عندي مشكلة وأبي حل

[فنان999]

عندي سيارة كابرس 2006 الغانم 6 سلندر ماشي 48000 الف مشكلته ان ما يتجدد تأمينه بسبب ان الموتر مر على المواصفات والقياس (الفحص الفني) وحطو بلوك عليها في الكمبيوتر بسبب اني حاط قصة دبه للسياره بسبب حادث سابق
وقالو روح سكرب السيارة

لو تشوفون السيارة راح تقولون حرام تتسكرب السياره لأن السيارة جديده حتى اقساطها ما خلصت

هل في أحد ممكن يخدمني وكيف العمل حتى نخليها تتسجل
او اي حل اخر
وشكرا

 

[بو شيشه]

اي مرور اخوي؟
الحين الواحد سيارته فيها خفايف وتلاقيه يروح بواسطه او بمعرفه
وانت الله يهديك السياره مقصوصه وهم دارين عنها ورايح من غير معرفه!

 

[فنان999]

اي مرور اخوي؟
الحين الواحد سيارته فيها خفايف وتلاقيه يروح بواسطه او بمعرفه
وانت الله يهديك السياره مقصوصه وهم دارين عنها ورايح من غير معرفه!

يا الطيب الحين نبي حل التحلطم ما يفيد

 

[ابو رجا]

اخوي الحق عليها قبل مايتسكر الموديل هذا وسولها تصدير ل سعوديه ورقمها اهناك واستعملها بلوحات سعوديه لا مخالافات ولا عوار راس وكل شغلك بيوم واحد بالخفجي

لان سوالف المرور ماتخلص مادام العويش موجود

 

[بو شيشه]

يا الطيب الحين نبي حل التحلطم ما يفيد

هههههه لا والله ياخوي مو موضوع تحلطم بس انا مجربهم هني بكذا شغله
ما يطوفون الأخضر الا بمعرفه
بس كلام ابو رجا معقول لاني اعرف واحد محول لوحات سيارته على قطر ومخليهم اقوله ليش مو مغيرهم يقول مرتاح عليهم

 

[صقر3]

اخوي ستعمل سياره بدون تجديد وكل سنه سويلها تامين وستعملها والمخلفات مره بسنه مافي مشكله وبعدها وديها سكررب

 

[ابوهديل]

اخوي الحق عليها قبل مايتسكر الموديل هذا وسولها تصدير ل سعوديه ورقمها اهناك واستعملها بلوحات سعوديه لا مخالافات ولا عوار راس وكل شغلك بيوم واحد بالخفجي

لان سوالف المرور ماتخلص مادام العويش موجود

كلام ابو رجا صح وافضل حل انا محول سياراتي ومريح مخي من المرور وخرابيطه والتامين يوصل ل3 سنوات

 

[فنان999]

اخوي الحق عليها قبل مايتسكر الموديل هذا وسولها تصدير ل سعوديه ورقمها اهناك واستعملها بلوحات سعوديه لا مخالافات ولا عوار راس وكل شغلك بيوم واحد بالخفجي

لان سوالف المرور ماتخلص مادام العويش موجود

مشكور يا خوي
أعمل تصدير على أساس سيارة سكراب وأسقط أرقامها بالكويت
وبعدين أنقلها على ونش للسعوديه
وبعدين أيش نعمل ممكن تفصل المسألة شوية الله جزاك خير

 

[فنان999]

اخوي ستعمل سياره بدون تجديد وكل سنه سويلها تامين وستعملها والمخلفات مره بسنه مافي مشكله وبعدها وديها سكررب

كيف اسويلها تأمين بدون تجديد وهل شركة التأمين تسوي تأمين بدون تجديد
وهل استفيد من هذا التأمين

 

[صقر3]

اخوي تأمين يكون صالح ماله داعي للمرور بس في حالة حدوث حادث يعطونك مخالفه وتأمين يتحمل التصليح وسلامتك [ /size]

 

[® دولار ®]

توكل على الله وسقطها ربك يرزقك باللي احسن منها

 

[فنان999]

للرفع

 

[corvette99]

والله اخوي يا تشوفلك واسطه قويه
او تبيعها على حالها بس ارخص من السوق
والي يبي يشتريها يكون عنده علم بهل السالفه ويشوفله واسطه وياخذها على حالها

 

[abo_fahad9]

اخوي الحل عندي وانا ابوهندي ؟ انا اشتريهاا منك جم مطلوبه تصلح حق 300 كيلو يومي حق الدوااام::verymad::