انتفاضة بعارين ضد سائقي الشحنات اسفرة عن مقتل الجميع

[abdullah6868]

انتفاضة بعارين ضد سائقي الشحنات اسفرة عن مقتل الجميع

 

[Low Fat]

لا حول ولا قوة إلا بالله العلي العظيم

حادث دموي ومأساوي

نسأل الله السلامه لجميع المسلمين .. اللهم آمين.​

 

[بحريني1972]

هذي المشكله الاكبر بخطوط السفر

اول امس انا راجع من البحرين تقريبا بعد الدمام ب 80 كيلو تفاجئنا بخروج عدد 2 بعير علي الشارع العام وكان بالليل دعمهم واحد عنده كامري والله لا يواريك شنو صار بالكامري

الله يستر علي الجميع يارب

وشكرا لك

 

[قلم حر]

والله مشكله كبيره السفر بالسياره بسبب البعارين

الله يستر على الجميع​

 

[acton]

انا بعرف اشلون اصحاب الحلال يطمئن ويخليهم يرعون بجانب الخط السريع مع ان ارض الله واسعه​

 

[acton]

والله مشكله كبيره السفر بالسياره بسبب البعارين

الله يستر على الجميع​

يالله تسكنهم مساكنهم قلموه اشفيك عسى ماشر جذي تخليني افك الصحبه معاك انا خابرك تخاف تذبح قطوه اشفيك حاط توقيعك دم وسكين ناوي على منو ​

 

[ابوهمبكه]

​

لاحول ولا قوه الابالله الحادث والله خطير والله قبل كم سنه سيارت بلديه على خط السالمي قدامنا دعم 7 بعارين السائق ماصار فيه شي الحمدالله والله مشكله اهل الحلال الله يستر علينا وعليكم من الطريق

 

[abdullah6868]

هذى اللى يكرهنى السفر بالليل
لانه من بعد التحرير وانا دايما اسافر للامارات وعمان بالسيارة
واخطر طريق اللى بعد الاحساء لغاية مركز الغويفات الاماراتى
حفظكم الله جميعا
ونورتونا ياحبايب

 

[sound blaster]

يجماعه الغلط على راعي الحلال .. الي مسيب حلاله

أنا دعمت بالكويت بغنم واحد أهبل يرعى بالشارع .. وصاحبي تكسر مع الجام الأمامي..

بس ربك ستر..!

الله يبعدنا وياكم عن شر الحوادث

 

[abdullah6868]

يجماعه الغلط على راعي الحلال .. الي مسيب حلاله

أنا دعمت بالكويت بغنم واحد أهبل يرعى بالشارع .. وصاحبي تكسر مع الجام الأمامي..

بس ربك ستر..!

الله يبعدنا وياكم عن شر الحوادث

ما تشوف شر يابو سليمان

بس دير بالك على الموتر الجديد

 

[بحريني1972]

نصيحه يا اخوان لا تسافر بالليل لانه وايد خطر وماتشوف الشارع زين وانا اقول هذا الشيئ وصارلي سنين مرات بالاسبوع اكثر من مره اسافر بس والله خطر

يا حلات مشي الفجر الطريق واضح وكل شيئ يبين امامك

صلي الفجر وقول ياكريم وتوكل علي رب العالمين

عسي ربي يحفظكم من كل شر ان شاء الله

 

[بحريني1972]

واخطر طريق اللى بعد الاحساء لغاية مركز الغويفات الاماراتى

والله ياخوي كلامك ميه بالميه صحيح

 

[abdullah6868]

واخطر طريق اللى بعد الاحساء لغاية مركز الغويفات الاماراتى

والله ياخوي كلامك ميه بالميه صحيح

لا تخاف خبرة من 1986 ايام العبور عن طريق قطر -- ابو سمرة -- وسوداانثيل -- ومركز سلوى

شفت حادث الله يكفينا شرة قادمى 1993 ما انساة طول حياتى
بين قطرى وسعودى وجه بوجة ( الله يرحمة جميعا )

نتمنى السلامة للجميع

 

[sound blaster]

ما تشوف شر يابو سليمان

بس دير بالك على الموتر الجديد

اللهم يبعد الحوادث عني وعنك .. والله يابو علي لا تشوف القتلى بحدود سبعه الله يرحمهم " طبعا سبع خرفان :d"

وراعي الحلال شايب دمعته بعينه على خرفانه ..والمشكله قاعد يرعاهم بين الشارعين على خط السالمي..

أمين بإذن الله يوصل الموتر بسلامه .. بما أن موضوع الوتر عندك الواحد يرقد ويامن

عل فكره واضح من الصور أن الحادث بالسودان ..

 

[ودي اربح]

لا حول ولا قوة الا بالله

 

[و111حد]

الله واكبر
واضح فى دولة افريقية وذابح عدد كبيييير الظاهر كان بليل وعندة سرعة عالية

 

[الكاريبي]

الحادث مو داعم الأبل أتوقع الله أعلم طايحة من فوق تريلاه كانت محمله ... ناقة وحده تعدم سيارة فمابالك بلعدد هذا وشوفو وجه التريلاه مو منعدم حيل لو داعمها كلها جان مابقي منه شي أو أنقلب أقل شي ... ترا حجم الناقة مو هين ...

الله يستر علي الناس ...

 

[مسـتـثـمـر]

لاحول ولاقوة الابالله

شئ مروع وفاجعة لصاحب الحلال

الله يكفينا واياكم شر الطريق

تسلم علي الموضوع

 

[abdullah6868]

الله يسلمكم جميعا وان شاء الله يبعد عنكم كل مكروة

 

[الهمس الخجول]

لاحول ولاقوه الا بالله \ ياحرآم كل هاالجملات توفوا