نصيحتك يا راعي البرادو

[طارق المانع]

السلام عليكم
يااخوان : انا كتبت موضوع اخذ رأيكم عن الجيوب (جيب مستعمل) 2006 - 2007 -2008 تكون فيه هالشروط ( كد ومد ، مكيف ثلج ، حق عايله صغيره ، 3 كشنات ، سعره معقول) ، وانصحوني الاخوان وكلهم مشكورين ، لكن الاكثريه قالت (جيب برادو 6 سلندر) انزين البرادو انواع؟ واخوكم حده غشيم بالسيارات ، ومابي اطيح بيد واحد يضحك علي ، طالب نصيحكتم لا خلا ولا عدم عن البرادو
1- شنو انواعه؟
2- من وين تنصحوني اخذه؟ في اكثر من مكان للمستعمل (مكاتب السيارات الساير للسيارات المعتمده - مصطفى كرم - بيت التمويل - حراج السيارات)؟
3- إذا بفحص في احد متخصص بفحص البرادو او الجيبات ولا حيالله؟
4- هل صحيح فعلا تفرق برودة المكيف بين التش والفر العادي؟

 

[خالد32]

اخذ برادو 6 سلندر مكتوب بالخلف vx والدرجات على حسب فلوسك اما البدي واحد والمكينه وحده الفرق كشنات جلد وتدفئه ومثبت سرعه وفتحه بس ومصطفى كرم انا مريت عليه اغلا من السوق بالف دش مواقع متروسه برادو موقع حراج الكويت وكويت كار وهني ومزاد الكويت بتحصل باذن الله اما عن الفحص الرمال الذهبيه 45 دينار يعطيك تفاصيل كامله والاسعار متفاوته 2006 انا خذيته من اسبوع 6400 كامل بدون فتحه وتحصل ارخص واغلا على حسب النظافه و2008 من 7700 وانت طالع والموتر ماعليه كلام بس لاحظت فيه شغله اليوم حبيت اجربه حد الطبلون لمن وصلت 180 احس موثابت وهذا طبيعي بكل الجيبات التويوتا على ماظن بس 160 وانت نازل ميه ميه

 

[q81963]

جيييب بمعنى الكلمه اخذه وانت مغمض بس خذ سته سلندر

 

[alkhamis]

البرادو حلو استعمالة كد ومد

بس انصحك وخر عن مصطفى كرم والشركات الكبيرة مالت الاجار هذي
سياراتهم مكدوده كد بس اسوون لك سيرفس وبعضهم افرون العداد
طبعاً انت وحظك

انا كنت امأجر سيارة من احد الشركات كانت ماشية 90 الف وديتها سيرفس نزلو العداد الى 25الف استغربت كلمت الهندي ابتسم
لاتعليــــــــــــــــــــــق

شوفلك يبا عند احد اتعرفة او صوبك وتوكل على الله