متابعة تداولات يوم الاربعاء الموافق 16\ 6 \ 2010

[معلم اسهم]

كلامي اللي قبل شوي قلته هو نفسه اللي قاعد يصير اليوم وامس

وصدقوني الدخول معاهم خطير خصوصا بعد ما يبدون يرفعونه وبطريقة سريعه يطق 3 طقات فوق فا يصير دخولك خطر وهم نفسهم ينزلونه عشان تنجبر تبيع وترد الاسهم لهم مره ثانيه ويكونون اهم مستفيدين الفرق بالقيمه اللي باعوها عليك وردو اشتروها من تحت طبعا ما يشترون منك انت لا طبعا انت تكون شاري وتبي ربح تعرض فوق وهم يعرضون تحت واذا بقو ينزلون السهم قطو الاسهم علي الطلب اللي هم حاطينه تحت وينهار السهم تحت ويشترونه منك من تحت وشوفو بعينكم السهم شلون بدت صعدته وشلون انتهت

والله كلامك حكيم
فعلا هذا الى قاعد يحصل

 

[معلم اسهم]

وينكم ماكوووووووووووو احد

 

[معلم اسهم]

السوق السعودى مرتفع 60 نقطه

 

[معلم اسهم]

اتوقع راح يعدل السوق

 

[ADEL ALAZMI]

موجدين يامعلم الجو تعبان والسوق احمر مالوم الشباب ساكتين

والناس ودها تسافر بس متعلقه ,,,,

 

[ابو.يوسف]

معلم اسهم انا شخصيا دخلت معاهم مع الصعود ولكن بعد بنفس القيمه لان حركاتهم تقريبا واضحه للي يراقب تحركات السهم اثناء المضاربه السريعه وبعت اللي شريته ومن بعدي مباشره بثواني انهار تحت

حتى مبين من الطلابات والعروض بداية الامر الطلب والعرض تقريبا شبه متساوين او العرض اكثر شوي ولكن بعد ما يصير الارتفاع والناس تشتري ويصير لعب بالسهم صعود ونزل وصعود ونزول

شووووووووف عدد الاشخاص الطالبه تحصل تفس رقم الطلبات اللي كانت من اول السوف وان زادت تزيد شي بسيط هذا معناته دخول بعض الاشخاص صغار المستثمرين معاهم بالطلب ولكن شوف عدد الاشخاص اللي عارضه تحصله زاد العدد فيه الدبل او اكثر من عدد طلبات اللي كانت قبل لا يبدا اللعب بالسهم
لو كان امر طبيعي كان تحصل عدد الاشخاص الطالبه اقل من عدد العارضه شي بسيط بسبب ظروف السوق وقلة السوله فيه
ولكن الحقيقه بالامر
وهم نفس عدد طلباتهم وهذا يدل علي ان عدد المحافظ اللي يشتري وبيع فيها محدوده علي سبيل المثال 10 محافظ ( 10 احسابات )

 

[آي فون]

شباب المؤشر خربان ليش معلق

 

[معلم اسهم]

الظاهر مالك الى هيفا

لاحد يفهمنى غلط
اقصد تدريب سويدى تطلع بالتلفزيون

 

[معلم اسهم]

اى والله انك صاج يابو يوسف
شوف الديره كانت مطلوبه على 59
2مليون وفجاه طارت مطلوبه على 54
200 الف
والله شى غريب وسوق تعباااااااااااان حيل
الظاهر ابطلع بخساره
واشتغل بالتجاره وروح لديرتى المفضله
كوانزووووووووووووووووووووووووووو

 

[بو بندر 2000]

راح يخوضر السوق غصب عنهم لان اسواق العالم كلها خضرا الا سوقنا سوق الجمبازية

 

[معلم اسهم]

راح يخوضر السوق غصب عنهم لان اسواق العالم كلها خضرا الا سوقنا سوق الجمبازية

خلها على الله سوق تعباااااااااااااان

 

[ابو.يوسف]

معلم اسهم !!!!!!!!!!!!!!!!!!

ابي اقولك مقارنه بين شخصين وهم مقربين لي

واحد من سنة 92 يضارب ويستثمر بالبورصه ويكتتب بالشركات الي الان

والثاني اشتغل بالسيارات وبعض الامور الخارجية محل يضمنه وشي من هالكلام

بعد مرور 13 سنه

اللي يشتغل بالبورصه كل اللي يملكه حاليا 15000 وهو اشتغل 13 سنه فيها كل يوم يضارب فلوس داشه وفلوس طالعه وربح وخساره

اما الثاني صاحب السيارات كبرت تجارته والله وفقه شي جر شي سيارات محلات مطاعم قسائم عمارات

بنهاية الامر هذاك الاول 15000 الحين يملك والثاني يملك 5000000

فا الواحد اذا حصل له شغله لو ربحها بسيط مدخول شهري بسيط افضل من مدخول قوي بالبورصه

 

[الهدهود]

سوقنا في مرض خطير

كل اسواق العالم صاعده الا حنا نزول

مايصير سوق ما يعرف غير اللون الاحمر وان صار اخضر اخضر خفيف جدا

 

[ابو هاجر**]

للمغامرين
مجموعة السلام اتوقع مناسب للشراء بالأدنى ( مع تفعيل وقف خسارة فى حال كسر 92 بالغد)
شوف الشارت

 

[ابو.يوسف]

تدرون المفروض شنو نسوي المفروض نطلع من البورصه الكويتية ونروح نفتح حسابات ببورصات خليجية زينه مثلا السعودي وعن طريق النت يصير التداول وتتحول المبالف الي حسابك بالكويت اذا تبي تطلع واعتقد في شركة بالكويت توفر لك الخدمه هذي كلها

 

[معلم اسهم]

معلم اسهم !!!!!!!!!!!!!!!!!!

ابي اقولك مقارنه بين شخصين وهم مقربين لي

واحد من سنة 92 يضارب ويستثمر بالبورصه ويكتتب بالشركات الي الان

والثاني اشتغل بالسيارات وبعض الامور الخارجية محل يضمنه وشي من هالكلام

بعد مرور 13 سنه

اللي يشتغل بالبورصه كل اللي يملكه حاليا 15000 وهو اشتغل 13 سنه فيها كل يوم يضارب فلوس داشه وفلوس طالعه وربح وخساره

اما الثاني صاحب السيارات كبرت تجارته والله وفقه شي جر شي سيارات محلات مطاعم قسائم عمارات

بنهاية الامر هذاك الاول 15000 الحين يملك والثاني يملك 5000000

فا الواحد اذا حصل له شغله لو ربحها بسيط مدخول شهري بسيط افضل من مدخول قوي بالبورصه

فعلا الرسول صلى الله عليه وسلم
يقول اتساع الرزق من التجاره
يعنى 90 بالميه الرزق من التجاره
فانا اؤيدك بخصوص البورصه اذا ماتعرف تاجر يقولك ادخل وطلع يعنى توصيات افضل من التحليل الفنى مليون مره طبعا كلامى ينطبق على السوق الكويتى اما السوق الامريكى يمشى معاه التحليل الفنى بنسبه كبيره عكس الكويتى

 

[ابو.يوسف]

للامانه بقولك شي اخي الفاضل كلام حلو


وانا بنفسي قبل فترة قالولي مضاربين كبار بالسوق اشتر السلام 92 قبل ورد صحح وقالولي بيعه بعد ما وقفت عن التداول وردت للسوق ورقعوها اول يوم وثاني يوم قالولي صرف والتصريف كان علي رقم 130 تقريبا قبل شهر حصل التصريف او اقل ,,, ولكن انت شوف منو اللي شرا علي رقم 92 وشوف الكميات كلها صغار المستثمرين فا مو معقوله اهم مايشترون علي الرقم ويردون يرفعونه بعد يوم او يومين واسهم مثل هذي تروح للأدنا بكل سهوله انا برايي نقطة الدخول مو الحين

فا الحين رد علي نفس الرقم ولكن ما عندي ادنا فكره عن السهم حاليا

 

[بو بندر 2000]

يالربع انا لاحضت شئ فى هالبلد ما ادرى اذا تؤيدونى التجار دورهم استفحل وصاروا يبون يكوشون على كل شئ ما كفاهم المناقصات اللى عيني عينك وما ينفذون وما كفتهم البورصة وبوق فلوس المساكين وما كفاهم القسائم الصناعية وتلويث اجواء الكويت والحين يبون يكوشون على الرياضة بعد اقول ما تبون تحكمون بعد !!!

 

[معلم اسهم]

للامانه بقولك شي اخي الفاضل كلام حلو

وانا بنفسي قبل فترة قالولي مضاربين كبار بالسوق اشتر السلام 92 قبل ورد صحح وقالولي بيعه بعد ما وقفت عن التداول وردت للسوق ورقعوها اول يوم وثاني يوم قالولي صرف والتصريف كان علي رقم 130 تقريبا قبل شهر حصل التصريف او اقل

فا الحين رد علي نفس الرقم ولكن ما عندي ادنا فكره عن السهم حاليا

والله العظيم جتنى توصيه على السلام يوم كان سعره 90 والبيع لغايه 120
قلت خلنى اضارب افضل من امسك السهم
صاحبى الله يرزقه مسك التوصيه وربح
وانا قعت اضارب ليما خسرت
السوق الكويتى توصياااااااات فقط
من خلال خبرتنى المتواضعه فى السوق

 

[كوهجي]

تدرون المفروض شنو نسوي المفروض نطلع من البورصه الكويتية ونروح نفتح حسابات ببورصات خليجية زينه مثلا السعودي وعن طريق النت يصير التداول وتتحول المبالف الي حسابك بالكويت اذا تبي تطلع واعتقد في شركة بالكويت توفر لك الخدمه هذي كلها

يبيله بو يوسف

بس خل نطلع راس المال أول