سؤال ولي يرحم والدينكم

[خالد32]

يااخوان شريت برادو اليوم 2006 من واحد بن حلال والموتر ماعليه كلام وجربته وكل شي تمام وغلطت ورحت الوكاله شاد حيلي المهم بدلتله بلاكات وتصفيه ودهن وفلاتر وهالسوالف وقالولي السفايف اللي ورى موليه المهم بدلت السفايف عندهم قطيتلي 250 كل شي بدلت حتى طفايت الزقاير وانا طالع استغربت تاخذ يمين شوي رديتلهم ونجره قالو السفايف اللي ورى مالهم شغل بتاخذ يمين ودخت يااخوان رحت ميزان طلع معاي واضحه تاخذ يمين بدل التواير اليمين حطه باليسار واليمين حطه باليسار بيجرب قامت تاخذ يمين ويسار بدلت اللي ورى حطيتهم جدام قامت تاخذ يمين شوي خفت حيل بالله شسوي هل انا موسوس اولها حل في ميزان قالي بدل التواير وتصير اوكي امورك وانا اشوف التواير بريجستون وتاريخهم مكتوب عليهم 2008 وشكلهم جدد شنو تشورون علي 1- ابدل التواير2- العن والدينها وموهم تاخذ يمين شوي لاهديت السكان واسوي نفسي مادري والا شنوو ناطر رايكم لانه يهمني واتمنى اهل الخبره اذا في حل يقولون اسم الميزان اللي اروحله اوراع التواير اللي اروحله وشكرا

 

[Singel]

فحصت الشاصي اخوي

 

[qazasd]

السلام عليكم
عندك ميزان هنتر بجانب العدساني الشويخ
مهندس خالد

 

[بو شيشه]

اخوي الغالي لا تحاتي
ان شاء الله ماكو الا الخير
بالنسبه لموضوعك
انا صارتلي سالفتك كذا مره
والله اني دخت نفسك و رحت حق كذا ميزان ومحل ..... تكرم لان اغلبهم حمير فكل واحد كان يقط علي حجي
اذكر رحت لواحد ارمني بشويخ و فحصها وقالي هذي من التواير
بصراحه انا استغربت وما صدقت بس بالأخير قلت خل اجرب ولا ان التواير كانوا مستعملين خفييييف ومو مبين عليهم كرف او شخط او من هالكلام
يوم بدلتهم والله ان الحذفه راحت
كانت اول تحذف يسار
والأهم من هذا كله ...بعد ما تركب التواير يكون احسن تسوي ميزان كمبيوتر ....لان اغلبهم ما يفتهمون بالإيد وتطلع من عندهم اذا كان الميزان بإيدهم والسياره تحذف وتلج روحك كل شوي رادله ويرجع يعدل
والله اعلم
بس ان شاء الله ماكو الا الخير
تشوف خيرها ويكفيك شرها
تحياتي

 

[BIG.PUN]

اخوي الغالي لا تحاتي
ان شاء الله ماكو الا الخير
بالنسبه لموضوعك
انا صارتلي سالفتك كذا مره
والله اني دخت نفسك و رحت حق كذا ميزان ومحل ..... تكرم لان اغلبهم حمير فكل واحد كان يقط علي حجي
اذكر رحت لواحد ارمني بشويخ و فحصها وقالي هذي من التواير
بصراحه انا استغربت وما صدقت بس بالأخير قلت خل اجرب ولا ان التواير كانوا مستعملين خفييييف ومو مبين عليهم كرف او شخط او من هالكلام
يوم بدلتهم والله ان الحذفه راحت
كانت اول تحذف يسار
والأهم من هذا كله ...بعد ما تركب التواير يكون احسن تسوي ميزان كمبيوتر ....لان اغلبهم ما يفتهمون بالإيد وتطلع من عندهم اذا كان الميزان بإيدهم والسياره تحذف وتلج روحك كل شوي رادله ويرجع يعدل
والله اعلم
بس ان شاء الله ماكو الا الخير
تشوف خيرها ويكفيك شرها
تحياتي

أخوي تقصد يعقوب الارمني.....ترا الرجال فاهم وواثق من شغلة ولا يلف ولايدور وان شاء الله يعرف العلة ولو اني اشك بالتواير لانها صارت معاي

مكان يعقوب صوب دوار الاكسجين اسأل هناك وراح يدلونك

بالتوفيق

 

[بو شيشه]

أخوي تقصد يعقوب الارمني.....ترا الرجال فاهم وواثق من شغلة ولا يلف ولايدور وان شاء الله يعرف العلة ولو اني اشك بالتواير لانها صارت معاي

مكان يعقوب صوب دوار الاكسجين اسأل هناك وراح يدلونك

بالتوفيق

انا اتكلم عن كم واحد رحتلهم وطلعوا خرطي كل واحد فيهم يقطني على صخر بكلامه
يعقوب الأرمني هو اخر واحد رحتله وصحيح هو اللي فادني عدل
مكانه بشارع كنددراي يم ميزان أسد اللي صاير عاللفة...اسمه ميزان يعقوب على ما اعتقد

 

[w_e_e_b]

يمكن من الشاصي
يمكن من التواير
يمكن من عامود التوازن
يمكن التواير يبله تجليس
يمكن مصعررين التواير
بعدين ترى توايرك قدم ونته تشوفهم يدد
يمكن الشيال يمكن المعاون
لازم خبير يشوفها

 

[مصعب التميمي]

اخوي صارت معاي بسيارتي تاهو سويت ميزان نفس الشي غيرت التواير نفس الشي تأكد من الهيئه الاماميه

 

[Winchester SX3]

ميزان يعقوب
الكويت كلها تشهدله
مكانه طال عمرك تدخل شارع الزينه من كندادراي وتكمل سيده
لين تجيك لفة مركز المهلب للزينه يمين تلف معاها يمين
طوف أول لفه يسار راح تلاقيه على يسارك ثاني أو ثالث محل بجانب المطعم
لافتته بيضه وصغيره مكتوب عليها يعقوب
بس خلك عنده 3.15 لأنه زحمه عنده بعد الصلاه إسأل مجرب


موفق

 

[خالد32]

اشكركم جميعاً عنكنكم ماقصرتوو وخذيت بجميع ارائكم الطيبه الله يخليني منكم جميعاً رحت لهنتر وفحصها بالكمبيوتر وطلع سحقيه شديده وعيرها والحمدلله الامور صارت طيبه وانتهى الامر انا الظاهر توني شاريها وكنت مبالغ ابي اهدها وتمشي بروحها سيدا مايصير حسبالي نفس لاندكروزر جديد كان عندي قبلها السكان مجرم على العموم السياره اهدها سيدا بس مسافه طويله تلف شوي يمين من الهوى مثل باقي السيارات الطبيعيه

 

[بو شيشه]

يالله الحمدالله
موفق اخوي
على هالبشاره لازم عزيمه
اتقشمر مو تصدق وتدزلي عالخاص

 

[ابو عذاب]

دق على وانا اعطيك الخبر اليقين