السلام عليكم محتاج نصيحتكم و خبرتكم طلبتكم

الموضوع في 'اعلانات المركبات' بواسطة ابو علي العجمي, بتاريخ ‏27 يونيو 2010.

حالة الموضوع:
مغلق
  1. ابو علي العجمي

    ابو علي العجمي عضو جديد

    التسجيل:
    ‏25 يونيو 2010
    المشاركات:
    6
    عدد الإعجابات:
    0
    السلام عليكم و رحمه الله و بركاته


    اخواااني ولد عمي شراله لاندكروزر موديل 2003 و طلع عنده بالفحص تبديل ربل

    صباب و لما راح حق كراج معرووووف بالشويخ انه يصلح لاندكروزر و لكزس

    فقط قاله خلني افحص السياره ما اعترف بفحص غيري المهم شغل السياره

    و قام يدعس بنزين اشوي اشوي و بعدين دعس حييل اشوي الا دخنت

    السياره من ورى دخان ابيض قاله هذا ربل صباب لازم يتبدل واذا يتبدل لازم

    ينفك الراس و انودي الراس للمخرطه عشان يصنفره و اتجيب لي طقم اصلاح

    كامل قازقيزات بــ 35 دينار وكاله مع المخرطه و مع شغل ايدي 200 دينار يقول

    لانه سالفه و لازم شغل مضبوط و قاله لازم اسوي له تصفيه لاني مبدل

    ربل الصباب و ابدل زيت و فلتر


    هاذي سالفته و ابي رايكم و خبرتكم و نصيحتكم هل اللي سواه صح

    و من صالح السياره
     
  2. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    اول شي مبروك السيارة وعسى فالها خير

    ثانيا بما انك ذهبت للفحص مرة اخرى هذا دليل على انك حريص على السيارة وتحب سيارتك تكون عيار 24 على قولة اهل مصر ... وماتبيها تخترب عليك وتحب تريح راسك ومالك بدوخة الراس بالصناعية
    احب اقول لك ان كل شركات فحص السيارات اللي بالكويت تكتب بنتيجة الفحص (ربل صباب + نتله بالجير) عشان يتهربون من اي شي يصير بالسيارة مستقبلا ... كنوع من التهرب من المسائلة القانونية ....
    لذلك لاتروح الصناعية ..لأن الصناعية شغلهم تعبان (دوسة بنزين وحدة قالك السيارة فيها مافيها) .... ريح راسك اخوي
    انصحك تروح للوكالة (الساير) وتفحص السيارة هناك بواسطة احدث المعدات وبالكمبيوتر (يكلفك 30 دينار تقريبا) ويعطيك تفصيل ممل عن السيارة شنو فيها مافيها .... يمكن تطلع شغله بسيطه ما تحتاج فك راس المكينة ... يمكن طقم اصلاح شغله صغيرة وانت اللي ماشي ... ويمكن يقولون لك ... سيارتك مافيها شي ...... والفحص اللي سويته كلن خاطئ ..... واذا قالولك فعلا ربل صباب ... انصحك تقارن سعر للوكالة بسعر الكراجات اللي بره ..... اذا كان سعر الوكالة قريب من السعر اللي بره .... اعتمد شغل الوكالة ..........اما اذا كان شغل الوكالة سعره مبالغ فيها جدا .... الله يعينك على شغل الكراجات اللي بره

    وعسى الله يكتب لك الخير اخوي .... ويبعد عنك عيال الحرام
     
  3. japan skyline

    japan skyline عضو جديد

    التسجيل:
    ‏10 أغسطس 2009
    المشاركات:
    83
    عدد الإعجابات:
    0
    اخوي مساك الله بالخير

    لا تسوي ولا شي وخله لين يصير بالماكينة صرفيه وتوضب مره وحده

    لأن الحين اذا خرطت الراس وبدلت القازقيت معناه انك سويت اوفر هول كامل للماكينة

    واذا سويت اوفر هول كامل للماكينة راح يصير ضغط راس الماكينة اقوى من البساتم وبعد فترة راح تحتاج الى توضيب كامل

    فانصيحتي لاتفك الماكينة ولا تقرب لها الا اذا انت ناوي توضب المكينة كامل ...

    وماعليك من كلامهم الحين يقولك تكلفك الربل صباب حوالي 235 دينار واذا فكيتها راح تكلفك 235 دينار + تصفيه كامله + تبديل بلاكات الخ ...راح تاصل 300 دينار

    فنصيحتي لك خل الموتر على وضعه والي اعرفه ان ربل الصباب مايدخل الا اذا شغلت الموتر وهو بارد ولايضر بالاستخدام وحاول تركب زيت ثقيل مو خفيف

    والسلام عليكم
     
  4. ابو علي العجمي

    ابو علي العجمي عضو جديد

    التسجيل:
    ‏25 يونيو 2010
    المشاركات:
    6
    عدد الإعجابات:
    0
    يا مرحبا بأخواني

    اهووو بيستعمل بيكده كد

    و ناس قالوا انه عادي يفك راس المكينه عشان يبدل ربل صباب و يسوي تنظيف له و يعطيك كفاله انه ما يدخن و لا يصير بالمكينه شي

    و في ناس يقولون انها يمكن اتسبب تبخير في رنق المكينه ؟؟؟ صج هالكلام او لا
     
  5. بوجويس88

    بوجويس88 عضو جديد

    التسجيل:
    ‏28 فبراير 2009
    المشاركات:
    168
    عدد الإعجابات:
    0
    بدام مكتوب تبديل ربل صباب اكيد انت فاحص بالرمال الذهبية :)

    لأنهم معروفين بالحركة يكتبلك اياها و وقت الشرح يقولك ما لا داعي هذا شي طبيعي ،،،، انزين بدام طبيعي عيل ليش كاتبينه


    و على طاري التبخير انا كان عندي كورفيت الشهر الي طاف 2005 و الي بيشتريها راح عند كراج الله بالخير بدون ذكر اسامي عشان يفحص و الي يفحص المكينة يدوس حد الدوسة و بعدين يطلع دخان أبيض جان يقولي السيارة فيها تبخير و صرفية ،،،،،،،،، طقيت على راسي

    و قلت حق الي بيشتريها الوكالة بيني و بينك

    و المهم رحنا الوكالة اليوم الثاني و فحصناها بالوكالة و طولت عندهم ساعتين و بعدين قالولي المكينة ما عليها أي ملااااااااااااحظة لا تبخير و لا خرابيط و الدخان شي طبيعي يكون من الاستهلاك
     
  6. ابو علي العجمي

    ابو علي العجمي عضو جديد

    التسجيل:
    ‏25 يونيو 2010
    المشاركات:
    6
    عدد الإعجابات:
    0
    صح فحصها بالرمال بس اللي ابي اوصله ان ولد عمي يبي يعرف هل تبديل ربل الصباب يأثر على المكينه ؟؟؟؟
     
  7. BOSHHAB

    BOSHHAB عضو جديد

    التسجيل:
    ‏3 ابريل 2009
    المشاركات:
    290
    عدد الإعجابات:
    0
    مكان الإقامة:
    KUWAIT
    بوجويس اكيد الي فحصها سوري :)

    و يا العجمي روح الوكاله و شوف شيقولون لك منت خسران شي. لا تسال الكراجات قبل
     
  8. ابو علي العجمي

    ابو علي العجمي عضو جديد

    التسجيل:
    ‏25 يونيو 2010
    المشاركات:
    6
    عدد الإعجابات:
    0
    تدري شنو بخلي ولد عمي يسوي عقب ما يركب ربل الصباب

    اخليه يروح يفحصها بالرمال الذهبيه مره ثانيه و انشوف شنو يطلع و بعدين انروح نفحصها بالوكاله
     
  9. Se7T

    Se7T عضو جديد

    التسجيل:
    ‏25 يونيو 2009
    المشاركات:
    1,082
    عدد الإعجابات:
    0
    اخوي كلام راعي الكراج صح لاتركب الربل صباب الا يحف الراس وان ركبته بدون حف راح يقعد شهرين ويدخن وترى الدخنة عادية انا اقولك 90% من سياراتنا بالكويت ربل صباب بسبب الحر والحرارة
    انا سبق صار معاي نفس مشكلتك وماسمعت النصيحة بلاند 2002 وغيرت الربل من الساير بس فك وتركيب دفعت 89 تقريبا شهرين ورد يدخن
    وعلى فكرة ترى مايضر واللي يقولك يضر ترى موصحيح
    ولا تغير الا تحف الراس او خله الا اذا الدخنة قوية حيل وتبين مع المشي
    وترى الربل مايبين الا من اول كبسة وبعدها مايبين شي
    والسيارة بايعها لرفيجي صارلها سنتين وللحين الحمدلله لاتنقص ولاهم يحزنون وميكنتها قوية ونظيفه
     
  10. ابو علي العجمي

    ابو علي العجمي عضو جديد

    التسجيل:
    ‏25 يونيو 2010
    المشاركات:
    6
    عدد الإعجابات:
    0
    مشكووووور اخووووي لاهنت على المعلومه والنصيحه الغاليه

    و لا يهونون اخواني الاعضاء الباقين

    مثل ما قال المثل اسال مجرب و لاتسال الطبيب مثل ما قلت راعي الكراج قاله اقدر اركبه لك بدون لا افك الراس بس شهر الى شهرين و ترجع لي و يكووون الخراب اكبر من انه يكون ربل صباب
    على فكره اليوم ولد عمي قال ان راعي الكراج لما وداه المخرطه لقى فيه 10 صبابات نار من اصل 12 يبيلهم تبديل و 8 من صبابات بنزين من اصل 12 يبيلهم تبديل و الباقين سليمه وما يحتاجون تبديل يعني لو انه ما اهتم للشي هذا يمكن يطق عنده الصبابات كلها مع البساتن و تعال جفد المكينه كلها
     
  11. عادل12

    عادل12 عضو جديد

    التسجيل:
    ‏9 يونيو 2008
    المشاركات:
    490
    عدد الإعجابات:
    0
    يا حظ راعي الكراج فيكم
    اشهد انه شبع عياله
     
  12. فهد المسعودي

    فهد المسعودي عضو جديد

    التسجيل:
    ‏11 ديسمبر 2009
    المشاركات:
    36
    عدد الإعجابات:
    0
    طال عمرك اذا في كفالة اشتقل عندا
     
  13. ابو علي العجمي

    ابو علي العجمي عضو جديد

    التسجيل:
    ‏25 يونيو 2010
    المشاركات:
    6
    عدد الإعجابات:
    0
    ايه عليه كفاله يا اخ فهد
     
  14. 560SEL

    560SEL عضو جديد

    التسجيل:
    ‏13 مارس 2008
    المشاركات:
    731
    عدد الإعجابات:
    0
    يبه ربل الصباب انا عرف انه بعد 10 سنين يخرب
    انا كان عندي مرسيدس 560 1990 وبدلت لها لابل صباب وشغل اليد 30 دينار
    الربل ب 12,5 دينار
    قازقيت 2 الماني ب5,5 دينار
    بلاكات 8 ب 4 او 5 دنانير
    الزبده لا فك راس ولا صنفره والتكبفه كله حدود 50 دينار
    والحين يقول حوت 2002 او اجدد موديل يبي تبديل ربل صباب وين صارت
    يبه الصناعيه غش بغش وخاصه الاشوام شو يا زلمه
    رح لهندي وريح نفسك
     
  15. بومعالي

    بومعالي عضو جديد

    التسجيل:
    ‏29 ابريل 2006
    المشاركات:
    380
    عدد الإعجابات:
    0
    مكان الإقامة:
    الـكـويـت
    أنا بعرف الحين شكو ربل الصباب بحف الراس ؟!!
     
  16. غير البشر

    غير البشر عضو جديد

    التسجيل:
    ‏28 أكتوبر 2009
    المشاركات:
    49
    عدد الإعجابات:
    0
    السلام عليكم

    ادري ياخوان ان الموضوع قديم شوي

    بس راح ارد لتعم الفائده للجميع ان شاءلله

    ربل الصباب في بدايته مايضر السياره

    ولاكن اذا كان الدخان وجد لابد من التصليح

    والتصليح يعتمد علي ممشى السياره اذا كانت المكينه نضيفه والسياره مو ماشيه وجد تكتفي بتصليح ربل الصباب

    اما اذا كانت المكينه ماشيه واجد لابد ان تصقط رنق معاها افضلك

    لان احتمال بعد ثلاث او اربع شهور تبداء تدخن معاك المكينه ومن ثم تحتاج الي تجفيد
     
حالة الموضوع:
مغلق