدقت في دكاترة شطار وينصحون ويفيدون الواحد شكلي بروح المستوصف اسوي تنظيف عادي واسالهم اكثر .. ماتقصر
اخوي الصدق منجاة صباح الورد اول مرة اسمع بالشغلة اللي تقول عنها بمرالجمعية اشوفها بس تقولي مصرية اكيد فيها شك
عساك عالقوة

 

[aloood10]

اخوي maz149 توني اشوف الموضوع بس جنه عن شي واحد والناس موعارفته ومستغربه منه .. يعطيك العافية

 

[ريّس نفسه]

جرب هالمعجون وعطنا رايك

تلقاه في الجمعيات وبالصيدليات

​

 

[aloood10]

والله دشيت مواقع وايد وقريت عن هالسالفة وجني هونت عن التبييض بالليزر اللي يقولك في خطورة بعدفترة واللي يقولك ياثرعاللثة واللي يقولك الاسنان ترجع تصوفرمرة ثانية وتصيرحساسة والشغلة تجارية بحتة وشكلي بجرب المعاجين والادوية الخفيفة والتنظيف العادي مال المستوصف
وآن اصلا اسناني مو وايد دايخة بس قلت مدام الشغلة متوفرة واسعارها مقبولة وتعطي منظر ليش لأ ...

 

[MH For Ever]

اخوي انا سويت تبييض بالليزر بمستشفى هادي وصراحه مو مثل ما توقعت اوكي الاسنان يتحسن لونها مو نفس ما يكون في مخك انه اللون رح يصير ابيض ناصع لا ابدا اللون يتحسن بس ما يصير ابيييييييييييييض

وبعد فتره مع شرب الشاي والقهوه والتدخين يرجع مثل ما كان

بصراحه ما انصحك لان السالفه قط فلوس على الفاضي

 

[aloood10]

اخو آسف عالتاخيرفي الرد
مثل ماقلتلكم قريت وترددت بس ان سمعت هالكلام من شخص مسويها وماينصح بس خلاص راح اهون صج واستعمل معجون ولابودرة من فترة لي فترة .. مثل مايقولون السالفة تجارية
تسلم عالمشاركة

 

[الهمس الخجول]

اخو آسف عالتاخيرفي الرد
مثل ماقلتلكم قريت وترددت بس ان سمعت هالكلام من شخص مسويها وماينصح بس خلاص راح اهون صج واستعمل معجون ولابودرة من فترة لي فترة .. مثل مايقولون السالفة تجارية
تسلم عالمشاركة

تبيض الاسنان يعتبر حل مؤقت لأنو بعد فتره ترجع الاسنان لنفس لونها الاول وكمان تصير كثير حساسه هالمعلومه حصلت عليها من احدى قريباتي

 

[فجر الكويت]

يعطــــــــــــــــــــيكم العافيه جميعا
وتقبلوا كامل مروري واحترامي

 

[aloood10]

حياج الله اختي فجرالكويت منورة ..
تشرفينا

 

[Duke wahid]

جرب هالمعجون وعطنا رايك

تلقاه في الجمعيات وبالصيدليات

مشاهدة المرفق 166108​

أستعمل هالمعجون مره كل أسبوعين لأنه قوي وأخاف ياكل المينا

مالت الأسنان معجون ألماني

لكن مايبيض الأسنان بس ينظفهم من بقع الشاي والقهوة والبيبسي ويمنع

تكون الجير

يعني كأنه يسوي صنفره بس يبقى السن نظيف وبلونه الطبيعي

هذه ليست دعوى للشراء ههههههههها ودي أقول هالجمله من زمان

 

[aloood10]

وااله دورته بجمعيتنا مالقيته انشاءالله بشوفه بجمعية ثانية باجر
عاد آن لما اقول باجر يعني الصيف الياي تدرون كويتيين عندنا اليوم بسنة ؟؟!!
بس اخوي شالفايدة مايبيض ..
والله السنة اللي طافت نصحني دكتوربالمستوصف على لزقات نايلون وشريتهم من مركزسلطان انفعو معاي وحسيت ان اللون تغير بس دوخة راس كل يوم احطهم مرتين صبح وليل نص ساعة لمدة اسبوعين ..

 

[نواره1]

ولد عمي دكتور أسنان .. سألته بيوم عن التبيض ... والله حذرني منه .. وقالي لا تفكرين دام أسنانج مو مصبوقه باللون ...

و عرفت منه إنه القشره مالها أضرار واجد ... و تقعد أكثر من ثلاث سنوات .. بس اشوي غاليه ... لكنها تسوى ...

و عندي رفيجاتي مسوين تبيض ... الصراحه حيل حلو بس خمس ست شهور يرجع مره ثانيه ... يعني وناسه كم شهر بس ترجع بأضرار ثانيه ..

 

[away1979]

خلك طبيعي احسن

والأهم غير معجونك باستمرار مثلي كل ماروح الجمعية اشكل فيهم ​

 

[الموحد1]

ولد عمي دكتور أسنان .. سألته بيوم عن التبيض ... والله حذرني منه .. وقالي لا تفكرين دام أسنانج مو مصبوقه باللون ...

و عرفت منه إنه القشره مالها أضرار واجد ... و تقعد أكثر من ثلاث سنوات .. بس اشوي غاليه ... لكنها تسوى ...

و عندي رفيجاتي مسوين تبيض ... الصراحه حيل حلو بس خمس ست شهور يرجع مره ثانيه ... يعني وناسه كم شهر بس ترجع بأضرار ثانيه ..

ممكن فكره عن القشره وبكم تقريبا ووين يسوونهاوشكرا