استفسار لأهل الخبرة بالـ Iphone

[The BrokenHeart]

السلام عليكم ورحمة الله وبركاته ,,


أنا لي الحين ما استخدمت الـ Iphone وناوي ان شاء الله اشتري واحد بس ما اعرف اسعارهم , وشنو الفرق اللي بين كل واحد وواحد .

يعني مثلا شنو الفرق اللي بين Iphone 3GS و الـ Iphone 3G ؟ وهل هذا الفرق يبرر فرق السعر بين كل واحد ؟؟

كل سعره جديد ؟ وكم سعره مستعمل ؟ هل أقدر أستفيد من الـ Iphone اذا ما وصلت خدمة الانترنت للـ Iphone ? ولا راح يكون نفس اي تلفون ثاني ؟

اللي بخاطري واحد من هذولة :
Iphone 2G
Iphone 3G 8GB
Iphone 3GS 8GB


وشكرا مقدما لكل من قرأ الموضوع وحاب يشارك أو ما يشارك

 

[بو بـدر]

ولا واحد فيهم ... انتظر جم شهر ينزل iphone 4 بالكويت واشتره لان مواصفاته ما تذكر يم الى حاطهم

والايفون يمسك سعره حالياً gs 32 سعره لحد الان 240 دينار !!! يعني اصبر وزيدها 40 ولا 50 واخذ شي جديد ومواصفاته اقوى

 

[The BrokenHeart]

شاكر لك يا بو بدر على الرد بس من وجهة نظري ... حرام ادفع فوق الـ 150 دينار ثمن تلفون , حتى لو كان معي فلوس الدنيا

يعني الحين Iphone 4 بـ 300 دينار ؟؟!! زيدهم شوي وتحصل لابتوب او ديسك توب بنفس السعر

يعد فيه عندي سوال بخصوص الـ rom boot شنو يعني ؟؟ وفيه مشكلة مع الـ OS4 ?? واذا اختلف لون التلفون ابيض او اسود .. يختلف السعر ؟

 

[egyptian869]

يالغالى انا مع راى بو بدر .. اشترى ال 4 بكل امكانياته ولا تقط فلوسك فى 3g سواء 8 او 16. انت خاطرك تشترى اى فون يعنى بتحبه ولا تبي التكنولوجيا ؟ لو على التكنولوجى بتحصلها فى النوكيا وبسعر ارخص ويحقق نظرية انك ما تدفع فى التليفون اكتر من 150 دينار. شوف n97 مواصفاته عاليه.الاثنين فيك توصل عليهم خدمة زين مالت الانترنت ب 7 دينار بالشهر على نفس شريحة تليفونك الحاليه لا وبعد ممكن تستخدمهم مثل اى جهاز ايجو وتوصلهم بالاب توب وتشبك من خلالهم. الاتنين فيهم خاصيه شراء البرامج يعنى الاى تيون ف ابل هى ال ovi فى نوكيا.لكن لو بتحب الاى فون فأنا ارشحلك ال 4 ولو ما تبي خليك مع ال 32 3gs يعنى درجه واحده اقل من ال4 وبتحصله بسعر معقول. انا شريته استعمال شهر واحد بالضمان ب 170 دينار ونظيف حيل من المحلات اللى بشارع البصمات بشرق . بخصوص الابيض والاسود الاثنين واحد الموضوع فقط فى الاذواق.. انا اشوف الاسود ملك الالوان وغيرى يقول لأ الابيض . اما بخصوص مشاكل ال os فانصحك بمتابعة الموقع اى فون اسلام www.iphoneislam.com .. عندهم تغطيه كامله لكل مشاكل الاى فون.