احجز قسيمتك في سعد العبدالله

[قطار الشرقي]

توجد قسيمة في سعد العبدالله للبيع
القسيمة تحت البناء الآن وتحتاج إلى5شهور لتسليم المفتاح
الموقع شارع واحد(سد)
البناء 3 أدوار ( نظام إيجارات) بإمكان المشتري التغيير في الدورين الأول والثاني
الدور الأرضي : بيت مفتوح
الدورين الأول والثاني: كل دور شقتين:3غرف منهم منهم ماستر+صالة+مطبخ+حمام.

البيت تكييف مركزي عقد مع الغانم.
يوجد مصعد راقي.
التشطيب ديلوكس ( خاضع لتغيير المالك الجديد)
الميزة: مادام البيت تحت البناء فبإمكان المالك الجديد التغيير فيه إلى مايشاء من تقسيمات ومن ألوان صبغ وأبواب...الخ
التلبيس الخارجي (سيجما)

البيع كاش بسعر السوق الحالي(وهذه ميزة) لأن العقار في ازدياد ، يعني بعد5شهور قد يكون السعر أكثر ب10أو15 ألف دينار من الأسعار الحالية.

للتواصل عبر التلفون.

66789678 بوضاري

 

[SA7AB]

مرحبا اخوي جم سعرك

 

[fahad_alsalman]

جم طالب فيه يا غالي


او كم وصل السوم

 

[كويتي0]

عليكم اعلانات عجيبه غريبه يا اصحاب مكاتب العقار

احجز قسيمتك بسعد العبد الله. !!!!

انا عبالي وزير الاسكان اللي كاتب الموضوع تصدق

 

[سهم استراتيجى]

عليكم اعلانات عجيبه غريبه يا اصحاب مكاتب العقار

احجز قسيمتك بسعد العبد الله. !!!!

انا عبالي وزير الاسكان اللي كاتب الموضوع تصدق

كويتي ...

اذا تستمر جذي ترى يتصلون عليك يهددونك بالويل والثبور وعظائم الامور ...

يابو ضاري الله يهداك مايصير البدل الا بعد توصيل الكهربا هذا كلام الاسكان

 

[يوسفاني]

أخوي ياريت توضحلي و أنا جاد أشلون طريقة التسجيل و تحويل الوثيقة و القسيمه الى الآن على الأسود

 

[صقر3]

عليكم اعلانات عجيبه غريبه يا اصحاب مكاتب العقار

احجز قسيمتك بسعد العبد الله. !!!!

انا عبالي وزير الاسكان اللي كاتب الموضوع تصدق

ههههههههههه كلامك عدل ويقول وزير الاسكان راح تزيد سعرها 10 الف او 15 الف بعد خمس شهور كلام عجيب وغريب اقول الله يرزقك بس مو هذي طريقه يكتب فيها الموضوع عبالك ناس ماتفهم يا بو المفهوميه

 

[قطار الشرقي]

مشكورين كلكم على المرور والتعليق
وأنا أوضح : أنا صاحب القسيمة مو قسيمة زبون عندي ، واللي قصدته بكلامي انه فيه فرق بين انك تشتري قسيمة جاهزة وقسيمة انت تقدر تغيير فيها أثناء البناء وتختار كل شي من ألوان صبغ وتلبيس خارجي وأرضيات وبرسلان وسيراميك وأبواب ودرايش.
بعدين بالنسبة لغلاء البيوت اللي راح يصير بالفترة القادمة ، قبل لاتتطنز علي بإمكانك تسأل أهل العقار ، قولهم فيه واحد يقول ان القستيم بترتفع منيه لراس السنة تقريبا10-15 ألف دينار ، هل تتوقعون الزيادة؟ وإلا النزول؟ والا ثبات الأسعار؟ بعدين تعال وتطنز على راحتك.
وعموما انت محلل دنيا وآخرة.
بعدين طريقةالبيع كالآتي :
نوقع عقد مصدق رسميا بعملية البيع والسعر ، ونذكر فيه ان الشرط تسليم البيت على المفتاح مع ذكر البنود: الأرضيات-التلبيس الخارجي-التكييف المركزي-المصعد-الشبابيك-الأبواب-السخان المركزي-...الخ
ويذكر في العقد ان من حق المشتري ان يغير مايراه مناسبا في تصميم أو تشطيب البيت ، على أن يتحمل هو فارق السعر(إن وجد) للمقاول المشرف على بناء البيت حاليا.
يدفع المشتري عربون.
يوقع المشتري والبائع على شرط جزائي في حال أخل أي من الطرفين بإتمام عملية البيع والتحويل وتذكر فيها الفترة، على ألا يقل الشرط الجزائي عن 15000 دينار على الطرفين بالإضافة إلى قيمة العربون.
ملاحظة: العقد بيني وبين المقاول ينص على أن آخر موعد لاستلامي البيت على المفتاح وجاهز للسكن هو2010/12/31 وعليه شرط جزائي إن تأخر كل يوم 50 دينار.
وهو وعدني انه يسلمني البيت قبل الموعد بشهر.
وأي أمور أخرى يراها المشتري كضمان ، لامانع عندي.

والله الموفق.

 

[SA7AB]

اخوي جم سعرك للمره الثانيه

 

[كويتي0]

كويتي ...

اذا تستمر جذي ترى يتصلون عليك يهددونك بالويل والثبور وعظائم الامور ...

يابو ضاري الله يهداك مايصير البدل الا بعد توصيل الكهربا هذا كلام الاسكان

اخوي سهم حبيب قلبي يابو عظائم الامور

يتصلون فيني ياهلا فيهم تدري ليش وانا اخوك لاني ماقلت شيء غلط

ان كان همي المواطن والمصلحه العامه ... يزعل اللي يزعل ماهمني // !!!
حبيب قلبي متعود اتكلم بصوت عالي وانا مبتسم ان صار اللي اقوله مو غلط



الله يسعد قلبك يا استراتيجي

 

[كويتي0]

ههههههههههه كلامك عدل ويقول وزير الاسكان راح تزيد سعرها 10 الف او 15 الف بعد خمس شهور كلام عجيب وغريب اقول الله يرزقك بس مو هذي طريقه يكتب فيها الموضوع عبالك ناس ماتفهم يا بو المفهوميه

هههههههههههههههههههههههههههه شفت شلون والمشكله يزعلون من كلامي يبوني اطبل لهم على حساب المواطن اللي على حد حاله


اقول يستريحووووون / بس

 

[قطار الشرقي]

اخوي سحاب : أنا راح أبيع إن شاء الله لأعلى سعر

السوم لحد الآن من عضو بالمنتدى ب150،000

نشوف السوم وين يوصلنا والله الموفق،،،

طبعا البيع كاش ، وليس تبديل بطلب.

 

[متوازن]

كـــــــــــــــــلام فـــــــــــــــاضـــي

لايــــوجـــد مـــضــــمــــون للـــعــــقـــل والـــمـــنــطـــق .. !!

 

[قطار الشرقي]

اخوي متوازن : شالمضمون اللي تطلبه؟

 

[الوافي111]

لدي طلب سنه 99

السلام عليكم
اذا تبدل مع طلب سنة 99 وادفع لك الفرق 99506618 ابو احمد

 

[قطار الشرقي]

لا والله ياخوي الوافي مالي رغبة بالتبديل بطلب

البيع كاش لأني ناوي بإذن الله اشتري ارض وابني عليها.