ممكن احد يفيدني بشتري هالسيارة

[gaadboy]

السلام عليكم
ياخوان ابي اشتري سيارة جولف golf gti ممكن احد جربها من ناحية الاستعمال والحرارة والمكيف الله يجزاكم خير موديل 2010 او اللي قبلها

 

[560SEL]

يبه هذي سياره عمليه جدا ومن ناحية المكيف الالماني كله ممتاز وحراره طالما الماكينه ما فيها مشكله او بنظام التبريد كل شي يبقى طبيعي
سياره قويه جداااااااااا وتتحمل
العيوب:
القطع غاليه نوعا ما والسبب انه الماني ركب وانسى 5 سنوات
وقت البيع السعر ينزل واجد

 

[مؤشردوت]

موتر الماني ممتع للغايه

وعيوبه مثل ما تفضل الاخ560 sel

 

[investor 2007]

يالغالي انا استمعلت سيارتين فولكس واجن لمدة 8 سنوات وعمري ما تحسفت على اني استعملتهم
مكيف بارد وخرابات نادرة اذا اعتنيت بالموتر
وقطع غيار وسيرفس رخيص مقارنة بالسيارات الالمانية الثانية
بس عند البيع تخسر فيها
بالنهاية سيارة ولا اروع للاستعمال والله يوفقك

 

[حيدروف]

سيارة الشعب عند الألمان. وسيارة تستانس لما تسوقها خصوصا إذا كانت جير عادي. بس المشكلة أن الوكالة ما يجيبون جير عادي.

المشكلة عملية إعادة البيع. صعب تبيعها و سعرها ينزل.

 

[560SEL]

لا والله كل شي موجود لكن بالطلب ووكلاء الخليج مشكله لكن لو طلبت ورفضت الوكاله اشتكي عليهم عند الشركة الام بالمانيا وشوف كيف المعامله تتغير 180 درجه

 

[gaadboy]

الله يجزاكم خير انا ناوي اخذ 2010 gti لانها وبصراحة شكلها روعة ان شاء الله بمر الوكالة بشوف سعرها مع ان واحد قالي سعرها 8000 قوية بس بتاكد