هل من حق الشركات طلب الكشوف اليومية للتداول؟

[Water]

هل من حق الشركات طلب الكشوف اليومية للتداول يوميا من البورصة بالاسماء ؟

ارجوا المشاركة لمن لديه معلومة مؤكدة

والسلام عليكم ورحمة الله

 

[Water]

محد عنده اجابة
مهم مهم لمعرفة كشف اسماءنا عند صناع السوق

 

[Packard Bell]

محد عنده اجابة
مهم مهم لمعرفة كشف اسماءنا عند صناع السوق

نعم يحق لها وتدفع رسوم وقدرها 10 دنانير مقابل هذه الخدمة و الكشف المقدم يشمل اليوم السابق للتداول​

 

[fsg70]

من باب تجربه كنت أراجع شركة الابراج بعد عملية نصب صغيرونه تمت معي وأثناء المراجعه عند مدير الاستثمار هو شخص أردني بعد كم مراجعه كنت أسال عن أحوال الشركه والله يا أخوان كان يقرأ ورقه أمامه ويعد الملاك ونسبهم حتي الي تحت 5%
أمحق أمانه وأمحق مؤتمن​

 

[R-W-H]

من وجهة نظري اعتقد من حقهم اما الصناديق والمحافظ المفروض مو من حقهم وهذي وجهة نظري

 

[Water]

نعم يحق لها وتدفع رسوم وقدرها 10 دنانير مقابل هذه الخدمة و الكشف المقدم يشمل اليوم السابق للتداول​

مشكور اخوي على الرد
يعني بعشر دنانير يعرفون من يدخل على السهم ومن يخرج ... وين سرية التداول ... يعني لما نشتري راح يضغطون على السهم لما نطلع

من باب تجربه كنت أراجع شركة الابراج بعد عملية نصب صغيرونه تمت معي وأثناء المراجعه عند مدير الاستثمار هو شخص أردني بعد كم مراجعه كنت أسال عن أحوال الشركه والله يا أخوان كان يقرأ ورقه أمامه ويعد الملاك ونسبهم حتي الي تحت 5%
أمحق أمانه وأمحق مؤتمن​

شفت يا خوي
انا كنت اتداول في بعض اسواق الخليج الاسماء غير موجودة حتى عند تداولك يكون فقط ارقام ... حتى عند الوسيط انت مجرد رقم
الله يعينا على الشركات قليلة التداول
ومشكور اخوي

 

[Water]

من وجهة نظري اعتقد من حقهم اما الصناديق والمحافظ المفروض مو من حقهم وهذي وجهة نظري

الله يعطيك العافية اخوي

المحافظ والصناديق = الشركات

 

[Cozmo]

من حق الشركه انها تعرف منو الي قاعد يشتري ومنو يبيع
ومثل ما قالوا الاخوان الكشف يطلع في يوم العمل الي بعده
واتوقع انهم يسوون هالحركه خوفا انه احد يكون يجمع كميه كبيره للتأثير على السهم او الدخول في مجلس الادارة او من هذا الكلام

 

[Water]

يعني احنا راح نكون مكشوفين عند شراء الشركات قليلة التداول ... ا راح ينزلون السهم حتى نخرج

والله مهزلة

لهذا السبب لما نشترى ما يرتفع السهم ... حتى لما يرتفع السوق

 

[Water]

من حق الشركه انها تعرف منو الي قاعد يشتري ومنو يبيع
ومثل ما قالوا الاخوان الكشف يطلع في يوم العمل الي بعده
واتوقع انهم يسوون هالحركه خوفا انه احد يكون يجمع كميه كبيره للتأثير على السهم او الدخول في مجلس الادارة او من هذا الكلام

مشكور اخوي
بس هل صانع السوق يعرف بالاسماء ؟

 

[makaveli]

شي طبيعي انه الشركة تعرف منو مساهمينها

 

[Water]

شي طبيعي انه الشركة تعرف منو مساهمينها

وخاصة اذا كانت شركات تتلاعب بالاسهم مثل جروب المدينة او البحر .... كلش ما يعرف صانع السوق ... مسكين

 

[Cozmo]

ما اعتقد بيحفظ الاسماء
لاني اطلعت على كشوفات مثل الي تقولها
فالي يشتري امس ويشتري اليوم وما يبيع
ما تبين نسبته كامله في الشركه
فاتوقع انهم يسوون في الشركه جداول على الاكسل ويعرفون كل واحد زاد نسبته اشكثر او قلت

 

[Winchester SX3]

تطلب سجل مساهمينها وتشوف التغيرات الي حصلت فيه
وتعرف منو دش وبأي سعر

سهله ليش مسوينها قصه وكشوفات تداول وحالتكم حاله!

مو اذا صارت جمعيه عموميه يطرشون لكم الدعوات مع شهادة الأسهم؟
شدراهم؟
من سجل المساهمين وهم لهم الحق بالإطلاع عليه

وصلت الفكره ؟

 

[Water]

ما اعتقد بيحفظ الاسماء
لاني اطلعت على كشوفات مثل الي تقولها
فالي يشتري امس ويشتري اليوم وما يبيع
ما تبين نسبته كامله في الشركه
فاتوقع انهم يسوون في الشركه جداول على الاكسل ويعرفون كل واحد زاد نسبته اشكثر او قلت

مشكور اخوي على التوضيح ...
يعني سوقنا خريطي

والله كنت اتداول في السعودية وعمان وقطر ودبي ... تعتبر الاسماء سرية وتستبدل بارقام لا يعرفها حتى الشركة ... ما عدا الملاك الكبار ....
الظاهر راح نرجع للاسواق النظيفة احسن

 

[Cozmo]

وخاصة اذا كانت شركات تتلاعب بالاسهم مثل جروب المدينة او البحر .... كلش ما يعرف صانع السوق ... مسكين

عااااااااااااد البحر بالذاااااات اسألني عنه ::verymad::
يحب يحكر الناس على سعر مرتفع ويخليهم يبيعون بالنازل

 

[Water]

تطلب سجل مساهمينها وتشوف التغيرات الي حصلت فيه
وتعرف منو دش وبأي سعر

سهله ليش مسوينها قصه وكشوفات تداول وحالتكم حاله!

مو اذا صارت جمعيه عموميه يطرشون لكم الدعوات مع شهادة الأسهم؟
شدراهم؟
من سجل المساهمين وهم لهم الحق بالإطلاع عليه

وصلت الفكره ؟

سلم اخوي

بس المفروض ان الاسماء ترسل قبل الجمعية العمومية ... مو بعد كل يوم تداول
سوق مهزلة والله يعين صغار المتدوين

 

[Cozmo]

مشكور اخوي على التوضيح ...
يعني سوقنا خريطي

والله كنت اتداول في السعودية وعمان وقطر ودبي ... تعتبر الاسماء سرية وتستبدل بارقام لا يعرفها حتى الشركة ... ما عدا الملاك الكبار ....
الظاهر راح نرجع للاسواق النظيفة احسن

لانه هواميرهم ما يحبون يفضحون روحهم وشغلهم خشاشي مو مثلنا
وعلشان جذي البعض قام يفتح له شركات علشان يشتري ويبيع فيهم اسهم ترى

 

[Winchester SX3]

سلم اخوي

بس المفروض ان الاسماء ترسل قبل الجمعية العمومية ... مو بعد كل يوم تداول
سوق مهزلة والله يعين صغار المتدوين

مو الا كل يوم،، يمكن اسبوعي او شهري

احنا شدرانا بنسب تغيرات الشركات الاسبوعيه؟
ومنو طلع ومنو دش؟

ما سألت نفسك هالسؤال؟
لازم تفصح الشركات بكل ملكيه فوق الــ 5%
يعني طبيعي تعرف الباجي

 

[Water]

عااااااااااااد البحر بالذاااااات اسألني عنه ::verymad::
يحب يحكر الناس على سعر مرتفع ويخليهم يبيعون بالنازل

نعم صحيح اخوي
اعتقد هذا يحصل في كل الشركات
والله مساكين صغار المتداولين

سبحان الله

ليش كل يعطونهم الكشوف بعد كل يوم تداول ليش ما يكون قبل الجمعية العمومية
والله حسافة على العباقرة المنظرين في الكويت