عاصفه ترابيه خلال ساعات تضرب الكويت ... الارصاد

[سيف راكس]

يعني الحين احنا عايشين صار لنا كم سنه في وسط عاصفه سياسيه كريهه دمرت نفوس الكويتيين و العاصفه الترابيه علي الاقل نجلس في بيوتنا و نسكر شبابيكنا و البيبان ولكن العاصفه السياسيه شلون نتخلص منها ومو بيدنا نسكر حنفية الحكومه و لا بيدنا نسكر حلوج الطماعين بفلوس الحكومه الاحسن نسكر عيوننا و اذاننا ونبلع السنتنا و ننتظر الفرج من الله تعالي يقشع هذه العاصفه السياسيه اما الترابيه تخفف عنى حرارة الجو ..... تهون ان شاء الله

 

[بو شيشه]

يا زين الديره بغبارها وبعواصفها
خلاص تعودنا ما تفرق

 

[سيف راكس]

يا زين الديره بغبارها وبعواصفها
خلاص تعودنا ما تفرق

صاج بوشيشه ...مشكور

 

[B-A-1983-A-B]

اصلا اذا مر 20 يوم بدون غبار خصوصا من شهر خمسة لين شهر 11 تحس ان في شي غلط في شي مو طبيعي : )

 

[Cozmo]

خلاص بس صار الغبار بالديره بالنسبه لنا نسمة بارده لووول

 

[سيف راكس]

اصلا اذا مر 20 يوم بدون غبار خصوصا من شهر خمسة لين شهر 11 تحس ان في شي غلط في شي مو طبيعي : )

الحمدلله على كل حال ومشكور على المرور

خلاص بس صار الغبار بالديره بالنسبه لنا نسمة بارده لووول

نسمة غبار بارده ............. مشكور على المرور

 

[كويتيه @]

الله يستر

 

[Winchester SX3]

الغبار نعمه

ومن نعم الغبار على الكويت أن الأحمال الكهربائيه تنخفض ولا تلامس المستوى الأحمر

 

[Balloons Shop]

اللي فهمته أزمة سياسية وليس عاصفة ترابية

لكن جمال الطبيعة لدينا أن تفتح باب السكة وتلاقي كومة رمال ناعمة
أمام بيتك ، في أيام لم تسفلت الشوارع وتنسف الحدائق

ما أجمل اللواهيب نعمة من الله

فيها ينضح الخلال ، وتكمد الركب ، وخافض لحرارة الشمس ،
التراب بأكمله
رااائع وولائي له غير منقطع النظير ..

 

[mxxy]

يا زين الديره بغبارها وبعواصفها
خلاص تعودنا ما تفرق

صــــاج يا بو شيشة ... هالديره حلوه وجنة وراحه وأمان بغبارها بمشاكلها السياسية بخسايرها في حرها في مشاكلها الداخلية ... حلوه والله يديمها حلوه لكن

الله يلعن ويسحت من يقوم بتخريبها و يقوم بتأجيج شارعها ويقوم بصنع الفتن النائمة التالفة الله يلعنه بأذن الله ...


وبعدين على طاري الجو ... أيهو أحسن حرارة تصل إلى 52 مؤيه وثاني يوم نصحه بدون مشاكل وماني شايف ألا مشاكل عادية طبيعية .... ولا تبون زلازل وبراكين صاعده وهابطه ومشاكل تدميريه وفيضانات ... ولا تبون رطووووبة شديدة لدرجة ان بدبي الحين 3 ميتين !!!! وخليجين مو اجانب ، ليكون حسبالكم لم اقوول زلازل وفيضانات اتكلم عن الدول البعيده لا انه اتكلم عن الدول القريبه يعني ....

 

[بو شيشه]

بصراحه يعجبوني الأوروبيين يوم اشوفهم بعز الشمس او بالغبار وتلاقيهم يتمشون بالسالميه او بفحيحيل بالشوارع صوب المجمعات ولا كأن في حراره و غبار
الحمدالله غبار وحراره....ولا زلازل وبراكين او مجازر
الحمدالله عالنعمه
الله يحفظها ويحفظني لكم