النصيحة يا اهل الخبرة بخصوص تأجير بيت الحكومه وجزاكم الله خير

[salemku]

طلع لي بيت في منطقه سعد العبدالله والمنطقه بعيده على جماعتي وارغب البدل في فهد الاحمد بس الامور هذي يبيلها وقت
وابي ااجر البيت مثل غيري بس وايد قالو لي ان البيت ممكن ينسحب مني
ارجو الافادة والنصيحه

 

[سهم استراتيجى]

وازيدك المؤجرين والمكاتب عارفين هالسالفة( التأجير ممنوع ) ويماطلون بدفع الايجار شهر يعطيك وشهر طاف يعني مناشب ومشاكل غير خراب البيت واذية الجيران لان البيت يسكنة اكثر من عائلة ويسون زحمة بالشارع ويدعون عليك جيرانك الامر اللي يغفل عنة كثير !!!

 

[بوو سعود]

لاتخوف الرجال الله يهديك

حبيبي انا ادور بيت للايجار لي عائله واحده توني بادي ابني بيتي اذا حاب تاجره انا اخذه منك وانشاء الله ثقه واخوان ......

 

[عصويد]

الله يشفي كل مريض ياخوي اجر دور وسكن بدور ولا اقول اجره وماجاك عندي

 

[بومحمـد]

اعطيك 3 سنوات ايجار بشرط سعر معقول و بعقد ايجار يضمن حقي و حقك
راسلني عالخاص اذا لك نيه

و على فكره بيوت سعد العبدالله اكثر من نصها ايجارات

 

[بوو سعود]

راسلتك علي الخاص يابو محمد

 

[بومحمـد]

بو سعود ما عندي بيت
انا ادور ايجار مثلك

اتمنى لك التوفيق والله يابو سعود

 

[مشعل المحامي]

اخي الكريم

نصيحه لوجه الله

اما انك تاجره لشخص معرفه وتثق فيه وا انك تطلب بدل لمنطقه قريبه منك

لان ايجار بيت حكومه ممكن اذا طوف المستاجر ايجارات وضغطت عليه ممكن يبلغ عنك وتفلس من البيت والايجار
اخذ النصيحه مني وتوكل على الله

 

[بومحمـد]

اخي الكريم

نصيحه لوجه الله

اما انك تاجره لشخص معرفه وتثق فيه وا انك تطلب بدل لمنطقه قريبه منك

لان ايجار بيت حكومه ممكن اذا طوف المستاجر ايجارات وضغطت عليه ممكن يبلغ عنك وتفلس من البيت والايجار
اخذ النصيحه مني وتوكل على الله

بارك الله فيك اخوي مشعل على التوضيح

بس أقدر اسوي عقد عند محامي معاه بأني أدفع مقدم كل ست شهور
يعني ما أعطيه ايجار متأخر
يعني اذا دفعت 6 شهور من 7 الى 12 أعطيه 6 شهور أخرى قبل شهر 1

انا ابي اضمن حقي ما يقول لي اطلع بعد سنه او سنتين
و مستعد ادفع 3 سنوات مقدم بشرط ايجار بسعر معقول

ماعندي مشكله بالكاش نهائيا , و لكن فقط ابي أضمن حقي بأني أقدر أقعد 5 سنين و فوق

قال رسول الله صلى الله عليه و سلم : (رحم الله عبداً سمحاً إذا باع، سمحاً إذا اشترى، سمحاً إذا اقتضى).

 

[بومحمـد]

اخوي سالم شقلت ؟

 

[drdor]

Hاجر يا خوى مافيها شى بس .. شوفلك رجال أجودى تكانه وضبط مع جارك الى الى يمك انا ماجر بيتى صارلى سنه ونص ولله الحمد ماشيه الامور... بس انت اختار الى يسكن بيتك منهو هو وسمعته اهم شى لايزعج الجيران
وتوكل على الله الاسكان تدرىبهالسالفه حتى لو درو مايسحبونه منك فى انذار اول وثانى وثالث هذا اذا كانت فيه مشاكل وطلايب بين المؤجر والجيران لا هذا لو جارك بعد فاضى ويدور الطلايب وترى جارك مايحب يخسر جاره بسبب امور بسيطه مردك تسكنه البيت ومايحب يخرب العلاقه من اولها مع جاره بس عطهم تلفونك لا صار شى يدقون عليك بينك وبينهم
وعلى العموم الاجار البيت فاضى يبدى من 450 الى 550
وشكرا

 

[بومحمـد]

اخوي سالم يا ليت تعطيني رقم تلفونك لو برساله خاصه