طلب نصيحه

[yoyo1983]

ما خاب من استشار




عندي 200 الف وابي اشتري بيت ويكون مو سكن لي ابيه استثمار شنو تنصحوني في اي منطقه اختار وشلون اختار على المساحه او على البنيان ؟

وشكرا ​

 

[بو شيشه]

بالتوفيق ان شاء الله
تسلفيني ألف لآخر الشهر

 

[almellyarder]

سلام عليكم

مبلغ 200 الف د.ك ما أفتكر مبلغ كبير يعني أقل مبلغ بالمناطق تكون كثافة السكان عالية ومستعدين يسكنو في شقق غرفتين وصالة يعني أنت محتاج عمارة سكنية طبعا من غير الارض أنت محتاج فوق المبلغ بعد 100 الف د.ك .

بس ممكن تشتري بيتين في منطقة الفردوس وتسوي دور ثالث لكل بيت وتأجر كل دور بمبلغ 300 د.ك يعني 300 × 6 = 1800 د.ك شهري وممكن أن تزيد كم ملحق وتوصل بالشهر 2000 د.ك راح تلاقي بيوت من 85000 د.ك الى 95000 د.ك . وهذا عملي ولك الحرية .

 

[yoyo1983]

بالتوفيق ان شاء الله
تسلفيني ألف لآخر الشهر

تستاهل اخوي

 

[yoyo1983]

سلام عليكم

مبلغ 200 الف د.ك ما أفتكر مبلغ كبير يعني أقل مبلغ بالمناطق تكون كثافة السكان عالية ومستعدين يسكنو في شقق غرفتين وصالة يعني أنت محتاج عمارة سكنية طبعا من غير الارض أنت محتاج فوق المبلغ بعد 100 الف د.ك .

بس ممكن تشتري بيتين في منطقة الفردوس وتسوي دور ثالث لكل بيت وتأجر كل دور بمبلغ 300 د.ك يعني 300 × 6 = 1800 د.ك شهري وممكن أن تزيد كم ملحق وتوصل بالشهر 2000 د.ك راح تلاقي بيوت من 85000 د.ك الى 95000 د.ك . وهذا عملي ولك الحرية .

شكرا لك

 

[الماستر الكويتي]

الله يوفقك

 

[Perfumes2009]

200 الف مايسون شئ الحلين والله اخوى

اصبر شوى اخوى لين تتضح الامور

وموفق يالغالى

 

[المطبه]

200

ألف حرام تقطهم علي أرض 400م أو عقار الكويت العقار غالي جداااااا من رأي أنك أتأني لاتستعجل ال200 ألف تشتري فيها بلوك كامل في دول الخليج أو فريج في الدول العربيه

​

 

[shotter]

اخوي روح بيت التمويل وقول لهم اشترولي ارض في حولي ولا السالميه وابنوها لي عماره وهذي 200 الف مقدم وخلهم يبنوها لك وياخذون نصيبهم والباقي لك والله يرزقك ويرزق المسلمين ...

 

[nsm]

ما خاب من استشار




عندي 200 الف وابي اشتري بيت ويكون مو سكن لي ابيه استثمار شنو تنصحوني في اي منطقه اختار وشلون اختار على المساحه او على البنيان ؟

وشكرا ​

الله يوفقك

الاندلس اسعار البيوت فيها من 160 الف وانت طالع وتعتبر استثماريه لانها اغلبها ايجارات وبالنسبه للمدخول الشهري لا يقل عن 900 وفوق
ومساحتها لا تقل عن 500م
ولأي استفسار ثاني انا حاضر

 

[السوق توافيق]

اخوي روح بيت التمويل وقول لهم اشترولي ارض في حولي ولا السالميه وابنوها لي عماره وهذي 200 الف مقدم وخلهم يبنوها لك وياخذون نصيبهم والباقي لك والله يرزقك ويرزق المسلمين ...

اختي سويت ليلى صباح الخير

انا اتفق مع اخوي shotter في الراي 100% .وهو تفويض بيت التمويل بشراء الارض وبنائها وادارتها لمدة خمس سنوات ومن ثم يرجع استثمار العقار بالكامل لج.

واسا الله لك التوفيق والنجاح
ولا تنسينا بصالح الدعاء..

 

[yoyo1983]

جزاكم الله خير على تفاعلكم ومحتاجه بعد اراء
ادري طماعه

 

[ابو عيسى]

بعطيج مشروع لأني من محبين مواضيعج

شرايج بمشروع يدخل اكثر من عمارتين 7 ادوار

شوفيلج ارض واجريها من صاحبها

والمشروع ملعب كره قدم عشب صناعي الساعه بــ 25 دينار

لو نقول بتأجرين بالصيف من الساعه 6 المغرب الى الساعه 2

12 ساعه × 25 د.ك = 300 باليوم بالشهر يعني 9000 د.ك بالشهر هذا بالصيف

بالشتا قولي من الساعه 4 وغير الدورات الرمضانيه

غير البقاله اللي مو جنها لج

يكلف الملعب حوالي 35 الف

شرااااااااااايج وعلى فكره الملاعب هذي مرغوبه وعليها طق عصي

 

[القصاص 2]

200

ألف حرام تقطهم علي أرض 400م أو عقار الكويت العقار غالي جداااااا من رأي أنك أتأني لاتستعجل ال200 ألف تشتري فيها بلوك كامل في دول الخليج أو فريج في الدول العربيه

​

السلام عليكم ورحمة الله وبركاتة
واذا كان الرجل كويتي الجنسية ويريد ان يشتري في بلده الكويت ماذا يفعل وشكرا

 

[مساهم11]

يسعد مساك اختي ليلي
واتشرف بتقديم النصح ولو انك خبيره ولكن تزتزيدين لاخذ الراي

عموما اختي اول شي استخيري بالدخول في العقار اكثر من مره

ثانيا - لا تستعجلين خذي الامور برويه وهدوء كعادتك بالهدوء

ثالثا - انا انصحك بالمناطق الي فيها كثافه سكانيه ومتوسطه البلد

رابعا - شوفي عروض المكاتب العقاريه يمكن يعجبك شي وبالاخص لو كان مؤجر

خامسا- العقار الي بتشترينه تأكدي من بناءه جديد قديم مرمم وعلي ضوءه يختلف السعر

سادسا - فكري بموضوع التأجير وجع الراس مع المؤجرين وبالاخص الكويتيين اسألي مجرب

سابعا - خذي لك جوله ميدانيه للمناطق الي تقترح عليك والنظر يختلف عن الخبر

ثامنا انا شخصيا انصحك بمنطقة الرقة لعدة اسباب منطقه فيها كل الخدمات وارض صلبه
ومرغوبه وساكنيها من كل الشرائه بدو حضر سنه شيعه ووافدين واسعارها نوعا ما مقبوله
والايجارات تكاد تكون معدومه لان العرض اقل من الطلب
ومبلغك هذا بجيب لك بيت علي زوايه ومبني ويمكن مؤجر جاخز
واقل دخل 1000 دينار اذا مو اكثر

وبالنهايه القرار لك اختي
واتمني من كل قلبي لك التوفيق والسداد والصلاح
لانك دوما الاخت المنصحه والحنونه للجميع

 

[life-enginer]

تشترين ارض استثماري

وبنائها عن طريق بنك مو شرط بيت التمويل

7 ادوار شهريآ مردودهم لا يقل عن 6000 دينار

ويخصم القسط من الايجار

والله يوفقج

 

[مساهم11]

حبيت انوه بشغله
بعض الاخوه ينصك بالشراء عن طريق بنك
وهذا خطا كبير اولا لان مبلغك محترم
والي بيشتري من بنك الي ما عنده رأس مال ويشتري برهن العقار

وراح اسرد لك قصة قريب لي اشتري عن طريق بيت التمويل عماره بالفنطاس
وجات فترة وخليت العماره من اغلب ساكنيها لبناء عمارات جديده وايجارات ارخص
والعمارات اغلب مردودها علي الوافدين وهم يدورن الرخص لو بعشر دنانيير

فلي حصل ان بيت التمويل عرض العماره بالمزاد لتوقف عن السداد بسبب خلو العماره
فاخذ بيت التمويل فلوسه ولا عاد صفي للرجال الا 10 الاف دينار
والحين ساكن بالايجار

 

[q8_king1]

لك خيارين اما تشترين منزل بالاندلس او سلوي ويكون استثماري ودخلة لايقل عن 1500 دينار او تتفقين معة احد البنوك ويفضل اسلامي وتخلين 200 الف دفعة نفس ماقال الاخوان وخلال خمس سنوات الي سبع سنوات انتي مكيشة العمارة ودخلها بالكامل لج والله يوفق الجميع

 

[yoyo1983]

لكم الشكر جميعا استفدت منكم عسى الله يوفقكم

 

[ابو عيسى]

اهلن وسهلن ومشروعي اقوى واااحد عسى الله يوفقج