شنو الهدف من كتابة الموضوع؟ يعني تبي تقول ان هذي الاسعار وان الناس مقتنعين فيها...خلاص مدام الناس مقتنعين وقاعد يشترون...ليش كاتب الموضوع اساساً؟ انت كتبت الموضوع والاخوان أيدوك لان ودكم وميتين على ان تنباع بهالاسعار.....
شؤون القصر اكثر من مره ينزلون اراضيهم بالمزاد ولكن السؤال اللي يطرح نفسه ......هل انباعوا بسعر المزاد؟ والا محد شراهم الى يومنا هذا؟
السبب في كتابة الموضوع الله يهداك :
1- في مواضيع بالمنتدى تأكد على نزول الأسعار ورديت عليهم لا تكتبون شي مو متأكدين منه لأن فيه ناس ودها تشتري ومنهم انا تأثر على قراراتنا وانا اتمنى تنزل لأني بشتري لكن تشوف هالمواضيع نقول خل نصبر ..
2- لما صار مزاد اشبيليه حبيت أأكد للأعضاء حقيقة الوضع وان نتيجة المزاد هي المقياس الحقيقي للسوق لا كما يوهمون الناس بان هناك نزول دون دليل ..
3- تمنيت من الإخوان اللي يؤكدون ان فيه نزول وان التسجيل العقاري هو تزيين للأسعار وانها لعبة تجار انهم يردون لكن للأسف محد رد لأنهم توهقو شقولون .
اخوي احسن الظن الله يهداك (ان بعض الظن إثم ) ...
ومسألة كتابة اي موضوع حريه مطلقه للناس لا تحكمهم انت وبعدين تأكد من الأسباب اللي اوردتها وارجع وطالع للمواضيع المكتوبه راح تقتنع اني احاول الوصول لحقيقة الوضع وعلى فكره اعلم ان المزاد انتهى وتم شراء الأراضي طبعا للأسف بالأسعار اللي ذكرناها وقد اكد على ذلك احد الأعضاء (الفروثي)
