اللي بدو ايفون 4 رخيص

[سـعـود]

الرمز البريدي الحين منو يستعمله يعني اذا بطلب وما عندي شنو الحل احط اي رقم ولا شلون ؟

الحل انك تكتب الرمز البريدي الصحيح واهو ضروري في بعض الاحيان
ولكل عنوان لة رمز بريدي وصندوق بريد والدولة وهذا اهم شي بالعنوان
وتقدر تتأكد من الرسائل اللي واصلتك اذا كنت تستخدم البريد العادي او تروح تسئلهم
علي العموم اذا كنت تقصد الكويت
انا كنت احط العنوان الصحيح والرمز البريدي تأليف 00965
بس انصحك تاكد من مكاتب البريد

 

[net1]

اخوي سهم مشكوور على التوضيح
اخوي سعود مشكور على التوضيح


والله يوفقكم

 

[ahmadm]

عندك حق أخوي 600 استرليني بما يعادل 270 كويتي والله سعر ممتاز

وان شاء الله راح اطلبلي واحد افضل من الشراء من الكويت حاليا وخصوصا انه مفتوح رسمي

بارك الله فيك

 

[net1]

للرفع علشان الكل يستفيد

 

[سـعـود]

وللأفادة موقع ابل يقولك نرسلها خلال 3 اسابيع بس بالواقع اهم يرسلونها قبل الثلاث اسابيع

ومازال الموضوع مفتوح لنقاش والمساعدة

( اللي دشو الموضوع اكثر من 1000 والتعليقات اقل من عشرين)

 

[مفرح]

الله يجزاك بالخير
بس حنا خوافين والله ما نحب انغامر
من الكويت ومكفول اظمن
والصبر مفتاح الفرج
لحد يستعجل

 

[سـعـود]

من هاب يوماً صعود الجبال يعش أبد الدهر بين الحفر

 

[BO-MUBARAK]

مشكور والله انا امس طلبت واحد من ابل بريطانيا ومشيت على نفس الخطوات
ودزولي تقارير الطلب وتم التسجيل باراميكس والامور الى الان ممتازه وقالو لي بعد 3 اسابيع فعلا لكن نصبر ونشوف التوصيل
طبعا كل الاجهزة من بريطانيا مفتوحه على حسب خبر سمعته

 

[سـعـود]

مشكور والله انا امس طلبت واحد من ابل بريطانيا ومشيت على نفس الخطوات
ودزولي تقارير الطلب وتم التسجيل باراميكس والامور الى الان ممتازه وقالو لي بعد 3 اسابيع فعلا لكن نصبر ونشوف التوصيل
طبعا كل الاجهزة من بريطانيا مفتوحه على حسب خبر سمعته

اذا امس طلبت انطر من عشر ايام الي اسبوعين وراح يدزون لك ايميل
فية رقم تتبع الشحنة من الصين الي بريطانيا الي ارامكس
ومثل ماقلت الاجهزة مفتوحة مادام انها من بريطانيا

 

[net1]

نبي اخر اخبار السيرفس والمؤتمر مال شركه ابل

 

[انا محمد]

سعود لو ماعليك امر دزلي رقمك على الخاص ..

يغيت استفسر منك عن شغلات ضرورية ولاتهون...

 

[سـعـود]

97651100

 

[BREMEN]

مشكور طال عمرك طلبت جهازين لي والاهل وجزاك الله خير على هالنصيحه

بس جم رسوم شحن الجهازين عن طريق ارامكس لاني بسافر والخادمه راح تستلمهم
علشان اعطيها الفلوس ؟

 

[مضبوط]

جزاك الله خير والله كفوا كفيت ووفيت

 

[سـعـود]

الرسوم علي حسب وزن الشحنة
اذا ايفون واحد
اعتقد الغالبية يكون وزنة 600 جرام
يعني 1.2 كيلو
الرسوم اول نص كيلو 3 دنانير وكل نص كيلو بعدة 2.5 دينار
وفية رسوم تخليص جمارك دينار
يعني
1.2 تساوي 8 دنانير + دينار = 9 دنانير للجهازين

 

[BREMEN]

الرسوم علي حسب وزن الشحنة
اذا ايفون واحد
اعتقد الغالبية يكون وزنة 600 جرام
يعني 1.2 كيلو
الرسوم اول نص كيلو 3 دنانير وكل نص كيلو بعدة 2.5 دينار
وفية رسوم تخليص جمارك دينار
يعني
1.2 تساوي 8 دنانير + دينار = 9 دنانير للجهازين

thanks

 

[سـعـود]

العفوو ومبروك عليك الجهاز الجديد وتكسرة بالعافية


يا اخوان انا ما ابيع اجهزة ايفون ولا عندي اجهزة للبيع
لان فية شباب يتصلون علي يبون يشترون
الطريقة واضحة وتقدر تطلب اذا اتبعت الخطوات


الزوار اكثر 1600 واللي قالو شكرا يعدون علي اصابع اليد

اذا استفدت من الموضوع قيم الموضوع من القائمة فوق

 

[ABo al-Noor]

يعطيك العافية


شرح وافي

واذا بغيت اطلب اكيد موضوعك هو مرجع لي ولغيري

 

[My LoVe]

بو عزوز مشكوور وايد ويعطيك العافيه وتستاهل 10 على 10

 

[My LoVe]

اخوي بس ممكن تشرح طلب ايفون 4 من موقعهم الاستور البريطاني ..

ابي من اول شي لمن تسوي حساب ايتونز يطلعلي بيلينق مادري شنو قولي خانه خانه شنو احط فيها ولمن انطق نكست

ياريت شرح اكثر .. الله يخليك ويحفظك

وسؤال ثاني انا عندي حساب بأرامكس بأسمي اقدر اطلب فيه بفيزه بأسم ثاني ؟

يعني الارامكس بأسمي والفيزا مو بأسمي عادي ؟

مشكوووووووووووووووووور وايد