اللي يبي يضعف يدخل ...والله اني صادق معكم...ادخلوا وشوفوا...

[تفكير تجاري]

السلام عليكم ورحمة اللة وبركاتة...

كيف الحال يا شباب ...شخباركم ...طيبين انشاللة....

ياجماعه انا بقولكم معاناتي مع السمنة....اللي ما اتخلي الواحد يلبس زين

ولا ينام زين ...ولا يكشخ....واتصير اغلب امورة فيها احراج...

والله انا بقولكم كل شي بصراحة والله والله والله ....علي ما اقول شهيد ...

انا بديت شهر 2 اللي طاف الريجيم وكان وزني تقريبا 99 كيلو...والطول 168

يعني صاير مثل درام ....وبديت الريجيم ونصحني شخص ((مطوع)) مدرب

والجنسية...((م..ي))اني اخذ ((ليبو 6)) وقاعد يشرحلي اني بشهر واحد

انزل حوالي 10 كيلو ....

المهم بديت اخذ ((اليبو)) وياليتني ما اخذته......

والله (( 1/صداع ........2/اكتئاب........3/مغص موطبيعي.....4/نفسية


صفر..واشياء ثانية

ما اقدر اقولكم عليها .........

طبعن كان امداوم...وانا مدرس ...طبعن لاقولكم شنو سويت بالطلبة ...

ومع كل هذا استمريت ولاكن ماكوووووووو فايدة والله ما نزل وزني ...

وبعدها فكرررررررررررت وامعنت التفكير ........... قلت مالي الا الريجيم

الصحي ......شنو سويت ......انا اقولكم ...اول شي رحت لمحل تمر

وجبت تمر ....((صقعي)) طبعن اسالوني عن فايدتة والله مو طبيعية

يا جماعه التمر صحة ....انا ما توقعتة جذي....المهم استخدمت التمر

الصبح قبل الدوام ...(7) حبات ..مع عصير برتقال....والغدا ...((1/صدر

دجاجة مع روب خالي الدسم ....وخبز اسمر ....وبليل ...1/بيض مسلوق مع

خبز اسمر ....

ومع الريجيم ...يوميا اروح حق شارع المشاة ...2 كيلو مشي ....وانا اللي راد

وانا الحين نزلت 10 كيلو او 12 كيلو بغضون شهرين وبدون اعراض وبدون

علاجات وحبوب ...والله ان هاذا ريجيمي ...وانصحكم فية ....الحبوب شوفوا

شنو مضارها ...فشل كلوي ...وسرطان ...ومشاكل غدد... والخ .....

واللي عنده اي استفسار انا حاضر ....والسلام عليكم ورحمة اللة وبركاتة..

 

[فجر الكويت]

شكرا اخوي على المعلومات الطيبه فعلا التمر جدا مفيد

 

[sound blaster]

غريبه ماكو ردود..!

لو الأخ مو كاتب نصيحه وتحذير .. وحاط أعلان عن منتج مظروب جان الردود طق مطاقق

مشكور يالغالي وبميزان حسناتك ..

وأستفدنا من كلامك

بالتوفيق ..

 

[بحريني1972]

شكرا لك وعسي ربي يديم عليك الصحه والعافيه يارب

شكرا

 

[النعوس للحدادة]

اللة يجزاك خير ياخوي

...

 

[بوحمود1]

اهم شى انك اذا قطعت الريجيم /// انك ماترجع حق وزنك القديم

وبالتوفيق ان شاءالله

 

[لسه فاكر]

ماشاء الله عليك كفووو ....

هذا الشغل الطبيعي والصحي بدون حبوب وعلاجات وأضرار ...

الله يعطيك الصحه والعافية ومبروك التنحيف ​

 

[kw-serv]

الله يوفقك
ويعطيك الصحة لتحذير اخوانك في الاسلام

 

[بدون مجامله]

الله يعطيك العافيه على الرابط المفيد اخوي انا نفس معاناتك لا لكن مو بالصوره الي ذكرتها الشاهد وزني قبل 4 شهور 103 والان 95 وترى مو رجيم ساعات اخربط لكن الاهم اقطع كل شي له علاقه بالنشويات ,,,النشويات يالغالي اقدر اقول لك دمار شامل لصحة الانسان وهو الرز الخبز جميع المعجنات المعكرونه البيتزا +السكريات طيب شنو البديل البيض اللحم السمك الدجاج البروكلي الملفوف الجرجير الخس المهم ابعد عن النشويات صدقني راح تنزل على الراحه

 

[NEDVED]

عساك عالقوة اخوي
وصاج الحبوب ما وراهم الا الامراض
اانا كنت اسوي رجيم التمر واللبن
كنت اكل سبع تمرات مع لبن اكتيفيا بالريوق والغدا والعشا
الحساب طلع 21 تمر مع ثلاث قلاصات لبن اكتيفيا واشرب جاي وقهوة بدون شكر
نزلت خلال اربع ايام 3 كيلوات وليومك هذا اللي نزلته مارجع مره ثانيه
تحياتي لك

 

[وليد السعيدي]

الله يعطيك العافيه ..

كلامك صحيح 100 % وكل اللي يقوولوون ما ندري عن مخاطر حبوب التخسيس جذااااب


بس المشكله منو اللي عنده ارااده ... والله اني جربت انواع الرجيم وكل انواع الحبوب جربتها بس المشكله بعد ماقطع الرجيم او الحبوب امتن اكثر من قبل ..

ورحت لدكاتره تغذيه وبصراحه كلهم خرطي .. الا بصراحه في دكتوور اسمه اساامه نزلت خلال اسبوعين 4 كيلو وكلهم دهوون مو سوائل .. بس المشكله انا ما عندي ارااده حدي بالرجيم اسبوعين وبعدين اقطع وبصراحه لما نزلت ما رجعت بسرعه طولت على ما زدت اللي نزلته

بس للاسف حاليا خربطت كل شي وزاد وزني

وارجع واقووول الله يعطيك العافيه على النصيحه

 

[alwadey]

مشكور اخوى على النصيحه الى اكثر من رائعه

وجزاك الله خير ويجعلها ربى فى ميزان اعمالك

وفعلا لو احنا بس نتبع المشى جان امورنا زانت

 

[أبو فارس 454]

أخى العزيز
فعلا موضوعك يستحق الأشاده
لأنه من واقع تجربة شخصيه
وممراسة الرياضة واتباع التغذيه الصحيه السليمه
وخاصة المشى السريع
له فوائد كثيره
ونتمنى الصحه للجميع
شكرا لك أخى العزيز

 

[Low Fat]

قشرة أسبغول

1 تساعد على تخفيف الكلسترول والدهون في الدم
2 تساعد على تخفيف الحموضه الزائده وىلام قرحة المعده
3 تساعد على تخفيف الإمساك المزمن والعارض
4 تساعد على تخفيف أعراض القولون
5 تساعد على إراحة المصابين بالبواسير
6 أفضل وسيله لتنظيف المعده والأمعاء بطريقه آمنه

والله أني أستعملها من أربع سنوات من تركت النوادي الصحيه وتساعد على المحافظه على الوزن والرجيم كان معاي بالنادي صاحب محل عسل معجزة الشفاء بويوسف ونصحني فيها للمحافظه على الوزن وكان يستخدمها بالظبط تمشي البطن بدون أسهال أكرمكم الله تركتها لمده 4 شهور ولم تسبب لي أي أمساك بس زاد الوزن ورديت أستخدمها

اللي يبي يسوي رجيم خفيف ويستخدمها أظمن له ينزل 3 كيلو بالشهر أقل شئ بحول الله وقوته

والله مو دعايه لهم بس تجربة 4 سنوات .. صارت جزء من حياتي

تباع بالجمعيات بـ 550 فلس​

 

[® دولار ®]

جزاك الله خير - ياديرتن مابها فطاير

 

[بدون مجامله]

قشرة أسبغول
1 تساعد على تخفيف الكلسترول والدهون في الدم
2 تساعد على تخفيف الحموضه الزائده وىلام قرحة المعده
3 تساعد على تخفيف الإمساك المزمن والعارض
4 تساعد على تخفيف أعراض القولون
5 تساعد على إراحة المصابين بالبواسير
6 أفضل وسيله لتنظيف المعده والأمعاء بطريقه آمنه

والله أني أستعملها من أربع سنوات من تركت النوادي الصحيه وتساعد على المحافظه على الوزن والرجيم كان معاي بالنادي صاحب محل عسل معجزة الشفاء بويوسف ونصحني فيها للمحافظه على الوزن وكان يستخدمها بالظبط تمشي البطن بدون أسهال أكرمكم الله تركتها لمده 4 شهور ولم تسبب لي أي أمساك بس زاد الوزن ورديت أستخدمها

اللي يبي يسوي رجيم خفيف ويستخدمها أظمن له ينزل 3 كيلو بالشهر أقل شئ بحول الله وقوته

والله مو دعايه لهم بس تجربة 4 سنوات .. صارت جزء من حياتي

تباع بالجمعيات بـ 550 فلس​

يالطيب وين احصلها بالصيدليه او الجمعيه وهل على شكل حبوب ام عشبه

 

[بدون مجامله]

يالطيب وين احصلها بالصيدليه او الجمعيه وهل على شكل حبوب ام عشبه

العتب على النظر تباع بالجمعيه مثل ماذكرت