شنو الفرق بين فاست تلكو وكوليتي نت ؟

[مساهم11]

حبيت اخذ رايكم في هذي الشركتين
شنو الافضل بينهم خدمه وسيرفس
الي جرب ياليت يعطينا رايه
لاني ابي اشترك بوحده منهم dsl منزلي
وابي اسوي اشتراك سنوي
الشهري ما احبه

 

[ممرض جهراوي]

طبعا فاست تلكو
لان عندهم الراوتر 20 دينار مع التركيب
وسعر اشتراكاتهم سنوية
ولك دبل السرعة من الساعة 1 صباحا حتي 7 صباحا
يعني لو تشترك سرعة 512 راح تصير 3 ميقا بالسنة تدفع 59 دينار
يابلاش
والجودة كويسة زينة

 

[مساهم11]

مرحبا اخوي ممرض
انا شفت من اسبوع ايضا اعلان لكوليتي نت 512 بسعر 49 اذا مو غلطان

ولكن شنو الفرق بينهم
وهل الخدمه متساويه

اما شغلة الدبل اتصور انه مو صحيح مجرد اعلانات غير جديه لكل الشركات

 

[بو شيشه]

مشترك بكواليتي 2 ميجا
وبصراحه مرتاح
اما بخصوص الدبل وهالخرابيط....اسمع وطنش كله حجي فاضي ودعايات لإستغلال العميل

 

[MH For Ever]

طبعا الكواليتي نت خدمتهم ولا اروع صراحه اشتراكي معهم من 7 سنوات والحمد لله ممتازين

 

[master_111]

اخوي كوالتي و اقطع ، ما عليك من الكلام الفاضي حق فاستلكو ، على قوله الاخ بوشيشه كلها حركات لاستغلال العميل ،

عندي واحد من الربع مشترك مع فاستلكو يقول بعد الساعه 1 اصلا يله يوصل شوي فوق ال 2 ميغا و ينزل ، يعني مو بالصوره الي انت متخيلها ،

كوالتي اسعارهم شوي اغلا لكن اذا قالك 2 ميغا يعني فعلا 2 ميغا و ما يفصل معاك و سرعه ثابته و بقوه ،


كوالتي اشتراك 2 ميقا بالسنه 209 ، و في سرعه 4 ميغا ب 309 بالسنه ،

 

[بـ1ـدر]

جرب كيمز

 

[ممرض جهراوي]

موفقين
ارفع الموضوع
لعيونك

 

[شاب محترم]

انا عندي فاست تيلكو .. سرعة 512

للامانة .. والله مرات الداونولود يوصل فوق الـ 300 .. ومرات يوصل 20 !

اوقات احب الاشتراك .. واوقات صج اكره الاشتراك

خلاصة الكلام .. فاست تيلكو اشتراكهم مو ثابت .. اوقات باليوم عالي .. واوقات بالارض


في شركة يمدحونها اللي هي كيمز .. لكني ولا مره جربتها

 

[MH For Ever]

على فكره نسيت اعقب على موضوع انه الفاست تلكو يسوون بلوك على المواقع عمال على بطال مثل ما يقولون ويسكرون وايد مواقع بعكس الكواليتي نت

 

[Maxima]

كوالتي نت بدون منازع
مااشتكيت منهم
6 سنوات متواصلة معاهم
على فكرة الآن عندهم عروض
2 ميجا بسعر 149 دينار لمدة سنة كاملة