للشعراء والنقاد فقط : شارك برايك في هذه القصيدة من ناحية الوزن والمعنى والنقد

[Hi5]

هذه قصيدة كتبتها وأحب من الأخوة الشعراء ومجيدي الشعر تقييمها من ناحية الوزن والمعنى والقوة والمستوى

بالخطايا تماديت


من سبتك ياما وياما تأذيت ** ومن سبتك يا ما سقيت المراره

تخطي واعذرك لكن اليوم حسيت ،، إن المحبة من عشقتك خساره

ياما وياما بالخطايا تماديت ،، نادر الخطا شبت بهالقلب ناره

لا جيتك بمعروف قمت وتعديت ،، مثلك عن المعروف ضايع مساره

ما يوم أخطيت بجنابك وزليت ،، واضح معك مثل الصباح ونهاره

سويت لك منزل وبالقلب حطيت ،، وتجني من اشجار المحبه ثماره

واثرك معي كل الحواجز تخطيت ،، والوضع اصبح خارج ٍ عن اطاره

لا تحسب اني في شعورك تسليت ،، الحب عندي ما اعتبرته تجاره

الله يشهد عنكم ما تخليت ،، الا بعد ما شفت طيبي خساره

 

[Winchester SX3]

الله بالخير

ماني خبير لكن محب للشعر

إسمع هالشله وغنها على قصيدك وراح تعرف مواضع الكسر

واهم شي انك تغنيها عشان تضبط

[YOUTUBE]xDpDx7A0keI&feature=player_embedded[/YOUTUBE]

وتعليقي عليها:

الموضوع عادي جدا

المعاني ليست قويه

المستوى 4 من 10



موفق طال عمرك وفالك البيرق

 

[Hi5]

انا الوزن متغلب عليه وأقدر أضبطه بس احب نقد أي مشاركه اكتبها

 

[قلم حر]

هذه قصيدة كتبتها وأحب من الأخوة الشعراء ومجيدي الشعر تقييمها من ناحية الوزن والمعنى والقوة والمستوى

بالخطايا تماديت


من سبتك ياما وياما تأذيت ** ومن سبتك يا ما سقيت المراره

تخطي واعذرك لكن اليوم حسيت ،، إن المحبة من عشقتك خساره

ياما وياما بالخطايا تماديت ،، نادر الخطا شبت بهالقلب ناره

لا جيتك بمعروف قمت وتعديت ،، مثلك عن المعروف ضايع مساره

ما يوم أخطيت بجنابك وزليت ،، واضح معك مثل الصباح ونهاره

سويت لك منزل وبالقلب حطيت ،، وتجني من اشجار المحبه ثماره

واثرك معي كل الحواجز تخطيت ،، والوضع اصبح خارج ٍ عن اطاره

لا تحسب اني في شعورك تسليت ،، الحب عندي ما اعتبرته تجاره

الله يشهد عنكم ما تخليت ،، الا بعد ما شفت طيبي خساره

القافيه جيده

الوزن ضعيف

تكرار كلمات كثيره

المعنى متشابه في اغلب الابيات / ابيات مكررة المعنى

مطلع القصيده لايصلح ان يكون مطلع وممكن يكون بنص القصيده

البيت الاول والثاني يوجد فيه المعنى الكامل للقصيده والباقي

تكرار وحشو

السموحه على النقد واتمنى تعتبره نقد بناء​

 

[my life]

اقول بكل صراحه ما تصلح للشعر للاسف

 

[العاشق]

قصيده فيها خلل واضح بالوزن والقاف

ولاكن فيها مشاعر واحاسيس راقيه

وارا ان الشطر الاول من كل بيت اقوا واجزل من الشطر الثاني الا ماندر
بدايه جيده حسن اخطائك

واسمع القصيد واي فكره قبل كتابتها غنها او هيجنها حسب البحر اللي انت كاتب عليه

واعجبني حيل هالبيت

لا تحسب اني في شعورك تسليت ،، الحب عندي (عمري)ما اعتبرته تجاره
خصوصا لو حاط عمري بدال عندي

الله يوفقك​

 

[بو شيشه]

ما شاء الله الشباب طلعوا شعراء
نايس

 

[سرور]

موهبة جيدة تحتاج الى صقل وافضل مافي الشعر تأتي بكلمات لا يعرفها الا من يقرأ المعجم .. فقد نال الشاعر / أحمد شوقي لقب أمير الشعراء لأنه حفظ 75% من كلمات المعاجم ولذلك تفوق على الشعراء الآخرين .. وكذلك الوزن من خلال حفظ أوزان البحور والتفعيلات وأوزان الشعر الحر.

 

[ابو عيسى]

القصيده فيها ثلاث اشطر غير موزونه اللي هي :
1- نادر الخطا شبت بهالقلب ناره
2- ما يوم أخطيت بجنابك وزليت
3- الله يشهد عنكم ما تخليت

حاول تعيد صياغتها ولو تبي اساعدك حاضرين

 

[سيف راكس]

قصيده فيها خلل واضح بالوزن والقاف

ولاكن فيها مشاعر واحاسيس راقيه

وارا ان الشطر الاول من كل بيت اقوا واجزل من الشطر الثاني الا ماندر
بدايه جيده حسن اخطائك

واسمع القصيد واي فكره قبل كتابتها غنها او هيجنها حسب البحر اللي انت كاتب عليه

واعجبني حيل هالبيت

لا تحسب اني في شعورك تسليت ،، الحب عندي (عمري)ما اعتبرته تجاره
خصوصا لو حاط عمري بدال عندي

الله يوفقك​

يا خطير وانا ما أعرف للشعر .... اثاريك موب سهل

 

[Hi5]

شكرا لمشاركات الأخوة

وهذا نقد للقصيده مو حقي يعني لازم الواحد ياخذ راحته بالنقد
الملاحظة الصحيحة راح تفيدني والملاحظة اللي تكون غير صحيحة لا ألتفت لها
ـــــــــ
- نادر الخطى شبت بهالقلب نادر [ البيت موزون بس الخطأ مطبعي ، لأني أقصد نار الخطى وليس نادر الخطى .

- ختم القصيدة بكلمة القافية ( خسارة ) عادي لا يضر بالقصيده شي يمكن لمن يكتب قصيده أن يختمها بكلمه ذكرها بقصيدته

-

 

[MOHAMMED11]

القصيده فيها ثلاث اشطر غير موزونه اللي هي :
1- نادر الخطا شبت بهالقلب ناره
2- ما يوم أخطيت بجنابك وزليت
3- الله يشهد عنكم ما تخليت

حاول تعيد صياغتها ولو تبي اساعدك حاضرين

نار الخطا شبّت بهالقلب ناره ( موزون )
مايومٍ (ن ) أخطيت بجنابك وزليت ( موزون )
الله يشهد ( عنّكم ) ماتخليت ( موزون )

يمكن قرائتك اخوي اكسرت الوزن لان في تشكيل بالكلمات ..
واعتقد انك توافقني الراي ان الاشطر الحين صارت موزونه ..


أما بالنسبة لكاتب القصيده . مااعتقد راح تقتنع حاليا بالنقد
إلا اذا قرأت كثير من القصائد القوية . حينها انت بنفسك
راح تلاحظ الفرق وهل ماتكتبه يصلح للنشر ام لا

اما الحين وانا مرّيت بهالحالة . تعتبر بعض النقد مو صحيح .حتى لو كان صحيح . لانّك اكيد معتز بما كتبت حاليا .. وتشوفه شي جميل جدا
ويقارب للكمال .... لكن مع القرائة راح تلاحظ الفرق وتقدر تقيم نفسك


واحلا ما بكتابة الشعر انّك تجيب شي ( بكر ) لم يسبقك عليه
احد ..... والجميل ايضا السهل الممتنع


يالحزن رح يمها دام انتـه الساعـي
واخذ معك كلمتيـن لـزوم تسمعهـا
إن كان ندمت بعد ماعرفت أوضاعـي
فهمهـا إن النـدم ماعـاد ينفعـهـا
وإن كانها في شهر قدرت على وداعي
أنا أربع سنين مدري كيـف أودعهـا

وايضا

وانتي : امانه اذكري ( محمد ) بخير ..
لا مر بك طاري الجـروح وزمنهـا
غلطة يدينا .. والا غلطـة مقاديـر ..
مـدري : ولكنـا دفعنـا ثمنـهـا


والمعنى البكر ،، يشبه هالابيات


البارحه يوم اكثر العالم ارقود
عادت علي اللي تجي منين مدري

الضيقه اللي كل ماراحت تعود
مكانها مابين قلبي وصدري

ناسن تنام مدهنه في دهن عود
وناسن تنام مدهنه بزيت مقري



وايضا

في امان الجـرح .. ياجرحـي وياسبـة بعـادي

مابقـى للصـدق فـي وجهـك مكـانٍ تسترينـه

انتهت رحلة هوانا .. غن حزني يا ( عبـادي ) :

( كانت الرحله حزينه ... كانت الرحلـه حزينـه )


وشاعر الفصحى يقول
هذا محبك مطويٍ على كمده
صبٌ مدامعه تجري على جسده

له يد تسأل الرحمن راحته
مما به ، ويد أخرى على كبده