السعر السري للعقارات !!!

الموضوع في 'اعلانات العقار' بواسطة rahaly, بتاريخ ‏2 يوليو 2010.

  1. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    انا قليلا ما ادخل هذا القسم ..

    لكن حقيقة الاحظ شئ غريب جدا !!

    لما لا توضع الاسعار للسلعة المعروضة ؟؟

    واذا سأل احد عن السعر يقال له " جاوبتك على الخاص " !!!

    شنو السرية في الموضوع ؟؟

    كما انك ستجاوبني على الخاص .. ما المانع ان تجاوبني على العام امام الكافة ؟؟

    صراحة لو انا باشتري سلعة وما ترضى تجاوب على العام .. راح افكر الف مرة بالشراء منك .. لان المسألة فيها ان !!

    روحوا شوفوا قسم السفر .. ناس راقية تحط اسعار شقق بيع وتأجير من بداية الموضوع ..

    هالبلد ما فيها شفافية حتى بين الاشخاص !!

    صج خليها تبور :)
     
  2. Duke wahid

    Duke wahid عضو جديد

    التسجيل:
    ‏12 فبراير 2010
    المشاركات:
    214
    عدد الإعجابات:
    0
    شي يبط الجبد جنهم يبيعون منكر

    عندي سياره مأقدر أقول عندي بيت عندي سياره للبيع بنص مليون وموشرط الفحص بعد كيفي

    حلالي ومابي ابيع ألا بهالسعر

    شفتوا شكثر أنا واضح رجاءا اللي يبي يبيع شي يكون صريح ويحط سعر الشغله عالعام

    كافي دس وخش عيييب الرقبه مايشلعها الا اللي ركبها
     
  3. بو ريما الكويتي

    بو ريما الكويتي عضو جديد

    التسجيل:
    ‏22 فبراير 2010
    المشاركات:
    106
    عدد الإعجابات:
    0
    كلام صحيح واهنيك على صراحتك .. شي طبيعي ومنطقي الي يدزلك على الخاص ومايبي احد يشوف السعر غيرك انسان غير موثوق فيه .. فارجوا من الاخوان عدم التعامل مع هؤلاء ويما ناس اشتروا بيوت وخصوصا من بعض المكاتب العقاريه مااقول كلهم وبعد ماكتبوا العقد انصدموا ان السعر الي شارين فيه أغلى بكثيييييييير من السوق .
     
  4. zidantheking

    zidantheking عضو نشط

    التسجيل:
    ‏24 سبتمبر 2008
    المشاركات:
    985
    عدد الإعجابات:
    0
    اذا بوقاتي عندي مشتري جاي من اسمه :p:p:p

    شرط الشحن الى الكوكب + بانزين لمدة سنة :D:D:D:D
     
  5. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    السرية من وجهة نظري تندرج تحت اكثر من سبب
    منها :- السبب الاول

    اذا عرضوها بالعام راح يسمعون كلام ما يبون يسمعونه ... مثل .... (خاف ربك السعر اللي انت حاطه اقدر اشتري فيه ارضين بالمكان الفلاني) ومثل (ليش النصب والاحتيال) ومثل (البيت اعرف راعيه واهوا حاده بالسعر الفلاني وانتوا عراضينه بالمنتدى بأعلى من سعره دليل انكم نصابين)
    والكثير من العبارات الي تضع مكتب الدلاله في خانه الييك ....

    والسبب الآخر وهو المهم ................ انتظار الفريسة المناسبة

    ينتظرون واحد مطفي الليتات وصاعد الرصيف ويمشي 300 عشان يدبسون العقار او الارض بظهره وياكثرهم هالنوعيات (اللي مطفين الليتات) واهما سبب استمرار مكاتب الدلاله بالعمل.

    ماذكر اعلاه من اسباب هي ليست كل الاسباب اكيد هناك اسباب اخرى .... لكن الاسباب التي ذكرتها هي اسباب حقيقية وموجودة .... ولا نظلم كل المكاتب العقارية .... فيهم الزين وفيهم ماذكر اعلاه.
     
  6. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    صراحة دخلت مواقع خليجية وعربية واجنية ما شفت السعر السري الا عندنا في الكويت

    ياخي حط سعرك

    واذا في مفاوضات تصير عالخاص ماشي .. اما من الاساس يكون السعر سري

    اعتقد ان البعض قصدهم اصطياد واحد غشيم مسكين يدبسونه ببيعه

    خافوا الله .. اشتغل نظيف .. وصف النية

    ولا تقول يحرقون البيعه .. ربك اذا سايق لك الرزق يوصلك غصبا على الكل

    اتقوا الله يا اخوان .. والله مال الدنيا ما يغني عن الاخرة

    ترا لاني دلال ولا بياع .. حبيت ادخل اشوف اذا في شئ ممكن اتكلم عنه .. بس
     
  7. المطبه

    المطبه عضو نشط

    التسجيل:
    ‏31 أغسطس 2009
    المشاركات:
    403
    عدد الإعجابات:
    0
    أنا أأيدك 1000%

    وأذا يلغون مشاركته تكون أحسن لأن هذول الناس تتصيد فريسه سهله بدون معانات أو دفع رسوم أعلان
     
  8. الرسته جوكى

    الرسته جوكى عضو نشط

    التسجيل:
    ‏7 مارس 2006
    المشاركات:
    623
    عدد الإعجابات:
    0
    والله لا تلوم اللى مايحط السعر

    الربع اهنى شماته

    اذا حطيت سعر صارت الصفحه شات
    واذا ماحطيت الصفحه نظيفه تصير

    بعض الناس بس تحب تتفرج وتعلق ماكو شغل

    بس اللى جاد ويبى يسال يدق او يسال بالخاص

    ومحد صدقنى يقص على احد او يزيد بالاسعار

    اللى يبى يشترى او ياجر صدقنى فار فر بديره ويعرف احسن من المكاتب

    موفقين خير
     
  9. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت


    توني بشارك وبقول نفس هالجمله :)

    ولو اني افضل ان الناس تحط اسعارها على العام :eek:
     
  10. الرسته جوكى

    الرسته جوكى عضو نشط

    التسجيل:
    ‏7 مارس 2006
    المشاركات:
    623
    عدد الإعجابات:
    0
    والله اقسم بالله انى نفسك ماكو احد مايتمنا

    يعرف الاسعار

    بس انت جرب حط اسعار وجرب لا تحط شوف الفرق

    اصلا اذا حطيت يكرهونك بالعرض او المشاركه

    اذا حطيت بيت رخيص قالو غالى واذا حطيت غالى قالو غالى
    ===========================
    قبل فتره صاحبى بدوام قالى اعرض بيتى للبيع بالمنتدي حطينا بيت بدوحه شارع واحد
    كان راعى البيت يبيه 90 الف بياع
    لما حطينه بالمنتدي شوف الطنازه وغالى ومدرى شنو
    المهم عرضناه بره المنتدي والله قامو يطقون على صاحب البيت ووصلو 105 الف
    ==============
    لما يروح البيت شوف التحلطم وواف وو