جهاز تبريد مياه الخزان
يوجد لدينا جهاز تبريد ماء الخزان الاصلي ماركة الحرم السعر 55 دينار مع التوصيل والتركيب وكفاله لمدة سنتان من تاريخ التركيب يركب علي جميع انواع التوانكي
للطلب الاتصال علي
97678984
أكيد صناعة بحرينية
السلام
إلى جميع الأخوة لا يطوفكم عرض بوخمسين السعر مناسب ومنطقي جداً..جداً للبيع بالحبة لااااا والمفروض يكون أرخص من جذي وهم ربحان أما بالنسبة للجهاز أنا بنفسي أشهد له كجوده..
لكن أبي الجميع يحكم وأتمنى المشاركة والمداخلة من الجميع حتى من إللي ضدي.. إذا كانت الكفالة من شخص (مع إحترامي للبحريني) يمكن نلقاه أو لأ في المستقبل أحسن؟ وللا الكفالة من الوكيل الرسمي والمعروف في الكويت أحسن؟؟ وإذا واجهتك معاه مشكلة عندك والحمدلله حماية المستهلك... لكن من يحميك إذا ما لقيت الشخص إللي باعك.. شنو بتسوي؟؟
وأرجع أقول للأخ بوخمسين خل اللي مقتبس إعلانه يحط له مخازن وفنيين وإدارة إتصالات وشركة كاملة ووكالة وشحن ونقل وجمارك وإعلانات في الجرايد ورسوم هيئة الصناعة وتصديقات ومندوبين وموزعين رسميين في الدولة وعروض خاصة للهيئات وخصومات عامة للزبائن، وإذا طلبته من شخص يوصلك بعد إسبوع (تقول طالب من موقع أمازون) وللا إذا طلبته من باجر يكون عندك إذا مو بنفس اليوم.... وبعدها بشوف هل راح يبيعه بـ 55 دينار راكب ومكفول؟؟؟؟؟(لما تقارن خلك عادل ووازن بين طرفي المقارنة)
كل هالالتزامات مالها حساب صح يا أخوي بوخميسن!!!؟؟
وللا إهو كلام وخلاص يا عزيزي...
للعلم الناس لما تشتري شي تحب يكون هناك جهة يرجعون لها وقت الحاجة
ولو صج جان ما قعد يبيع الجهاز بكفالة سنة طول هالوقت لو ما أثرت أنا موضوع السنتين وصار يعلن عن الكفالة سنتين.
أخي الفاضل شوفلك طريقة ثانية تهاجم فيها (بس تكون طريقة زينة) في الأول قلت أنه الجهاز مجرد شفاط وغالي ... وجاوبتك، وألحين ياي تحط إعلان البحريني لأني قلت لك من قبل مسألة تقدير السعر العالي والمناسب والرخيص مسألة تعود لك بروحك..(والظاهر إنك تضايقت لما أثبت لك جودة الجهاز)
وترى لو إنه مجرد شفاط يا بوخمسين حتى الـ 55 دينار وايد عليه (صح يا جماعة؟) روح حط لك شفاط بو 2.5 دينار...
عزيزي حتى لو كان في إختلاف في الرأي (وهذا أمر وارد في كل شي). أتمنى إنك تطرح طرح عقلاني ومنطقي
والسلام