اذا اخترب مثبت السرعه تعلم شلون تصلحه

[hbtko]

السلام عليكم

اخترب مثبت السرعه بسيارة صاحبي ودوامه بعيد عالحدود

وافتر طبعا على السوريين الكهربجيه وفكو له السكان ولعبو بالوايرات

ولعبوا بالسياره وتلعوز وكل واحد يقوله كتاوت مجمع سكان مال المساحات

دقمه سويج والخ .

ما اطول عليكم اخر شي راح لمهندس هندي بعد مرور سنه

وبدل عنده الزيت والفلتر وقاله مثبت السرعه خربان تدرون شنو قاله؟؟؟

قاله شب الليت ودوس بريك ..طلع عنده لمبه بالسطابات الخلفيه محترقه

والسطابات الخلفيه نظام سفتي مع المثبت السرعه اذا فيهم خلل ما يشتغل
المثبت وبدل اللمبه بلاش واشتغل المثبت

اقدم لكم هذه المعلومه

وارجو ان تدعوا لي بالتوفيق
والسلام ختام

 

[sn3]

مشكور اخوي وعسى الله يوفقك دنيا واخره

 

[بو شيشه]

يعطيك العافيه
معلومتك هذي لمساعدة غيرك بميزان حسناتك ان شاء الله

 

[باحث الانترنت]

نعم جزاك الله خير

بميزان حسناتك وشكرا لك على وقتك اللى قضيته بكتابة الموضوع واحيك على حرصك

انا صارت معاي قبل فتره وبعت السياره بسبب ان السورين فكو السكان ولعبو بالوايرات وبالاخير قال

حتى الايرباق خربوه راجع الوكاله بس طلعت من جبدهم فوق 250 دينار عشان اللقافه وعفستهم

بالسياره

وبالاخير بعت السياره لانى عفتها بسعر اقل من السوق لهذا السبب

 

[jassem777]

جزاك الله خير

 

[خالد32]

الله يجزاك خير ويكثر من امثالك .. بس تصدق انا يعجبني الشخص لمن اجيه اقوله الخراب اللي بسيارتي يقول مااعرف احترمه وقد اعطيه دينار على صراحته لكن بعض البهايم حتى لومايعرف يدخل دماغه بالسياره ويفك نص البراغي ويعفس لك الدنيا..
انا عندي برادو توني شاريه بطت جبدي فيه شغله وانا امشي الكبوت يتحرك وقلت ابالي اكيد مع الوقت وانا مسرع راح يصفق بالجام قلت بسأل رحت كراج قالي خلها عندنا نفكه ونعيد ميزانه ونشد براغيه وراح يكلفك 35 تعرف هالاشكال اللي يكبرون المواضيع بدها نهار كامل يازلمه !! ورحت قلت لاتفرغت يمكن اشوف غيره والوكاله قالو مر الحداده وخلها قلت وليه مالي خلق اجار سياره بروحي توني شاريها وصارلي شهرين مأجر ودخت من حراج لي مكاتب.. المهم والله يااخوان ماتصدقون مريت ايراني شريف بالاحمدي راعي بنشر وغاسل ايدي منه ماره على شغله ثانيه مطارة الماي مالت الراديتر اشوف مايها وردي طالع برا قلت اساله قال لاعادي كل التويوتا جذي اذا الماي جديد قلت خل اشوفه دامه نفخلي هوى وموراظي ياخذ فلوس قلتله اخوي هذا الكبوت يتحرك شلون الطريقه حركه بيده وهو مسكر قال بطل الكبوت في ربلتين يجون بالكبوت من داخل شدهم بيده ماخذى ثانيه ونص سكره والله ولاحركه رد لوضعه الطبيعي لااله الا الله وهم مارضى ياخذ فلوس يااخوان لانه شريف وفاهم بوصفلكم مكانه اذا خليت الساير على يسارك مال الخدمه كمل سيدا آخر محل بالصناعيه قبال البقاله البقاله يسار اهو يصير يمين آخر محل بالسطره ماوراه الا البراحه وعنده بطاريات تيوتا الوكاله ودهن الوكاله وشغله مرتب انا بتعامل معاه ورخيص ومرتب

 

[4x4]

مشكوور على المعلوومه الحلوه والله يرحم والديك ويغفرلهم والمسلميين أجمعيين.

 

[you1]

الله يجزاك خير علي الموضوع...
انا صار معي نفس كلامك بالضبط... عندي فان شفر ومخلية للسفر وكلة واقف واذا بغيت اسافر بدلت الدهن ومشيت وكان المثبت شغال ومرة من المرات يوم جيت اسافر وضبطت كل شي الا المثبت مايشتغل المهم خليتة ويوم رجعت قلت اسوية ... والله ياشباب ماخليت احد مارحت لة وماخليت قطعة مابدلتها(عندي فكرة ميكانيكية وكهربائية بسيطة ايام السبورتات بالثمانينات) المهم يوم مليت وديتة لواحد بالفروانية وشافة قال ما اشتغل بالفانات شغلها تعب .. قلت انا فاك الديكور وانت اذا صلحت المثبت لاتركب الديكور انا اركبة وقلت لة صلحة ولك اللي تبي قال زين وخليتة عندة بعد ساعة دق علي قال خالص رحت وقلت لة بكم قال 40 دينار عطيتة الفلوس وقلت حلال عليك بس علمني شسويت؟؟؟ ما رضي يعلمني وقال لي اذا اخترب عليك شيك علي ليتات البريك؟؟؟؟؟!!!! واكتشفت الخلل اخيرا... طلعت لمبة محترقة...وسامحوني علي الاطالة..

 

[ابومحمد@]

الله يحرس الكويت وشعبه
من هل الاشكال النصابين
ناكرين الجميل الي عيشتهم بعد الله
على الكويت واهله

 

[الوسيط الاكترون]

معلومة حلوة اخوي بس اشنوع السيارة

 

[w_e_e_b]

والله انا مااودي سيارتي عند واحد يقول ( شو بحكيلك روحلك مشوار وشي ساعه
تكون خالصه ) حتى لو كان زين لانه مانعرف الزين من الشين
الهندي والايراني صج ياخذ بزياده 5 ولا 10 بس ماترد عنه
انا صارلي مع سوري سالفه عداد الحراره مايشتغل لقيت لفيت والكل يقول سو وركب
ولي يقول ركب ساعه خارجيه قلت لا عداد السياره اعدله
وقالولي في خبير سوري روحله وحاول يلف على خل السياره وخل افحصه
وانا معزم اني اوقف فوق راسه وحاول فيني اني اوخر وطلبلي جاي
عشان اوخر وقالي تكلفك 50 قلت انزين شنو المشكله اخر شي والله ياجماعه
((((الهوز مال العداد الى ورى المكينه فالت )))) المشكله فك صوب الراديتر عشان يوهمني انه
اهوى صلحه بس شفت ايده امدت جدام اخر شي 50 وموراضي ينزل قلتله
ترى انت بس ركبت هوز انصدم قال لا شو هد انا مساويه فكيت الهوز وخترب العداد قتله شنو
مسوي قال لو قايل انه في مشكله بالعداد جان فكيت الطبلون ولعبت بالعداد
والله النصب هسورين
سوري على الاطاله

 

[luter]

الله يجزاك خير علي الموضوع...
شريت مرسيدس بنت الحوت فرق سنتين عن موديل السنة ونظيف ماشى 45 الف بعد اسبوع طلع صوت من تحت مكان القير اذا امشى فى السيارة يطلع صوت يزيد ويقل حسب السرعة
مريت الاول بعد فحص ساعة قال القير يبى تجفيت ويكلف 350 دينار
مريت الثانى وهم بعد فحص ساعتين قال القير يبى تبديل او تجفيت
الثالث قام يركض ورى السيارة علشان يسمع الصوت عدل وبعد 3 كيلو قال لى وهو يلهث وعيونة حمر لازم تجفت الجير واغمى علية
المهم يا الربع رحت عند شايب ايرانى قصير وضعيف ونظرة على قدة ما يشوف شى
نام تحتها دقيقة وقال لى عطنى هذيك السكين
عطيتة السكين واشوفة قام يقص شى من تحت طلع بعد دقيقة بأيدة قطعة ربل بلاستك صغيرة قال لى هذى من كفر حماية البدى من تحت اشوى نازلة على عمود القاردن وقاعدة تطلع هالصوت
وفعلا اختفى الصوت وكأنة لم يكن
قلت لة جزاك الله خير وكم حسابك قال ألى تدفعة قلت لة راح اعطيك 20 دينار مو علشان تعبك لكن علشان شطارتك
واخيرا يا اخوان كلمة حق
دول مثل سوريا او مصر او ايران قليل تحصل فيها سيارات امريكية او يابانية او المانية من موديل 2000 وانت طالع يعنى العامل فيهم ما يتعلم الا فى الكويت
واذا سيارتك اخربت عاد انت وحظك يا تطيح على واحد متعلم على حساب غيرك وألا يبى يتعلم التحسونة براسك
فمان الله

 

[ميكانيكي]

الله يجزاك خير علي الموضوع...
شريت مرسيدس بنت الحوت فرق سنتين عن موديل السنة ونظيف ماشى 45 الف بعد اسبوع طلع صوت من تحت مكان القير اذا امشى فى السيارة يطلع صوت يزيد ويقل حسب السرعة
مريت الاول بعد فحص ساعة قال القير يبى تجفيت ويكلف 350 دينار
مريت الثانى وهم بعد فحص ساعتين قال القير يبى تبديل او تجفيت
الثالث قام يركض ورى السيارة علشان يسمع الصوت عدل وبعد 3 كيلو قال لى وهو يلهث وعيونة حمر لازم تجفت الجير واغمى علية
المهم يا الربع رحت عند شايب ايرانى قصير وضعيف ونظرة على قدة ما يشوف شى
نام تحتها دقيقة وقال لى عطنى هذيك السكين
عطيتة السكين واشوفة قام يقص شى من تحت طلع بعد دقيقة بأيدة قطعة ربل بلاستك صغيرة قال لى هذى من كفر حماية البدى من تحت اشوى نازلة على عمود القاردن وقاعدة تطلع هالصوت
وفعلا اختفى الصوت وكأنة لم يكن
قلت لة جزاك الله خير وكم حسابك قال ألى تدفعة قلت لة راح اعطيك 20 دينار مو علشان تعبك لكن علشان شطارتك
واخيرا يا اخوان كلمة حق
دول مثل سوريا او مصر او ايران قليل تحصل فيها سيارات امريكية او يابانية او المانية من موديل 2000 وانت طالع يعنى العامل فيهم ما يتعلم الا فى الكويت
واذا سيارتك اخربت عاد انت وحظك يا تطيح على واحد متعلم على حساب غيرك وألا يبى يتعلم التحسونة براسك
فمان الله

هههههههههههههههههههههه

حلوه :d

 

[بوحمود1]

ياجماعه ///// اى واحد يقولك خل السيارة وتعال بعد ساعة او اكثر ــــــــــ ترا السالفة كلها جذب

السيارة مافيها شى واهو عارف الخراب والشغلة ماتاخذ دقيقة ////// بس اهو يبيك تروح ولما ترجع يقولك انا سويت وسويت واهوا ما سوا شى ،،،،،،،،، وشكثر صارت سوالف معاى ومع الربع ومع الاخوان ،،،، حطوا بالكم من هالحرامية اذا يبى ايسويلك السيارة خل يسويها وانت واقف عنده وخلك قاعد على راسه والله يبعد عنا وعنكم هالاشكال اللى ماتخاف الله

 

[العساف7777]

جزاك الله خير وبارك الله فيك

 

[ali kh]

مشكور وماقصرت...

 

[Maxima]

الله يعطيك العافيه وبارك الله فيك
شنو نوع سيارة صاحبك

 

[(abdullah(z]

جزاك الله خير ياصاحب الموضوع معلومه جدا مهمه وكثير من لايعلمها ,,

معلومة حلوة اخوي بس اشنوع السيارة

الله يعطيك العافيه وبارك الله فيك
شنو نوع سيارة صاحبك

بالنسبه معاي حصلت قبل جم سنه كان عندي شفر كابريس
وفجأه فصل المثبت وصار مايشتغل ونصحني صديق الله يجزاه ويجزاكم خير
(تعرفون الشفر يكون في ليت حق البريك فوق الدبه وراا الجام الخلفي بالوسط) هذا اذا اختربت فيه لمبه انسا يشتغل ومن بدلت اللمبه بربع دينار ! اشتغل 100% لأن فيه سنسر من تخترب اللمبه مايشتغل المثبت,,
وبالتوفيق ​

 

[hbtko]

اشكر تفاعلكم على الموضوع

واخواني الذين يسألون عن نوع السياره حصلت لشفر وايضا سوبرمان

وحسب خبرتي جميع السيارات متصل المثبت بالسطابات الخلفيه البرمجه جذي جميع المواتر

 

[sportsaaad]

تدرون شنو المشكله يا جماعه ، احنا بالكويت ما عندنا قانون يثبت أن العامل يحمل شهاده في الحرفة ، جميع العمال يعملون بدون شهاده .

اللي يقول انا كهربائي واللي يقول انا ميكانيكي واللي يقول انا بتاع كلو ، وكلهم يتعلمون على سياراتنا ولما يصلحونها يخربون شي ثاني .