أنابيب خارج سرب الخرافي ونزول عامودي .. شنو السبب ؟!

[المحلل المالي75]

.



.



سلام عليكم ... 5 جلسات متتالية نزول حد أدني لسهم الأنابيب من 0,275 فلس إلى اليوم 0,220 فلس .. وكان هناك نزول أخر سبقه من 0,340 فلس وإلي سجله بتاريخ 8/6/2010 يعني خلال 15 جلسة تداول خسر السهم من قيمته 36% ...!!!

واليوم هو الوحيد بالحد الأدنى من شركات الخرافي ليضاف للنزول السابق .. إستثمارات 15 فلس وساحل 6 فلوس صاعدين ... ألخ

مع العلم ربحان 10 فلوس بالربع الأول من غير توزيعة زين .....

هل السهم مقبل على مزيد من النزول ؟ اليوم سمعنا من الأخ عايد العنزي إنه هناك محفظة تسيل أسهم ممكن تكون من ضمنها سهم أنابيب والصناعات ... لكن أشوف أنابيب تعرضه للنزول كان أقوى .

شنو سبب النزول القوي والوحيد من شركات الخرافي ؟

السهم واقف على دعم 0,220 فلس .. لكن إذت تم كسره وين بروح 0,198


.


.​

 

[zizo 40]

بصراحه تسائلك فى محله, أنا مراقب السهم من فتره, سعره جدا مغرى, اليوم شريت بالحد الأدنى وعندى إحساس باجر بيرتد والله أعلم.

ترا الشركه زينه وأرباحها من الصفقه راهيه نشوفها بنتائج الربع الثانى, بس ما يندرا سوقنا وين رايح؟ الله يستر

 

[جمبازي]

مطلوبات الشركه عاليه .


واذا استمر نزول الاسواق ..ستؤثر على اصول الشركه وتجعلها فى وضع سىء جدا .


راجع اخر ميزانيه للشركه ..ولاحظ الفرق الكبير جدا بين راس المال وحقوق المساهمين ..والديون .

 

[Cozmo]

الكميات تعتبر بسيطه مو ضخمه
لكن التخوف الي قاعد يصير بالسوق والنزول يلعب دور

مثلها مثل السلام + منا

واحتمال تزداد الحصيله ونشوف اسهم ثانيه تواصل في الادنى للأسف
ونكون بجذي وصلنا انه الاسهم الي فوق مستوى ال 200 فلس بتوصل الي اماكن ومستويات يديده تودينا وسوقنا الي تحت

والله اعلم