حادثه غريبه بالسفاره الامريكيه - ارجو المساعده و النصيحه

الموضوع في 'إستراحة المنتدى' بواسطة الباحث الشرعي, بتاريخ ‏17 يونيو 2010.

  1. الباحث الشرعي

    الباحث الشرعي عضو جديد

    التسجيل:
    ‏23 مارس 2010
    المشاركات:
    210
    عدد الإعجابات:
    0
    حادثه غريبه بالسفاره الامريكيه - ارجو المساعده و النصيحه

    لدي جواز امريكي و منتهي الصلاحيه منذ شهرين و لم اعلم بهذا الا بعد ان ابلغني مكتب السفريات بهذا كون انني كنت ساذهب الى الولايات المتحده في مهمه رسميه
    فتوجهت الى السفاره الامريكيه من اجل تجديد الجواز علما ان الجواز اصدر لي قبل 10 سنوات و الجهه التي اصدرته هي السفاره بالكويت بعد تجديده
    فقمت بتعبئه الطلب و دفع الرسوم بالاضافه الى صوره حديثه
    بعد ذلك قالتلي الموظفه: هل الصوره التي بالجواز انت؟
    قتلها: اي نعم
    قالت: بس في اختلاف كبير بينك انت الان و الصوره اللي بالجواز القديم!
    فطلبت مني البطاقه المدنيه و رخضه القياده و بطاقه العمل و ذلك للتاكد من شخصيتي فاعطيتها كل البطايق
    بعد ذلك قالتلي استريح و راح اناديك بالمايكررفون
    و قعدت يا جماعه انطر 3 ساعات متواصله الى ان كلمتها مره ثانيه لكن للاسف ما كان حتى ردها واضح
    بعدين نادتني و قالتلي راح نتصل عليك بعد 10 ايام عمل
    فرحت البيت كلي شك بالموضوع و قلبي مو مرتاح
    فنطرت 3 اسابيع دون رد منهم
    بعد ذلك بكم يوم جاني اتصال من السفاره و قالي
    الموظف: ان طلبك موقوف
    فقتله: ليش؟
    قالي: نبي منك مجموعه من الصور الطبيعيه على مدى 10 سنوات الماضيه و التي تثبت مراحل تطور نموك!
    فقتله: اصور شخصيه يعني؟
    قالي: لا, نبي اصور و انت مع اهلك و ربعك مثلا و تكون في مكان عام في مرحل عمريه مختلفه!
    فذهب الى السفاره بنفس اليوم بعد ان جمعت مجموعه من الصور من سفرات و رحلات و عروس...
    و قدمتها لهم بعد تصوريها بالالوان
    فسألت الموظف متى يخلص الجواز لان وراي سفره و التزام
    فقال بنفسيه: ما ادري هذا قرار بيد القنصل!!!


    سؤال: ما الحل معاهم؟
    علما باني صارلي اكثر من شهر ادزلهم ايميلات و اتصل لكن ما يردون علي..
     
  2. سرور

    سرور عضو نشط

    التسجيل:
    ‏11 أغسطس 2009
    المشاركات:
    6,206
    عدد الإعجابات:
    4,365
    حضرتك مزدوج
     
  3. shamakmak

    shamakmak عضو نشط

    التسجيل:
    ‏21 يوليو 2008
    المشاركات:
    238
    عدد الإعجابات:
    0
    وين جويهل جهلان جاهل ابو جهل عنك
     
  4. حسن بن علي

    حسن بن علي عضو جديد

    التسجيل:
    ‏9 سبتمبر 2009
    المشاركات:
    57
    عدد الإعجابات:
    0
    مكان الإقامة:
    ديرة الـعـز الكـويـــت
    وجنت على نفسها براقش والي يقول وين ابو جهل عنه يا معود واحد منهم عيال اخوه يحملون الجنسية الامريكية طيح الله حظهم كلهم
     
  5. أبو عمر

    أبو عمر عضو مميز

    التسجيل:
    ‏2 يوليو 2007
    المشاركات:
    6,711
    عدد الإعجابات:
    5,496
    يا جماعه شفيكم على الرجال ،، يمكن مواليد امريكا فالجواز يعطى لك اجباري وقانوننا ما يمنع الازدواج هني !
    ترى المعازيب كلهم عندهم جوازات امريكية وكندية وغيرها وغيرها :rolleyes: !

    اخوى
    دز ايميل حق البيت الابيض ،، واعنى اوباما بصفه شخصية ،، واشرح لهم مشكلتك ،، ما حد يقدر يعاملك جذى وانت أمريكي ،، شنو انت بايق الجواز ؟!
     
  6. مشعل المحامي

    مشعل المحامي عضو جديد

    التسجيل:
    ‏3 ابريل 2010
    المشاركات:
    366
    عدد الإعجابات:
    0
    مكان الإقامة:
    بيت المشورة-ش البلاجات- مقابل شوبيز -مدني وتجاري
    مالك الا انك تخاطب السفيره بكل الوضع اللي صارلك سواء بكتاب او مقابله شخصيه

    واذا تحتاج اي شي قانوني كلمني على الخاص
     
  7. NEW حاكم السوق

    NEW حاكم السوق عضو جديد

    التسجيل:
    ‏11 فبراير 2010
    المشاركات:
    1,455
    عدد الإعجابات:
    0
    ليش دخلتو عرض بالريال ... مزدوج وغيره !!؟؟ يمكن من إخوانا المسلمين والعرب اللي ظلمهم الوقت وطلع كندي على أمريكي على قمري (جزر القمر) مضروب!! وبعدين وإذا كان كويتي ومولود بأمريكا !!؟؟؟ ممكن يكون عنده إقامه دائمه وجواز أمريكي ومو إلا الجنسيه ألأمريكيه!!!؟؟

    إلا بتسوون الريال .... مزدوج يعني!؟
     
  8. NEW حاكم السوق

    NEW حاكم السوق عضو جديد

    التسجيل:
    ‏11 فبراير 2010
    المشاركات:
    1,455
    عدد الإعجابات:
    0
    عدل يالتلميذ عطهم من رأيك يالبروفيسووووووووور :) قايلك من قبل !!! ... وبارك الله قيك مشعل يالمحامي ... شوف وساعد أخوك الباحث الشرعي جعلها الله فميزان حسناتك
     
  9. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,212
    عدد الإعجابات:
    5,970
    مكان الإقامة:
    الكويت
    السلام عليكم ورحمة الله وبركاته

    هذه السفارة الامريكية من بعد احداث سبتمبر وهم بنفس التشدد

    موقف مشابه حصل لي لكني مو مزدوج :p

    بخصوص تجديد الفيزا ( والله كويتي مو سيلاني ) :D:mad:

    نفس المماطله ونفس التعطيل

    وخذوا مني بصمات ودزوها امريكا على حسابي :mad:

    غير بصمة الابهام الالكترونية :confused:

    الحل

    تشوف لك واسطه من الاعضاء واغلبهم على علاقة بمستشار السفاره

    الامريكية إسمه خليل ابراهيم

    رجل متفهم ويكفي انه عربي

    بالتوفيق
     
  10. مشعل المحامي

    مشعل المحامي عضو جديد

    التسجيل:
    ‏3 ابريل 2010
    المشاركات:
    366
    عدد الإعجابات:
    0
    مكان الإقامة:
    بيت المشورة-ش البلاجات- مقابل شوبيز -مدني وتجاري
    على راسي يااخوي ياحاكم السوق انشاءالله نتضافر وانحل مشاكل النس مو نقعد اعلق على وضعهم

    واللي عنده حل او عنده راي يمكن يساعده يكتب غير جذي ماعتقد لا داعي الواحد يكتب كلام ممكن يجرح صاحب المشكله وهو مو ناقص

    ولا اشرايك يا خوي حاكم السوق
     
  11. أبو عمر

    أبو عمر عضو مميز

    التسجيل:
    ‏2 يوليو 2007
    المشاركات:
    6,711
    عدد الإعجابات:
    5,496
    والله انت البروفيسور يا حاكم السوق ;)
    ترى اقرى كل كتاباتك ،، تعجبنى ! :)

    تصدق لى بنت انولدت فى أمريكا ،، قالوا لى لازم تطلع لها جواز أمريكى قانونا .
    رحت البريد ،، شوف ،، البرييييييييييييد ،، وقدمت طلب ،، ولأنى برد الكويت قلت مستعجل قالوا ادفع 40 دولار زيادة يصير المجموع 70 لاستخراج الجواز ،، بعد 3 أيام وكان يوم السبت ، يوم عطله يعنى ، والا واحد يطق على بابى fedex ويقول تفضل !
    يوبا احنا وين وهالأمم وين !
     
  12. الباحث الشرعي

    الباحث الشرعي عضو جديد

    التسجيل:
    ‏23 مارس 2010
    المشاركات:
    210
    عدد الإعجابات:
    0
    اخوي اشلون اصول للسفيره؟
    و شلون صيغه الكتاب؟
     
  13. NEW حاكم السوق

    NEW حاكم السوق عضو جديد

    التسجيل:
    ‏11 فبراير 2010
    المشاركات:
    1,455
    عدد الإعجابات:
    0
    رايك اللي عدل أخوي مشعل ... يالمحامي :) حفظك الله لنا ذخرا ونصرنا بك واللي بشرواك يالطيب .. يطولي بعمرك ...

    ونتو أبخص يالمحاميين ... والعين ترى ماتعلى عن الحاجب ياخوي مشعل ...

    وأعتقد أخونا الباحث الشرعي ... طالح بواحد حاقد ... ولا شسالفة الصور والتطور الطبيعي! بالمشمش ... هذا ... الظاهر عايش سالفة خالد الشيخ!!! تخبرها ؟؟ وقالك طحتلي بصيده ثانيه أترقى فيها ؟؟

    يالله يستر عليك ويحفظك ... يالباحث الشرعي ... شوف فلم رندنشين !!! لايصير فيك مثله!!!!

    ولا إن ردت لي يالباحث ... بنصحك ... وقولك ... تجنب أمريكا !!! فهي لم تعد كما عهدنا .... والله يعينك!
     
  14. مقاييس

    مقاييس عضو نشط

    التسجيل:
    ‏11 يوليو 2005
    المشاركات:
    354
    عدد الإعجابات:
    8
    راجع الخاص سوف ارسل لك رقم حمزة شغال بالسفارة
     
  15. NEW حاكم السوق

    NEW حاكم السوق عضو جديد

    التسجيل:
    ‏11 فبراير 2010
    المشاركات:
    1,455
    عدد الإعجابات:
    0
    يالبروفيسووووووووووووور :) مالي شغل ... أنا بسميك جذيه يالتلميذ !!!! :)

    تعجبني أنت بكتاباتك ... وتطقها بالوجه ولاتجامل ... هذي الرجال ... مومزدوج وخرابيط ...!

    وشكلك يالتلميذ البريفيسووووووووور .... تمرست بأمريكا اللي خبري خبرك! مو اللي الحين ! بوخلاف!

    ويامعود بأمريكا مو بس الجواز بالبريد! أزيدك البانكينج بالبريد والمكينه! واليسن والهويه وبطاقة السوشيال سكيوريتي بالبريد !!! والشرا والبيع بالنت! الشغل من البيت! أريح بالنت ... خاصه بشغل السوفت ورك ... تسويلك شركه من جراجك! ولما تنجح تروح البورصه وتصير أكبر شركه (مايكروسوفت مثلا) !!

    ياعمي ذيلي ناس تعرف قيمة التنميه البشريه ... وجيشهم اللي كله مزدوج! ومتعدد الديانات! من أقوى الجيوش بالعالم! أشوف محد شكك بوطنية الثاني !!!

    ياعمي حنا فالحين بالإختلاف وألإتففاق على أن لا نتفق!!! ... فتذهب ريحنا ونكونن من الخاسرين!

    صدقت ياخوي ولا حنا وين ؟؟ وذيلي وين .... لاوجه للمقارنه أصلا ....

    خلها على الله ... والله الموفق
     
  16. NEW حاكم السوق

    NEW حاكم السوق عضو جديد

    التسجيل:
    ‏11 فبراير 2010
    المشاركات:
    1,455
    عدد الإعجابات:
    0
    مشرفنا العزيز ... الغير مزدوج :)

    قضيت جزء كبير من حياتي بالأمريكا ... على قولة يدتي رحمة الله عليها :) وكانت لي أعمال هناك وأصدقاء وشركاء .... وسوالف كثيره!

    بس آخر مره قبل كم سنه ... وصلت لأمريكا ... وبعد الجوازات والشنط (واللي صار بيناتهم !!!) طلعت وسلمت على مستقبليني بره المطار! وأعتذرت بضرورة عودتي لضروف طارئه بلغت بها تلفونيا! و رديت بعد الغدا ... عملت جك إن! وبعد السين والجيم! وليش توك داش؟ وبترد تطلع!؟ (وقلتلهم أشكرى سوء المعامله وإني مغادر وسأبيع كل شغلي بأمريكا وبصفي شغلي! ووظفو عاد أنتو هألأمريكان اللي بيتفنشون! بكاونتر الجوازات :)) ورديت على أول طياره طالعه الى لندن!

    وكتبت عند الوصول إلى لندن بخانة "سبب الزياره ل لندن "سوء المعامله بأمريكا :)" ( Miss Treatment In America & Business :) ) ... ومن بعدها هذا وجه الظيف! مارديت لأمريكا !!!

    وربعي ألأمريكان للحين يزوروني بالكويت لو نتلاقى بلندن ... بيروت أو بدبي! إذا سمحت الظروف ... غير جذيه! مارديت ولاني راد ...! :) إلا لما تعدل أمريكا وترد مثل قبل اللي خبرناها ... مو هال هولجانز .... اللي صارو عليه بعضهم!!! الحين للأسف!

    تراهم طيبين ... بس بعض هالأشكال الحاقده مثل اللي طاح فيه أخونا الباحث الشرعي! (الظاهر ملتحي :) ) ... تخرب عليهم!!! ... للأسف!!!

    ولاتراهم طيبين بشكل عام ... بس هم رب ضارة نافعه ... لطلعتي ذاك الوقت من السوق الأمريكي وقبل ألأزمه وبوسطها وبآخرها ... لأن كنت حاس بمشاكلهم ... وإنهم رايحيين بسووقهم ... رواسي ... ! :)

    تجربه ورأي شخصي .... حبيت أشارك فيه ... :)
     
  17. بو شيشه

    بو شيشه عضو جديد

    التسجيل:
    ‏12 ابريل 2010
    المشاركات:
    2,006
    عدد الإعجابات:
    1
    مكان الإقامة:
    السره
    من صجك انت؟
    منو يقدر يقول عنك مزدوج!!
    أشرلي بس وانا اطشر عضويته لك:)
    جم بو سليمان عندي;)
     
  18. NEW حاكم السوق

    NEW حاكم السوق عضو جديد

    التسجيل:
    ‏11 فبراير 2010
    المشاركات:
    1,455
    عدد الإعجابات:
    0
    ها .. صارت يابوشيشه ؟؟ :)
    الفزعه يارجال .... لمشرفنا العزيز :)
     
  19. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    راشل الامقريشن مباشرة فى واشنطن
    او كلف محامى امريكى
    موفق
     
  20. سيف راكس

    سيف راكس عضو نشط

    التسجيل:
    ‏30 أغسطس 2009
    المشاركات:
    1,563
    عدد الإعجابات:
    2
    هذا اجراء امني وما فيه شي على قولت اخوانا المصريين حط بطنك بطيخه صيفي .. والله لو كنت بأحدى السفارات التعيسه اللي خبري خبرك لتروح ورى الشمس بس السفاره الامريكيه تاخذ حقكك بالقانون اهم شي محامي شاطر دخله بالموضوع وراح ترتاح