ربما نرى نزول قوي للسوق

[wasmi_6]

السلام عليكم

اسف جدا لتطفلي عليكم في هذا القسم يا اخوان لكن الليله الفائته اتصل فيني احد الاخوان وطلب تحليل السوق الكويتي وبصراحه دهشت للشارت على فريم الويكلي ونصحته بالخروج من السوق باسرع وقت .

مبدئيا السوق فيه نزول 600 نقطه ووممكن نرى الاسوأ من هذا السيناريو .

ربما اكون مخطأ لكن لزاما علي ان اخبركم .

 

[alshamk]

قواك الله

 

[انوفستي]

شكله متذبذب وممكن استقرار فوق 6000

 

[مجموعه اسهم]

السوق رايح تحت 6000 قرييييييب

 

[نبيه خضر]

السوق رايح تحت ال 6000

 

[mon406]

السلام عليكم
عليكم بالدعوه لله عز وجل أن يفرج همنا ويعيننا على الخسائر اللهم آمين ويعيد الإبتسامه والروح الطيبه لنا ولكم كما عهدنها في السابق من المشاركات المفيده لعموم الصفحات وليس المشاحنات الله يوفقكم ويوفقنا اللهم آمين
الحذر مطلوب

 

[zizo 40]

اليوم إرتد السوق وإنشالله باجر يكمل, ولاحظو الحين إرتداد السعودى والأوروبى.

إحتمال ينزل السوق للمستوى اللى تكلمتو عنه بس تو الناس, خلنا متفائلين بإرتداد اليوم من نقطه 6260 وإنشالله يكمل لل6370 هذا الأسبوع, طبعا هذى مو دعوه للشرا والبيع, فقط توقعات متفائله

 

[عصويد]

فعلا السووووووووووووووق خطير ولا توهم نفسك بأرتداد

 

[Q8-Fund.Manager]

أكثر من 600 نقطه .... ​

 

[مجموعه اسهم]

راح يوصل ما بين 5200 و 4800

 

[ابو حبيب]

يقول سوق ارتد حبيب سوق يخذلة ستراحة ويباشر نزوال الحدا مافي سيوالة دخلة سوق يعني مافي شي يرفع سوق هذ ستراحة محارب يحاربون صغار المستثمرين وثم يباشر النزوال هذا كلام المحلل على الوطن اليوم صبح

 

[ابو حبيب]

Game Over شباب

 

[العقيله]

سبحان الله وبحمده سبحان الله العظيم

 

[Cigar_70]

نزل المؤشر ما نزل انا واحد من الناس تعودت اني اشوف شباب المنتدى كل واحد
يتوقع شي بمجرد اني اكتب وبعدين يحط اقتباس انا قلت وانا وانا ...

يعني الحين فاتحين صفحة بمجرد واحد اتصل فيه وقاله السوق مولي قووع ..

كل يوم نفتح الجريدة ونشوف التحذيرات شنو الشي اليديد ..افتح التلفزيون وكل شخص صار محلل

والسوق رايح قوووووووع اي خلاص درينا ..وتعالوا انت شكو بالمؤشر طالع شركتك او اسهمك

علشان تقدر اتقرر تبي تحتفظ بسهمك ولا كسر الدعم ..(فقط المستثمر)

الله يصلح الحال ...

اخواني المشرفين ارجوا اغلاق كل صفحة تشتت المستثمرين والمضاربين على حدا سواء
مو معقولة اللي يصير بالمنتدى كل واحد سمع او توقع شي فتح صفحة ..


الله يصلح الحال

وجهة نظري ..بما اني ما تعديت ع احد

 

[AHMAD ALI]

ما عليه يا جماعه

يمكن صاحب الموضوع واثق بالشخص اللي دق عليه

وحاب ينبهنا

بالنسبه لي ما تفرق سواء (سهمي) صعد ولا نزل

لان حالياً الاسعار = تبريد

اتمنى ينزل بعد عشان ابرد عليه اكثر واكثر

بس اهم شي ما نبي افلاس لول

 

[اشتراكي]

سبب نزول السوق اجيليتي

ونظرتي انها رايحه قوووووع لان خصمها الولايات المتحدة الامريكيه يعني مافي خشمك اذنك

وباعتقادي راح تنزل اكثر واكثر والسوق معاها يكسر قيعان جديده كل مره

وانا اتوقع يوقفونها عن التداول بعد فتره عشان القضيه والتعويضات

كل هذي توقعات شخصيه غير مبنيه على معلومات او اشاعات

لأن أمه سجنت مادوف وماقالت انه من عيال بطنها قادره ان تسجن اكبر راس بالتجار

وماتبالي! *