للمرة الثانية ....اين الجواب اليقين...السفر قرب

[yahoo77]

السلام عليكم
شباب انشالله مسافر فيينا بعد اسبوع
وطلعت فيزا شينغن من سفارة المانيا
هل في احتمال مايدخلوني فيينا عشان هالسبب ؟
ولا انشالله مافي مشاكل ؟
اذا احد من قبل راح دولة غير اللي مفيز عليها يبلغنا بتجربته
ولكم جزيل الشكر

 

[aLKuwaitia]

السلام عليكم

سبق اني دخلت فرنسا و انا مطلعه الفيزا من المانيا بدون دخول المانيا بتاتا من استخرجت الفيزا
و دخلت النمسا و ايطاليا و اسبانيا بشنقن من المانيا بس كنت مسافره لالمانيا اول ما طلعت الفيزا

يعني بالحالتين مشت معاي بدون مشاكل بزياره المانيا و بدون زياره المانيا

و لكن

يقولون في مشاكل خاصه بالاونه الاخيره ان في احتمال في موسم الصيف و الزحمه و السياحه يردونك بالمطار (فيينا) في حالتك دام انك من استخرجت الفيزا ما رحت المانيا فيها .. يعني المانيا ما كانت اول دوله دخلتها من طلعت الفيزا ..
و هذا الكلام اليوم في جريده الوطن ..

يعني ممكن تطوف و ممكن لا حسب تشددهم حزه وصولك.. مو اكيد دام ما طبيت المانيا

 

[yahoo77]

يعني اسافر ولا ادري شنو راح يصيرررر ...؟؟؟!!!!
هل ادق على السفارة النمساوية بالكويت ممكن يفيدووني

 

[Duke wahid]

طلعت الفيزا من المكتب اللي بالدولية العمارة صوب الكويتية من السفارة الألمانية

من فيينا الى سويسرا الى فرنسا محد طل بوجهي وقالى فيزتك يالحبيب مزدوجة مومطلعها

من ربعنا

المهم ماتنتهي وانت هناك راح تدفع غرامة وإذا أنتهت روح مبجر المطار عشان التحقيق والغرامة

بحفظ الله ورعايته

 

[FreeTrader]

ماراح يردونك ان شاء الله
ممكن يكلمونك بالمطار ويسالونك ليش مسوي هالطريقه قولهم مادري

راح يقولك لاتعيدها مره ثانيه وقوله حاضر

صارت مع صاحبي كان معاي الصيف الي طاف ومشوه

اذا في شي جديد الله اعلم

 

[fayoona74]

سافر وانت مطمن انا سبق رحت المانيا والنمسا وايطاليا بفيزا شنغن عادي واذا حاب تتطمن اكثر روح السفارة واسا

 

[Bo-SaNaD]

القرار الجديد لدول الاتحاد الاوربي

اذا طلعت شنغن من المانيا لازم يكون اول دخولك لالمانيا ومن بعدها تفتر يعني لازم تدش الدوله اللي انت مفيز منها اول شي هذا بالنسبه للقرار

بس مو قاعد يتطبق يعني تقدر تدش جنيفا وانت مفيز من ايطاليا عادي يمكن تدفع غرامه او ماشبه ذلك والعلم عند الله

 

[q8max]

ان شاء الله خير

ولو سألوك ليش ماخذ شنقن من ألمانيا وداخل النمسا (( قول لهم بابتسمامه عريضه)) انا كنت ناوي اسافر ألمانيا بس بصراحه شفت صور بلادكم الجميله فقررت السفر إلى فينا الجنه والأستمتاع بمناظررها الخلابه . . .

 

[بو عبدالله 007]

اخوي قول لهم قص علي الشيطان وما راح اعيدها مره ثانية

وما لقيت حجز فندق بالمانيا اقرب دوله مني فيينا وان شاء الله بروح المانيا اذا ضبطت الحجز